Makatukilu 23:31 - O Mikanda Ikola

³¹ Ngi ta mbambe ienu tunde mu Kalunga Kakusuka katé mu Kalunga ka akua Fidíxia, tunde mu kikangalakata katé mu honga ia Eufalate; mbata akuaʼxi ioso a tungu mumu, ngʼa a bhakula bhu maku menu, phala enu-phe muende ni ku a kaia katé kia bhua-mu.

Makatukilu 23:31 ပူးပေါင်းရင်းမြစ်များ

Dimatekenu 15:18

Kizuua kienhokio-phe Jihova u ta kikutu ni Mbalamu, uixi: Mbutu ié nga a bhana muene ixi iii tunde mu honga ia Ijito katé mu honga ia dikota, honga ia Ufalate,

I Jisobha 11:2

O akua jixi joso ja kidikile Ngana ku anʼa Izalaiele, kuma; Enu ki mua ka bokona mu kusakana ni ahatu ió, o ene ua ka ka bokona mu kusakana ni ahatu ko kuenu; sumba a kà diangula mixima ienu nda mu kaiele o jinzambi jâ. Ahatu iá-phe Solomá ene a sakanene-nâ mukonda dia ku a uabhela kinéne.

I Jisobha 20:13

Bhenhobho polofeta imoxi u zukama Akabe, anga u mu ambela, uixi: Ngana uambe kiki: Eie ua mono o kifuẋi kioso kiavulu kiki? Talesa kuma, lelu muene nga-nda ku ku bhana-nâ bhu maku mé, nda uijiie kuma ememuène ngi Ngana.

I Jisobha 4:21

Solomá anga utumina o jisobha joso tunde ku Honga ia Ufalate katé ku ixi ia akua Fidíxia, katé ku mbámbe ni Ijito; ene oso a bheka jinga lubhaku kua muene, a bhikila jinga Solomá izuua ioso ia muenhu uê.

I Jisobha 4:24

Kuma Solomá muene ua kexe mu tumina jixi joso ku sámbua dia Honga ia Ufalate kunu, tunde bhu Tipiza katé ku Ngaza, jisobha joso ku sámbua kunu, ji mu beleselela muene; hé u kala ni kutululuka; ku jimbandu jê joso kana muthu ua mu kumbulula.

I Jisobha 8:65

Mu kithangana kiene kimoxi, Solomá u bhitisa ue dingi o fesa ia jifundu, ni muene ni Izalaiele ioso, kionge kia dikota, bhu pholo ia Jihova, Nzambi ietu, athu a tunda bhu Hamate hé a bhixila ku ngiji ia Ijito; o fesa hé a i bhanga mu sambuadi dia izuua, ki kua di te dingi o sambuadi dia izuua ia dianga, kia bhange kuinhi dia izuua nʼiuana.

II Malunda 9:26

Anga Solomá uia ni kutumina jisobha joso tunde ku ngiji katé ku ixi ia akua Fidíxia, tule mu jimbambe ja Ijitu.

Jisálamu 72:8

Utuminu uê u tunda ku musanza katé ku musanza ua mukuá, mbambe o ngiji ia dikota katé ku maẋokololo maʼxi.

Dialuilu 21:34

Jihova anga u ambela Mozé, uixi: Ku mu kale ni uoma, kuma nga mu bhana bhu maku mé, ni mundu uê uoso, ni ixi iê; u mu bhanga kala ki ua bhange Sihone, sobha ia Mamodi, ni mbanza iê ia Hexebone.

Dialuilu 34:2

Tuma anʼa Izalaiele, u a ambela, kuma: Kioso ki mu bhiẋila mʼoxi ia Kanana, kuma iene ixi i mua-nda kulundula, ixi iii, ia Kanana, jimbambe jê jenhiji:

Matendelelu 1:7

Bilukenu, mu katuke, muie ku mulundu ua akua Mamodi, ni oso a zukama kuenhoko ni ku kiphenza, ni ku mulundu, ni mu dikôlo muná ni ku sulu, ni ku Nengabe ku mbanduʼa musanza, mʼoxi ia Kanana, ni ku Libano, katé kiá ku ngiji iadikota ia Ufâlate.

