Makatukilu 23:27 - O Mikanda Ikola

²⁷ Ngi tumikisa uoma uami bhu pholo ienu, kuma uene u bhesa lusolo ifuẋi ioso i mua kà sanga; ngi bhangesa kuila o jinguma jenu ji mi bhana makunda mu ku mi lenga.

Makatukilu 23:27 ပူးပေါင်းရင်းမြစ်များ

Dimatekenu 35:5

Anga a katuka, Nzambi anga u ta uoma uavulu ku thandu dia madiembu mâ a kala mu jimbandu, ki bhuala ua tena kukaiela ana a Jakobo.

II Samuuele 22:41

Jinguma jami eie ua ji bhesa lusolo. Ió oso a ngi zembele eie ua a bhuisa-ku.

II Jisobha 7:6

Mukonda mu kilômbo kia akua Sídia Jihova ua bhangesa-mu kuívua mixindu ia makalu ni mixindu ia jikabalu, mukuâ ni mixindu ia kifuẋi kionéne kia masoladi; ki kia a bhekesa o ku diambela mudiâ, exi: Tala, o sobha ia Izalaiele, mu kuzoka nʼetu, ua tuʼixanena o jisobha ja Mahiti ni jisobha ja Ijitu phala kuiza mu ku tu lua.

II Malunda 14:14

Anga a tolola jimbonge joso ja kexile mu jimbandu ja Jelale, mukonda o kimbuua kia Jihova kia kexile ku thandu diâ; anga mbonge joso a ji bhunda mukonda mua kexile mbole ia vulu.

Jisálamu 18:40

Jinguma jami eie ua ji bhesa lusolo; oso a ngi zembele eie ua a jimi o mbutu.

Jisálamu 21:12

Kuma eie ua-nda ku a bhesa lusolo; misongo ié ua-nda ku a asa na-iu mu jipholo.

Makatukilu 33:2

Nga-nda kutuma-phe Anju ku ku tuamenena; o Makanana, ni Mamodi, ni Mahiti, ni Mapelezi, ni Mahivi, ni Majebusi, nga-nda ku a kaia-mu;

Makatukilu 34:24

Mukonda eme ngi kaia ifuẋi ia miji iengi bhu pholo ienu, ngi kudisa jimbambe jaʼxi ienu; kana muthu ue u kala ni luimbi lua mavu enu, kioso enu ki mu banda mu ku di bhakula bhu pholo ia Jihova Nzambi ienu, lutatu ku muvu.

Dialuilu 22:3

Mouabhe u kala ni uoma uavulu mukonda dia kifuẋi kiki, kuma avulu; Mouabhe anga u bhondalala mukonda dia anʼa Izalaiele.

Matendelelu 11:23

ifuẋi ioso ia miji iii, Jihova ua-nda ku i kaia anga i mi bhua ku mesu, anga múvua ifuẋi ia miji ia mi tundu mu kukula ni mu ku suína.

Matendelelu 11:25

Ki bhua-nda kukala muthu utena kubhânga nʼenu; kuoso kiá ku mu ditela Jihova Nzambi ienu ua-nda kuta-ku kimbuua kia uoma ni kiteketela, kala kiene ku mi ambela kiá.

Matendelelu 2:25

Tunde lelu dienhidi nga-nda kuandeka kuta kimbuua ni uoma ué ku thandu dia mundu uoso bhoxʼabha; oso kiá a ku ivua o fuma, enda ni kuteketa bhu pholo ié a bhondalala ni uoma, mukonda dié-eie.

Matendelelu 6:19

Bhene bhua mu tundu o ku kaiesa jinguma, nda ji ku-bhue ku mesu, kala kia ku ambela-kiu Jihova.

Matendelelu 7:23

Maji o ifuẋi ioso iii Jihova ua-nda ku ku bhakuila-iu, anga u i sengulula katé ia jimi o mbutu.

I Samuuele 14:15

Anga bhu kala kuteketa bhu kibangu kia akua Fidíxia, ni mu mukau, ni ku mundu uoso; akua poxto, ni akua kubhûnda, a teketa uâ; ni mavu a zamba mukonda kuteketa kuavulu kiki kua tundu kua Nzambi.