Makatukilu 23:24 - O Mikanda Ikola

²⁴ enu-phe kana kufukamena o nzambi jâ, kana ku ji diundila mba eie ua kà fikisa o imbamba iâ ia bhanga; inda ene mua a sengulula muene, o iteka iâ mu i bula-bula.

Makatukilu 23:24 ပူးပေါင်းရင်းမြစ်များ

II Jisobha 17:11

Iá a bhiti ue ni kuohela uasu ua dizumba ku matala eneʼó kala kia bhanga jinga o ifuxi ia akua jixi jengi ia kaiesa kuala Jihova bhu pholo ia ene; iá a bhanga jinga muene ima ia ufusa, mbé o kubalumuna o njinda ia Jihova.

II Jisobha 17:8

Iá enda jinga mu jingonge ja ifuẋi ia akua jixi, ia kaiesa kuala Jihova bhu pholo ia anʼa Izalaiele, ni mu ifua ni jingonge ja jisobha ja Izalaiele ja di hingisila ngoho eneʼâ.

II Jisobha 18:4

Kuma muenʼiú ua katula o matala oso, o italamu ioso ua i bula-bula, o mixitu ua i kokela bhoxi, o nhoka ia utadi ia bhangele Mozé muene ua i tuetujula; mukonda katé hanji bhu kizuua kieneʼokio, o anʼa Izalele a kexi mu i ohela uasu ua dizumba ni ku ixana, exi: Nehuxtane.

II Jisobha 3:2

Anga u bhanga ima ia ibhila Jihova; maji ka soko ni tatʼâ, mba u soka ni mamʼâ; mukonda o kiteka kia Bahale kia iudikile tatʼâ, o muene ua ki katula.

II Malunda 14:2

Aza anga u bhanga kia iuka, kia fuama, bhu mesu ma Jihova, Nzambi iê.

II Malunda 25:14

Anga ki bhita kuila, kioso Amaziia kia vutuka kuele mu kujibha akua Idumeia, ueza ni jinzambi ja anʼa Seíle, ua ji kiti nzambi jê, iú ua ji fukamena, iú ua jiʼohela uasu ua dizumba.

II Malunda 33:2

Anga u bhanga muene kia ibha ku mesu ma Jihova, kiene kia matumbu ma kaiesa Jihova bhu pholo ia anʼa Izalaiele mukonda dia maufusa mâ, kiene ue kia bhange muene.

II Malunda 33:9

Anga o sobha Manasa u tondalesa luavulu Juda ni iá a tungu mu Jeluzaleme, katé ene a beta o kubhanga kia ibha o miji ia matumbu ia buikisa Jihova bhu pholo ia anʼa Izalaiele ndenge.

Jisálamu 101:3

Ki ngi kala ni kima kia ufusa ku mesu mami; imbamba i bhanga ió adianguka, nguami na-iu! Né i sota ku ngi naminina, ngi i kukumuna.

Makatukilu 20:3

Kana kukala ni nzambi jengi bhu pholo iami.

Makatukilu 20:5

Kana ku i fukamena, kana ku i bheza; kuma eme Jihova, Nzambi ié, ngʼene ngi Nzambi ia difuba; ana ngʼa a bhesa kaxtiku mu ituxi ia jitata, katé ku mululu ni ku muláula ua iá a ngi zemba,

Makatukilu 23:13

Ima ioso i nga mi tendelelʼiii, alukenu-iu; kana kutumbula nzambi jengi; o dijina diâ mu kanu dié ki di bhite-mu, mba ku ji banza ngó.

Makatukilu 23:32

Enu ki mu te-nâ kikutu kia ukamba, né ene, né o jinzambi jâ.

Makatukilu 23:33

Ka tunge dingi mʼoxi ienu, phala ka mi tese ituxi kokuami; kuma se mu bheza jinzambi jâ, mu fua muene mu múkala.

Makatukilu 32:20

Anga u kuata ndumbe ia ngombe ia iudika, u i oha mu túbhia, u i huha ni matadi, o fufutila ié u i kuua mu menha, anʼa Izalaiele anga u a nuisa menha enhó.

Izekiiele 16:47

Sumbala kiene, maji eie mu njila jâ ua lémbua kuenda-mu, né ngó kubhanga maufusa kala mâ-ene; maji mukuâ ni kuila kala o ia bhange ene iii, ia tolo, eie mu njila jé joso ua beta dingi o ku di iibhisa ene ndenge:

Hozeia 10:2

Muẋima uâ ua a kala luiadi, kiene kia kexila ni kuêla; Jihova phe ua kà bula-bula jikalatódio jâ, o iteka iâ u i lunduluila muene bhoxi.

Ijila 18:3

Enu ki mu fikise o imbamba ibhanga akua Ijito, ku muakexe; kana ue kufikisa o imbamba ibhanga akua Kanana, ku mua lungu, ku nga-nda ku mi tula; o jingonge jâ ki jene ji muenda ni kukaiela.

Ijila 26:1

Kana, ki mu di iudikile mahamba, ki mu dʼimikine iteka ia kusonga mba jipholela, o mʼoxi ienu ue ki mu xikike-mu fikula ia ditadi, phala kuenda ni ku i fukamena; mbata Eme-eme ngi Jihova Nzambi ienu.

Dialuilu 25:2

kuma a exana ku jisata ja mahamba mâ; kifuẋi anga a dia, a fukamena nzambi jâ.

Dialuilu 33:52

akua-xi momo, mua kà a kaiesa oso bhu pholo ienu, iteka iâ ia matadi mu i bula, iteka iâ ia utadi uóuiẋike mu i bhuisa-bhu, matala mâ ma mahamba mu a sengulula;

Matendelelu 12:3

misônga iâ mu i lundumuna bhoxi, iteka iâ ia kusonga mu i bula-bula, o mixitu iâ (iene mu bhezela) mu i ta mu túbhia, nzambi jâ joso mu ji sengulula muene, o dijina diâ mu di jima muene anga moxiʼomo dibhua-mu.

Matendelelu 7:5

Inda mu a bhanga kiki: Kalatódio jâ mu ji bula-bula, jiphonena jâ mu ji bukujula, o mixitu iâ ikôla mu i koka, o iteka iâ ia kusonga mu i oha mu túbhia.