Makatukilu 24:1 - O Mikanda Ikola

¹ Anga u ambela Mozé, uixi: Banda kunu kua Jihova, ni eie ni Alá, ni Nabade ni Abihu, ni makuinhi sambuadi a adiakimi a Izalaiele; muà suke mu kanga ni kubheza;

Makatukilu 24:1 ပူးပေါင်းရင်းမြစ်များ

I Malunda 6:3

O ana a Halane, Alá ni Mozé, ni Midiiana. O ana a Alá: Nadabe, ni Abhihú, ni Eleiazale, ni Itamale.

Makatukilu 1:5

Mienhu ioso ia tunda mu mukutu ua Jakobo, makuinhi sambuadi a mienhu; Zuze ua kexidié kiá mu Ijitu.

Makatukilu 19:20

Jihova kia tuluka ku mulundu ua Sinai, u tula bhu thala ia mulundu; Jihova anga u ixana Mozé kubanda bhu thala ia mulundu; Mozé anga u banda.

Makatukilu 19:24

Jihova anga u mu ambela, uixi: Ndé, tuluka; phala u bande dingi ni Alá; Jinganga-phe ni mundu uoso ka bhumine kusomboka o mbambe, mu kubanda kua Jihova, phala Muene ka a kuame ni kalunga.

Makatukilu 19:9

Jihova anga u ambela Mozé, uixi: Eme nga-nda kuiza kokué; ngi ku tulukila mu dituta dia kitombe, phala o mundu a dʼivile kioso ki ngi ku zuelesa, phala eie ue a ku xikane katé ku hádia ni hádia. Kuma Mozé ua tangela Ngana kioso kia vutula o mundu ue.

Makatukilu 20:21

O mundu anga emana dikanga, Mozé ngó ua zukama ku kitombe kia xiti, bhuala Nzambi.

Makatukilu 24:15

Mozé anga u banda mu mulundu. Mulundu uoso-phe a u vungina ku dituta.

Makatukilu 24:2

Mozé ngó ubheka uê u zukama kua Jihova; maji o ene-phe ka zukame-ku mba o mundu ue u banda-nê.

Makatukilu 24:9

Kia zubha kubhanga kiki, Mozé ni Alá a banda ni Nadabe ni Abihu, ni makuinhi sambuadi a adiakime a Izalaiele;

Makatukilu 28:1

Ua kèxana phange ié Alá ni anʼê a mala, mu kaẋi ka anʼa Izalaiele, nʼa ku zukame, u a unde ku ngi kalakela ku unganga; ni Alá, ni Nadabe, ni Abihu, ni Eliezale, ni Itamale, ni anʼa Alá.

Makatukilu 3:5

Nzambi, uixi: Kana kuzukama dingi kunu; o jisabhatu ku inama ié zula-ju; kuma kididi ki uemana, mavu akôla.

Makatukilu 34:2

U kale polondo mu kimene, u di meneke dingi mu mulundu ua Sinaiʼumu, u di bhakule ko kuami bhu thala ia mulundu.

Makatukilu 6:23

Alá anga u bhenga muhatu, Eliseba monʼa Aminadabe, phange ia Nasone; muene anga u mu vualela Nadabe; ni Abihu, Eliiazale ni Itamale.

Izekiiele 8:11

Nga mono ue ni makuinhi sambuadi a muthu, ku ikulakaji ia dibhata dia Izalaiele, ala kumoxi ni Jahazaniia, monʼa Safane, ua kexi mu kaxi kâ, ia emana bhu pholo ia ima ienʼiii iòsete ku mutôto, o bhu maku mâ, muthu ni muthu ua kuata kienga kia ku uikila uasu ua dizumba; anga o kidixi kia uasu ua dizumba kiia ni kutukumuka kala dituta dia nguzu.

Dialuilu 11:16

Jihova anga u ambela Mozé, uixi: Ngi sotele makuinhi sambuadi a muthu ku adiakime a Izalaiele, oso ua ejiia kuma adiakime ku kifuẋi ni jifixiiadi jâ, u a bheka bhu muelu ua balaka ia kutakanena, emana-bhu bhu mbandu ié.

Luka 10:1

Kia bhiti ima iíi, ku izuua, Ngana u sola dingi makuinhi sambuadi a xibulu ni kiiadi jamukuá, anga u a katula kiiadi-kiiadi, ni a mu tuamenene ku jisanzala joso ni ididi kuoso kua-nda kuia muène.

Luka 10:17

O makuinhi sambuadi ni kiiadi anga a vutuka ni kusanguluka, exi: Ngana, katé ni madimonho a tu tolokela, kioso etu ki tua a tumu kutunda mu dijina dié!

Matendelelu 1:15

Nga kuatele-phe adienu mu miji ienu, mala a jinjimu, ende kiabhu o ngongo, eme nga a bhange makota phala ku mi tambula konda; o iá jikabhitangu ja kutumina jimidi, o iá jikabhitangu ja kutumina jihama, o iá jikabhitangu ja kutumina makuinhi atanu, o iá jikabhitangu ja kutumina dikuinhi; amoxi nga a bhange jinguvulu ja kuendesa ibuka ia miji ienu.