Matendelelu 1:8

Talesenu, oxi ioso iii nga mi bhana-iu enu; bokonenu muʼvue oxi ia lokela Jihova ku jitata jenu, Mbalahamu ni Izake ni Jakobo, ku a bhana-iu ene ni mbutu iâ kuema diâ.

Matendelelu 11:24

Kididi kioso kiá ki diata o kànda dienu dia kinama, kikala kiá kienu; tunde kiá ku kikangalakataʼoko ni ku Libano, tunde ku honga ia Eufalate, katé ku musanza ua luiji ku mbandu ia mufuila-kumbi iene kiá ikala o mbambe ienu.

Matendelelu 2:33

O jihova Nzambi ietu bhenhobho hé u tu thelekala-nê, anga tu mu totola ni muene anʼê ni mundu uê uoso.

Matendelelu 2:36

Tunde kiá mu Alouele, ku ibumu ia honga ia Anone, ni diembu dia tungila ku honga ienhiʼii katé ku Ngiliiade, madiembu moso tua ma buba, sé-bhu diembu dia tu ẋangumuka bhu maku; iene ioso Jihova Nzambi ietu ua tu bhakuila na-iu bhu pholo ietu.

Matendelelu 20:16

Maji o madiembu ma ifuẋi iii ia ku bhana Jihova Nzambi ié mu ubhinganu nuka uxa-mu kima kiala ni muenhu kia-lu bhuima.

Matendelelu 3:2

Jihova phe u ngʼambela, uixi: Ku kale ni uoma; mbata nga mu bhakula bhu lukuaku lué ni muene ni mundu uê uoso ni oxi iê. Kioso ki ua bhange Sihone, sobha ia Mamodi, ua kexi mu Hezebone, kiene ue ki u mu bhanga muene.

Matendelelu 6:19

Bhene bhua mu tundu o ku kaiesa jinguma, nda ji ku-bhue ku mesu, kala kia ku ambela-kiu Jihova.

Matendelelu 9:3

Tumenu-phe ku kʼijiia, kuma lelu muene, Jihova Nzambi ienu, ua kà mi tuamenena ku pholo; muene-phe ua di bhanga túbhia tua muzukuta tu buikisa, ua-nda ku a tolola, enu anga mu a tundisa lusolo ni ku a jima o mbutu kala kia zuela Jihova.

Josuué 1:4

Tunde ku kikangalakata, ni ku mulundu ua Libano, katé ku ngiji ia dikota ia Ufalate, ixi ioso ia Mahiti, katé ku musanza ua kalunga ku mbandu i fuila dikumbi, kuene ku mbambe ienu.

Josuué 10:19

Enu-phe ki mu bhuile luua; zudidikenu muene o jinguma jenu, oso a xalele kuema, jibhenu-u; ki mu a ehele di kubokona mu jisanzala jâ, mbata Jihova Nzambi ienu ua a bhakula kiá bhu lukuaku luenu.

Josuué 10:8

Jihova anga u ambela Josuué: Kana ngó ku a kuatela uoma, mbata nga ku bhakuila-u bhu lukuaku lué; ki bhuala muthu ua-nda ku di fikidila bhu uatula eie.

Josuué 13:6

ene-oso a tungu mu mulundu tundé Libanu bhu Mijilefote-maine, ni akua Sidonha osololo muene. Eme nga-nda ku a kaiesa muene mbé Izalaiele a mu bhue ku mesu. Hé kima, eie oxi iii uanena-iu anʼa Izalaiele mu jisorte i bhite muene ku ubhinganu uâ, kala ki nga ku ambelele kiá.

