Makatukilu 23:20 - O Mikanda Ikola

²⁰ Talesa, ngi tuma anju iami ku mi diangela ku pholo ienu, phala a mi lange mu njila iii, mbé a mi bheke ku kididi ki nga mi iudikila.

Makatukilu 23:20 ပူးပေါင်းရင်းမြစ်များ

Dimatekenu 15:18

Kizuua kienhokio-phe Jihova u ta kikutu ni Mbalamu, uixi: Mbutu ié nga a bhana muene ixi iii tunde mu honga ia Ijito katé mu honga ia dikota, honga ia Ufalate,

Dimatekenu 24:40

Muene ua ngʼambela, uixi: Jihova ió ua bhingi ngala kuenda jinga ku mesu mê, u tuma anjo iê ku ku bheka, u ku bhana kuzediua mu njila mu ua-nda kuila, o monʼami ua diiala ua kà mu solele muhatu ku jindandu jami, mu bhata dia tatʼetu.

Dimatekenu 24:7

Jihova, Nzambi ia diulu, ua ngi katula mu dibhata dia tatʼetu, ni mʼoxi mua ngi vualela, iú ua ngi zuelesa, ua ngi lokela, uixi: Ixi ienhiʼii ngi i bhana mbutu ié; muene ua kà tuma anjo iê ku pholo, o kuenhoko kuene ku ua kà bhenga muhatu phala monʼami.

Dimatekenu 48:16

ni Anjo ió ua ngi kala dilemba mu ku ngi bhangela mu mavuua moso, a bhane kuzediua ku tumbongʼutu; dijina diami a di luke jinge kua ene, ni dia jitata jetu Mbalahamu ni Izake; a di vuale a di vualulule, a di bhange kifuẋi mu ngongo.

Jisálamu 91:11

Kuma muene u tuma o jianjo jê ku ku tambula konda, phala ku ku inga mu njila jé joso.

Makatukilu 14:19

O Anjo ia Jihova ia tuanemena o kilômbo kia Izalaiele, anga i tunda ku pholo iâ iza hé i a kalela ku dima; ni philadi ia dituta i tunda ku pholo ku ia kexile, ieza, iemana ku dima diâ.

Makatukilu 15:16

Kua a tulukila kekenha ni kikote; o nguzu ia lukuaku lué ia a bhuuika, a xikama ni ene hudií kala ditadi; katé kia zaúka o mundu ué, u Jihova, katé kia zaúka, o mundu ué u ua sumba.

Makatukilu 15:17

Eie hinu u a bokuesa, u a phapha, ku mulundu ué ua undundu. U a bhaka bhu kididi ki ua solo, u Jihova, mu kala kibúta kié, bhu dibezelu dié, Ngana, dia tunga o maku mé.

Makatukilu 23:23

Mbata o anju iami i mi tuamena phala ku mi bheka kuala o Mamodi, ni Mahiti, ni Mapelezi, ni Makanana, ni Mahivi, ni Majebusi; o ene-phe ngʼà a batula-mu;

Makatukilu 32:34

Kala kiki-phe ndeie, u tuamenene o mundu iú, mu ku a bheka kididi kioso ki nga ku tangela; tala-ze, anju iami ia-nda ku ku tuamena jinga ku pholo; maji-phe, bhu kizuua kiami kia ku a zungila, ni kituxi kiki nga-nda ku a bhela-kiu o kaxtiku kê.

Makatukilu 33:14

Kuala muene: Pholo iami iene ia-nda ku ku tuamenena, eme muene ngi ku bhana kunhoha.

Makatukilu 33:2

Nga-nda kutuma-phe Anju ku ku tuamenena; o Makanana, ni Mamodi, ni Mahiti, ni Mapelezi, ni Mahivi, ni Majebusi, nga-nda ku a kaia-mu;

Izaía 63:9

Mu lamba diâ dioso ni muene uevile dilamba, anga mukunji uene bhu pholo iê u a bhulula; mukonda dia henda iêmuène ni kulenduka kuê, muene ua a bhulula; iu ua a tambula, iu u a endesa jinga kienhiki mu izuua ioso ia xahúlu.

Zakadiia 12:8

Bhu kumbiʼodio Jihova ua kà ongeka iá a tunga mu Jeluzaleme; o uoso ua tolo nguzu mu kaxi kâ, bhu kumbi dieneʼodio ua kà kala mukua ni Davidi; o dibhata dia Davidi dia kèla kala Nzambi, mukuá ni anju ia Jihova bhu pholo iâ.

Malakiia 3:1

Talesa-ze, ngi tumikisa o mukunji uami ku ngi iudikila o njila bhu pholo iami; anga mu tukumuka Ngana ua tula mu Tembulu iê; ió, enu muala ku mu sota, o mukunji ua kikutu muene ku mu inda. Tala-ze, Muene iù uiza kiá, kiene kiambe Jihova dia Ifuẋi.

Dialuilu 20:16

Etuʼetu tua di kola kua Jihova, o muene iú uevu o dízui dietu, iú ua tumikisa anju iê, i ia tu katula mu Ijitu; o kiki-phe tuala bhabha bhu Kadexi, dibhata diasu o mbambe ni ixi ié.

Dialuilu 22:22

Njinda ia Nzambi anga i uama kia mu mono uaii; anju ia Jihova anga u mu batuila mu njila, ua di bhange nguma. Tala, Balamu hé uia ni kuenda mu njila, ua sambela ku bulu iê, ni abhikʼé kiiadi a muia-nê kumoxi.

Matesu 25:34

Muenexi anga uà kʼambela iá ala ku dilu diê, uixi: Zenu a mi zediuisa kuala Tata iami! Zenu mu lundule o Ungana, a mi iudikila na-u kuala Tata iami tunde ku dimatekenu dia ʼxi.

Nzuá 14:3

Se ngai, anga ngi mi iudikila kiá kididi, hádia ngiza, ngi mi tambulula ko kuami; o kuoso ku ngala eme, enu uenu kuene ku muà kala.

Matendelelu 33:2

Uixi: Jihova uatulukila ku Sinai, iú ua bandela ku Seíle; ua lekujukila ni ku mulundu ua Palane, ueza ni kuinhi dia midi dia jisandu ku madilu mê kua kexile o kitumu kiauama túbhia phala ene!

Josuué 23:5

Jihova Nzambi ienu ua kà mi sondoluela o ifuẋi ienhoio; ua kà mi kaiela-iu, anga i mi bhua ku mesu; enu oxi iâ hé mua kà ívua muene, kala kia mi ambela kiá Jihova Nzambi ienu.

Josuué 5:13

Anga ki bhita kuila, kioso kiala Josuué mu mukáu ua Jedikó, u zambula mesu, u tukumuka diiala diemana ua di bhana-nê pholo, lukuaku lué lua kuata xibhata ia fomona mu kizu; Josuué anga u mu bhiẋila, uixi: Eie ua di bande kokuetuʼetu, inga ku jinguma jetu?

Josuué 5:14

Kuala muene, kana, ngi kilâmba kia ifuẋi ia Jihova ngeza. Josuué anga u diunda, u ta pholo bhoxi, u mu bheza, uixi: Ngana iami, mubhikʼé u mu ambela kima kiahi?

Josuué 6:2

Jihova anga uambela Josuué, uixi: Ua mono, Jedikó nga ku bhakuila o mbonge iê bhu maku, ni sobha iê, ni indanda iê akua nguzu mu ita.