Makatukilu 23:21 - O Mikanda Ikola

²¹ Di tumienu-nê kiambote, mu ivue dízui diê; kana ku mu xibhaka, kuma kà ẋikina ku mi loloka o kubhukumuka kuenu; mukonda o dijina diami diala mua muene.

Makatukilu 23:21 ပူးပေါင်းရင်းမြစ်များ

Jisálamu 2:12

Bhombenu mona, ki mu kinge kia thathamana; kuma hinu mu diuana ku muia, njinda iê ki i uama kala túbhia. Enhó-phe a zediua oso a dielela kua Muene.

Jisálamu 72:19

A ximane dijina diê dikola, katé ku hádia ni hádia! o mu ngongo ioso mu izale ni kubenha kuê! Amén! ni Amén!

Jisálamu 78:40

Lukuxi luosʼulu lua mu kitukila mu kikangalakata; a mu nhemuna jinga mʼoxi ia kukuta i bhekela o ngunzu!

Jisálamu 78:56

Suke kiene, maji ene-phe hanji a thathamesa Sukè-ku Nzambi, hanji a mu bhumina, o umbangi uê ka u suu.

Jisálamu 83:18

Phala a kʼijiie kuma eie ngó uavu o dijina dié dia Jihova, ku moneka luiadi; eie-muène ngó Suke-ku mu ngongo ioso.

Makatukilu 3:14

Nzambi anga u ambela Mozé, uixi: Eme kala-dia-kala, uixi: Ua kèla kua anʼa Izalaiele kuma: Kala-dia-kala muene ua ngi katula, iú ua ngi tumu ko kuenu.

Makatukilu 32:34

Kala kiki-phe ndeie, u tuamenene o mundu iú, mu ku a bheka kididi kioso ki nga ku tangela; tala-ze, anju iami ia-nda ku ku tuamena jinga ku pholo; maji-phe, bhu kizuua kiami kia ku a zungila, ni kituxi kiki nga-nda ku a bhela-kiu o kaxtiku kê.

Makatukilu 6:3

Nga tukulukila jinga Mbalahamu, ni Izake, ni Jakobo, kala ngi Nzambi, Muteni-a-ioso; maji ka ngʼijidile mu dijina diami dia Jihova.

Izaía 42:8

Eme ngi Jihova, didi diene o dijina diami; o fuma iami ki ngi i bhana muthu uengi, kana, mba o diximanu dia ngi tokala eme ngi di ehela ku iteka ia kusonga.

Izaía 45:6

Nda a kʼijiie ni ku mutundila-kumbi, ni ku mutudila-kumbi, kuma bhu nga kambe eme, ki bhu kala dingi Nzambi; eme Jihova, ki kuene Nzambi iengi.

Izaía 57:15

Kuma Munéne ua dileka, ua jinga kinéne, ua tunga kididi kinangenena, uene ni dijina dia kuila Ukôla, uambe kiki: Nga tunga bhulu, bhu kididi kikôla; nga tunga ue ni uoso mukua muẋima ua toloka, ua batama, phala kuphaphumuna muẋima ua oso a batama, ni kuphaphumuna muẋima ua oso a toloka.

Izaía 7:14

Uila kikiphe, Jihova muene, ua-nda ku mi bhana kijimbuete: Talesa, kua kà kala monʼa kilumba, uimita, nʼa vuale monʼa diiala, o dijina diê a kà mu luka Imanuele.

Izaía 9:5

Mukonda o ibhakatu iene ioso ia ió a kexi mu kúlua ni kilungutu, ni izuatu ia dimbujukile mu manhinga, a kà ioha, ia kà kituka luandu lua túbhia.

Izaía 9:6

Kuma a tu vualela mona, a tu bhana mona ua diiala; o kutumina a mu tuika-ku bhu isuxi iê, o dijina diê a kà mu luka: Kidiuanau, Ndongixi, Nzambi ia Nguzu, Tata Inangenena, Kilamba kia Paze.

Jelemiia 23:6

O mu izuua iê Juda ua kà bhuluka, o Izalaiele uà kà tunga ni kukondama; didi-phe diene o dijina dia-nda ku mu luka: Jihova Dilungilu Dietu.

Jelemiia 5:7

Eme-phe o ki ngi mona kiki, ngi ku loloka kiebhi? anʼé a ngiʼxa eme hé a lokela ku jinzambi ki jinzambi ngó, kioso eme ki nga zubha kua ekutisa, ai kiá kuta jiphanda jâ, a bokona monzo ja idianzunga, a di bhanga ibuka-ibuka.

Malakiia 3:1

Talesa-ze, ngi tumikisa o mukunji uami ku ngi iudikila o njila bhu pholo iami; anga mu tukumuka Ngana ua tula mu Tembulu iê; ió, enu muala ku mu sota, o mukunji ua kikutu muene ku mu inda. Tala-ze, Muene iù uiza kiá, kiene kiambe Jihova dia Ifuẋi.

Dialuilu 14:11

Jihova anga u ambela Mozé, uixi: Mbambe bhebhi bhu suka kifuẋi kiki, ni ku ngi tènda? Katé bhebhi ni kukamba ku ngi xikana, ku thandu dia isuma ioso i nga kalakala muʼaxaxi kâ?

