Makatukilu 23:8 - O Mikanda Ikola

⁸ Kana kutambula kitadi kia ku ku bhomba, kuma kitadi ki bheka ufuófo ku akua mesu; ki bheka kuila, o maka a ió uaiuka, ela mu kubhengalala.

Makatukilu 23:8 ပူးပေါင်းရင်းမြစ်များ

Jisálamu 15:5

ka bhana kitadi mu kutambula avasu, ka xikina kitadi kia kúdia mangonha. Uoso u bhanga ima iii, uemana kididi, ka mu lundumuna.

Jisálamu 26:10

A bhingi makuʼâ a di teka ni usuéia; o kitadi kia kuzuela makutu a ki kuata dikumba.

Jisabhu 15:27

Muthu uoso u fundamena o nganhu ia kudia mangonha, u titidisa dibhata diê; maji uoso u iibhila o mahitula, muene u kola o muenhu.

Jisabhu 17:23

Mukua phulu u tambula diminhinu mu kasuèkele, mbé kubilula kidi kioso kia uanji ua kubatula kiambote o dimanda bhu milonga.

Jisabhu 17:8

Oso a a tambula diminhinu, dienhidi mbambe ni diiamande kua ene; kuoso-kuoso kua di tela, di a bhandulula.

Jisabhu 19:4

Umvuama u vudisa makamba, maji o ngadiama-phe a mu zemba katé ni kua kamba diê uene-nê kiá.

Ndongixi 7:7

Ni kidi kiene, o muthu ku mu bhikisa, ki bhekesa malaji katé ni ku jinjimu, maji o kutambula nduta kuzanga o muẋima moxi.

Izaía 1:13

Kana dingi kuiza mu titidila mu malumbu mami; kana dingi ku ngi bhekela maujitu ma kingoho; o fumasa ienu, phalʼeme, nga i kiti ufusa: ni jimbeje jathethama, ni jisabhalu ja kunhoha, ni kubhongolola o ionge; ki ngi tena kuxididikila jifesa ja ituxi, né kiá o ionge ienu ia ujitu.

Izaía 1:23

Makota mé ma mbonge a bhukumuka, a di bundu kumoxi ni miii; kala muthu mudiâ, ki ua a monuʼokio, a uabhela kitadi kia kudiodia milonga, bhua mona o nganhu usanga aia lusolo; hukunhu, o ku mu batuila milonga, u a lémbua; kene kusuua dimanda dia atudi.

Izaía 33:15

Kikale uoso uenda ni kuiuka, ni ió u zuela ima iafuama o kidi; uoso u texi dikanga o nganhu ijila mu ku bhûnda, uoso ka xikina kitadi kioso-kioso kia diminhinu bhu maku mê; uoso u xita o mátui mê phala kʼevue maka ma kubhubhisa manhinga, anga u jika o mesu mê phala ka mone ima ia-ibha,

Izaía 5:22

Lamba dia ió oso a di bhanga indanda mu kúnua o vinhu, o bhuala o kuketa makiákia, usanga a handamana,

Izaía 5:23

ni ió oso a lungisa mukua phulu, kabasa ua a bhana diminhinu; o ua lungu anga a muʼelesa!

Izekiiele 22:12

Mu kaxi kê eie a tambuila-mu ue ni nduta ia kuzunza o manhinga; dikongo ua di vualesa ni kuvudisa o kitadi ku uenji, iene o ima i ua tambula, eie uemina mukuenu ni ku mu tatesa; maji eme ua ngi jimbi, eme ngi Jihova.

Hozeia 4:18

A mu kuila kia zubha o kúnua, a di bhakula kiá ku undumbu; o itatakaji iâ u uabhela o lusebhu, kene mu kuinda o kuuabha kua Jihova.

Amoji 5:12

Mukonda eme nga kʼijiia muene kuila itondalu ienu ia ndumba, ituxi ia mi kala jinzungule; muthu ua iuka, enu mu mu tatesa; ku milonga, mu tambula nduta; a bhindama kia kuendela, eie ua a jikila dibhitu mu pholo.

Mikeia 7:3

Maku mâ a beta kuijiia kubhanga ni uhete o ima iaiibha; ni monʼa ngana u jiza ni ku tokuesa; o mufundixi u lengulukila kubatuila kuoso kua tena kutambula futu; o kota-dia-ngana mu kuzuela, o luimbi lua mu kala moxi diê ka lu sueka dingi; kienhiki ene oso anga a kala ngó akua kubhanga kavuanza.

Matendelelu 10:17

Kuma o Jihova Nzambi ienu, muene o Nzambi ia jinzambi, muene Ngana ia jingana, muene Nzambi ngó Suke-ku, o uzonda uê uvula, ukuata uoma, ka moneka kathômbo kʼathu, ka xikina ku mu futila.

Matendelelu 16:19

Kana kudiodia dimanda; kana kubhanga katungu ka athu; kana kutambula kitadi kia diminhinu, mba kima kioso-kioso kia ku ku bhomba, kuma o kitadi kia diminhinu ki bheka ufofo ku akua mesu; kiselula uanji ua oso ejidile kutetulula mu kidi.

I Samuuele 12:3

Emʼiú: anuenu bhanenu umbangi bhu plo ia Jihova, ni bhu pholo ue ia muthu uê ua mu undu ni maji. Eme nanhi nga mu tambula ngombe iê? Nanhi nga mu tambula bûlu iê? Nanhi nga mu di mangonha? Nanhi nga mu zukutisa? O ku milonga nanhi nga mu tambula kitadi bhu maku mê, phala ku ngi xitisa na-kiu mu mesu? Ambenukiu, phala imʼii ngi mi fute-iu.

I Samuuele 8:3

Anʼé-phe anga a fula kuendela mu njila jê, a bhambukila mu luimbi lua kuinda nganhu ia mangonha, a tambula kitadi kia a felesela jinga, milonga anga aia ni ku i bhengelekela muengi.