Josuué 2:24

Ambela Josuué, exi: O kutanga kidi, ixi ioso iii Jihova ua i bhana kiá bhu makuʼetu kuma akuaʼxi ene oso iá teketa kiá ni uoma mukonda dietu.

Josuué 21:44

Jihova anga u a bhana o kunhoha, kala kioso kia lokelele ko jitata jâ; mukonda ku jinguma jâ joso ki kua subhuka muthu ua tena kuimana bhu pholo ia ene; Jihova ua a bhana jinguma jâ joso muene bhu maku mi

Josuué 23:14

Mua mono-phe kuila, lelu eme nga lungu kiá muʼalunga muene ku di tutila oxi ioso; enu-phe mua kʼijiia ni muẋima uenu uoso, ni muenhu uenu uoso, kuila ima ioso ia mi dielelesele Jihova Nzambi ienu, ki kua sonoka kima; iene ioso ia mi bhiti muene, ki bhuala kizuelu kia sukamena.

Josuué 24:11

O ki muà zaúka Njolodá enu mueza mu Jedikó, akua-bhata mu Jedikó a lu mvunda nʼenu. Kiene ue kimoxi kia bhange o Mamodi, ni Mapelezi, ni Makanana, ni Mahiti, ni Jijidingaze, ni Mahivi, ni Majebuzi; eme-phe nga a bhakula bhu lukuaku luenu.

Josuué 24:12

Eme nga tuamekesa imadimbuende ku pholo ienu, enhá ene a mi kaiela lusolo o jinguma bhu pholo ienu, kiòmuene ue ni sobha jiiadi ja Mamodi; xibhata ié-eie ki iene ia ki bhange, o mufula ué ki uene ue ua ki bhange.

Josuué 24:18

Jihova iu ua tu kaiesela o matumbu osoʼâ bhu pholo ietu, katé ni Mamodi a tungile oxi iâ iii. Lémbue! Etu uetu tu bhikila jinga Jihova, mbata muene o Nzambi ietu.

Josuué 24:8

Kiene kiua ki nga mi bheka mʼoxi ia Mamodi, a tungile ku sámbua koko dia Njolodá. Enhá-phe a bhangele nʼenu, maji eme-phe nga mi tula-u bhu lukuaku luenu, enu anga mu vua o ixi iâ, ene ia nga a buikisa ku mesu enu.

Josuué 8:18

Jihova anga uambela Josuué, uixi: Sunununa ditoma di ua kuata bhu lukuaku, u di lungise ku Hai; kuma ngi ku bhana kiá bhu maku o mbonge iê. Josuué anga u sunununa ditoma dia kuata bhu lukuaku, u di lungisa mu mbonge.

Josuué 8:7

Bhenhobho enu-phe muila mu ki mona, mu balumuka bhu kididi bhuoso bhu mua batamena, mu a bhingane mu mbonge, mu i tambule kuma Jihova ua-nda ku mi bhana-iu bhu maku menu.

Josuué 9:7

Mala a Izalaiele anga a kumbulula o Mahivi, exi: Sumba-phe mua tungu muʼaxaxi ketu; tuta kiebhi dingi kikutu nʼenu?

Afundixi 1:4

Juda anga u banda; Jihova anga u bhakula Makanana ni Mapelezi bhu lukuaku luâ; anga a beta-ku mu Bezeke, kuinhi dia midi dia muthu.

Afundixi 11:21

O Jihova phe, Nzambi ia Izalaiele, u bhakula Sihone ni mundu uê uoso bhu lukuaku lua Izalaiele, anga a a nemeka; Izalaiele anga a tambula ixi iii ku Mamodi ió a kexile ene akua ʼxi iâ.

I Samuuele 23:4

Bhenhobho Davidi u tona dingi kuibhula kua Johova. Jihova anga u mu vutuila, uixi: Balumuka, u kulumuke ku Keila; mukonda eme ngi ku bhana akua Fidíxia bhu maku mé.