Dialuilu 14:35

Eme, ngi Jihova, nga zuela, kidi muene kiene ki ngi bhangʼiki, ku kilômbo kiaiibhʼiki kia ngi lungulukila; a kà jidila mu kikangalakatʼumu, muene mu a fuila.

Matesu 1:23

Talesenu! Ku kala muhatu ua mon-ndenge uimita hé u vuala mona; O dijina diê, a kà mu luka Imanuuele. Dienhidi, ku di jimbulula, edi: Nzambi tuala-nê.

Matesu 17:5

Kioso Phetele kia kexile hanji mú zuela, talesa, dituta di luendela dia a vungina; o mu dituta anga mu tunda dízui, dixi: Muenhú Monʼami uózole, uene mu ngi sangulukisa. Ioso ia zuela, mu ivienunu muene!

Nzuá 10:30

Mbata eme ni Tata, etuʼ ene umoxi.

Nzuá 10:38

Maji se iene muene i ngene kubhanga, né kiá ki mu ngi xikana eme, xikanenu kiá ngoho o ikalakalu i ngene mù bhanga, phala mu kʼijiie tunde lelu té ku hádia kuma Tata uene mo-muami, eme ngene mua Tata.

Nzuá 5:23

mbé oso nʼ a xile Mona, kala kia xila Tata. Uoso ua kambe kuxila o Mona, ni Tata ua mu tumu, ka mu xila.

Efezo 4:30

Kana kubheka malamba kua Nzumbi Ikôla ia Nzambi. Kuma o Nzumbi muene o kidimbu kia kuila o Nzambi uala momuenu; muène ue o diẋikina dia kuila Kizuua kí bhixila kia Nzambi ku mi kula.

Matendelelu 18:19

Anga kià kala-phe kiki: Uoso u dituna kuívua o maka mami, ma-nda kuzuela muene mu dijina diami eme, o ió ngi mu ibhula-kiu.

Matendelelu 9:7

Xinganekenu, ki ki mi jimbe ki muakexi mu kulokalala njinda ia Jihova Nzambi ienu mu kikangalakta; tunde mu kizuua ki mua tundu mu Ijito, katé bhu kididi bhu muezʼabha, mua di bhanga jinga mu axibhaki a hatu, bhu pholo ia Jihova.

Kolose 2:9

Kuma o unzambi uoso ua Nzambi, ua muvimba, ua tunga mua Kristu muène ni mukutu uê ua xitu.

Jihebeleu 12:25

Uila kiki, di langienu, ki mu ditune kuivua ió uoso u zuela. Kuma enió a ditunine kuivua uoso ua tudilile o Njimbu ia Ngana mu ngongo, kà tenene kubhuluka. Kala kiki, etu uetu tua kà bhulukila bhebhi, se tua mu bhana dikunda uoso ua tu dimuna ku diulu!

Jihebeleu 3:16

Akuahi-phe, ki evu o dizui dia Nzambi a mu lokalala? Enʼ ió oso a a katuile kuala Mozé mu Ijitu.

Josuué 24:19

Josuué-phe uambela o kifuẋi, uixi: Kana, ki mua-nda kutena kubhikila Jihova, mbata muene Nzambi ia kuzela ni kuiuka, Nzambi ia difuba, muene ikuma ienu ka kà i loloka, ka kà loloka ituxi ienu.

I Nzuá 5:16

Se muthu u mona phangʼiê uala mu ta kituxi, maji ki kituxi kia kúfua, a mu bhingile, Nzambi nda a mu bhane muenhu muenhó uoso u ta kituxi, ki kituxi kia kúfua. Sai-ku kituxi kia kúfua; ki kiene-phe eme ki nga mi ambela kuila mu ki bhingila.

Dijingunuinu 1:8

Eme ngi Alafa ni Omeka, ngi Dimatekenu, ngi Dizubhilu, kiene kia zuela Ngana Nzambi, Uatena-Ioso, ua kexile-ku, kiki iú-ué, o hádia muène uà kala-ku.

Dijingunuinu 2:23

Anʼê ngʼa jibha ni dibhebhu, Jingeleja joso anga jʼijiie kuma ememuène ngi tungula o jihânji ni miẋima ia athu. Hinu enu oso ngi mi uanena o futu ioso ia tokala mu imbamba ienu i mu bhanga.

Dijingunuinu 2:8

O Anjo ia Ngeleja ia Sumina, mu sonekene kiki: Eme ió ua Dianga iu ua Sukidila, ua kexile uafu o kiki iú-ê ni muenhu, uambe kiki:

Dijingunuinu 3:7

O Anjo ia Ngeleja ia Filadélfia, mu sonekene kiki: Eme ió ukôla, mukua kidi, uala ni sabhi ia kexile ia Davidi, uila kia jikula kana muthu u jika, o kia jika kana muthu u jikula, ua-mbe kiki:

Afundixi 13:18

Kuala anju ia Jihova, u ngʼibhuila-hi dijina diami, oko dijina di kôla?