Makatukilu 23:26 - O Mikanda Ikola

²⁶ Mʼoxi ienu ki mu kala muhatu u seluka, mba u kala mbaku; o konda ia izuua ienu ngi i tenesa muene.

Makatukilu 23:26 ပူးပေါင်းရင်းမြစ်များ

Dimatekenu 25:8

Mbalahamu anga u batula muenhu, ufua kiá ku uadiakimi uavulu, ua kuka kiá, ua kukidila muene, mivu ia mu kumu; anga a mu bhongoluela ku malembʼê.

Dimatekenu 35:29

Izake anga u batuka muenhu, u fua, a mu bhongolola kuʼaia malembʼê, ua kuka ua kukidila, izuua ia mu kumu. O Izaú ni Jakobo, anʼê a mala, ene a mu fundu.

I Malunda 23:1

Davidi kia kuka kiá, iu uezala kiá ni izuua iavulu, uabhange Solomá, dia monʼê, kukala sobha ia Izalaiele.

Jobe 21:10

O ngombe iê ia ndumbe i vualesa muene, ki i kambe; o ngombe iê ia mukaji i teta muene, ki i seluka, lémbue.

Jobe 42:17

Jobe-phe kioso kiá kia fu, ua kuka ua kikidila, izuua ia mu kumu.

Jobe 5:26

O mu mbila ua kà bokona-mu kiá ua kuka muene, mukuâ ni kiene kumuna o kita kia tiliku bhu thembu iê.

Jisálamu 107:38

Ku dibesá diê, a di sokolola muene kiavulu; o ibhaku iâ, ki i tebhunuka, lémbue!

Jisálamu 144:13

Mbé o inganja ietu izale ni huta ia mákudia a ídifua ioso, o ibhaku ietu ku mukáu, i sokoloke jimidi ni jimidi; o jimbudi jetu, ki ji kale isula.

Jisálamu 55:23

Enhó-phe, Nzambi, a lundumune, a lauke mu bombo dia kalunga; ijibhanganga, akua makutu, ka kà zubhe dingi izuua iâ, né mu kaẋi ka kà bhiẋile-mu; eme bhabha-phe ngi dielela jinga ko kué.

Jisálamu 90:10

Izuua ia mivu ietu makuinhi sambuadi, amoxi kia kala ni nguzu, a bhiẋilu bhu makuinhi nake; hanji-phe kujiza kuâ kua hadi ngó ni mukondo; ki i nange kubhita, kindala tu tuka!

Izaía 65:20

Ki muà kala dingi mona u laia ngó izuua iófele, mba muadiakimi u kamba kuzubha o izuua iê; mbata o munzangala ua kà fuila mu kitala kia hama ia mivu; maji o mukua-ituxi né u kala ni hamʼa mivu, a kà mu bhubhidila muene.

Hozeia 9:14

Jihova, Ngana, a a bhane; maji ihi-phe i uanda ku a bhana? A a bhane, Ngana, divumu di kamba kuvuala ni mele a kukuta muene uokón!

Matendelelu 28:4

Ia kà zedikua o mbutu i tunda mu divumu dié ni mbutu i tunda mu díbhia dié. Ia kà zediua o mbutu ia ibhaku ié ia jingombe, mba ilunga ia jimbudi jé. Tua kà zediua o tuana tua jingombe jé ni tuana tua jimbudi jé.

Matendelelu 4:40

Aluka-phe o jingonge jê, ni itumu iê, i ngala ku ku tendelela lelu, phala utunge usome, ni ku mululu ni ku muláula, o izuua ié nda i vule mʼoxi ia ku bhana Jiohova Nzambi ié, katé ku hádia ni hádia.

Matendelelu 7:14

Ifuẋi ioso bhoxi eie u i tunda mu kuzediua; momuʼé ki mua kà kala diiala dia kisúla ukamba kuvuala, ki mua kà kala muhatu ua mbaku, o ibhaku ié ki i kala ni xidile.