Makatukilu 23:2 - O Mikanda Ikola

² Kana kukaiela kizulututu kia mundu, mu bhanga kima kiaiibha; né mu kufúnda, kana ku kaiela o mundu a mesena kudiodia mulonga.

Makatukilu 23:2 ပူးပေါင်းရင်းမြစ်များ

Dimatekenu 19:4

Kioso-phe kiluua a zeka, akua bhata, màla ma akua Sodoma, a tula bhu kanga a kondoloka inzo ioso, ni minzangala ni adiakimi, a tundu ku sengu joso;

Dimatekenu 6:12

Ngana Nzambi anga u tala ixi, u mona kuma ia sekala; xitu ioso ia sebuluka mu kuenda kuê mu ngongo.

Dimatekenu 7:1

Kienʼokio Ngana anga u ambela Noué, uixi: Iza eie ni dibhata dié dioso mu bokone mu álaka; kuma eie ngó nga ku mono kuiuka bhu pholo iami, mu muiji iú.

I Jisobha 19:10

Muene uixi: Eme, Ngana Nzambi ia Ifuẋi, nga mu dielela kiavulu, ngala ni muanu ua imbamba iê, mukonda anʼa Izalaiele kikutu kiê a ki xi, kalatódio jê a ji bulu, ni jipolofeta jê a ji jibha-jibha ku xibhata; eme ngó nga xala-ku ubheka umai, ia a mu sota dingi ku ngi katula muenhu uami.

Jobe 31:34

Kuabhu-phe, eme ngi kale ni kimbulambula bhuezala o mundu ua dikota, o uoma ua ku ngi sebulula kuala o madiembu u ngi kuate, nda eme ngi di xibhe, ngi kambe ku tunda bhu muelu.

Jisálamu 72:2

Phala muene a fundise o mundu ué ni utuminu ua kidi, a batule kiambote o milonga ia jingadiama.

Jisabhu 1:15

Eie-phe, monʼami, enhó kana ku di ta-nâ kumoxi mu njila iâ; sondolola kinama kié mu hoka jâ;

Jisabhu 18:5

Ki kiauabha o kusuua kisuéia mu kufunda milonga, phala ku kundula o muthu ua iuka.

Jisabhu 4:14

Kana kuẋikina ku ila mu phangu ia iala iabhumu; kana kubhita mu njila ia akua ituxi.

Jelemiia 37:15

O adiakimi anga a thathamena kiavulu Jelemiia, hé a mu beta; a mu ta mu kaleia, mʼonzo ia Jonatane, o musoneki; mbata a i bhangele kiá dikuikilu.

Jelemiia 37:21

Sobha Zedekiia anga u tendelela kuila Jelemiia a mu tule mu lumbu lua kilangidilu; hé aia ni ku mu bhana mbolo imoxi ku kizuua, ku nzunga ia akua kubhanga jimbolo, katé kiabhu mbolo joso mu mbonge; kienhiki Jelemiia anga u kala jinga mu lumbu lua kilangidilu.

Jelemiia 38:9

Sobha, tata! Ngana iami! Athu iá a bhange kia ibha muene ku ioso ia bhange kua Jelemiia dia polofeta, o ku mu ta mu kiboiongo; ku tanga o kidi, bhu kididi bhua mu teʼobho, ua-nda kufua ni nzala, mukonda mu mbonge kana-mu dingi jimbolo.

Izekiiele 9:9

Muene-phe uixi: O kuiibha kua dibhata dia Izalaiele ni dibhata dia Juda kua vulu kinene, o ixi i iezala manhinga, o mbonge iezala mangonha; ene amba, exi: O Ngana ixi ua i ambula. Kiene Ngana kia mu kambela kumona.

Ijila 19:15

Kana kufundisa ni mangonha; o ki mu fundisa kana kuzamena ngadiama, mba kusuua muthu uonéne; mukuenu mu batuile mulonga uê kala kia fuama mu kidi.

Ajeu 1:4

Kifua thembu iii phala enu kukala mu jinzu jauabha, o inzu iii ni ixale ngundu?

Marku 15:15

Anga, Pilatu, kuma ua mesena kubhomba o mundu, u jituisa Balaba. O Jezú kia zubha ku mu bhesa jixikote, u mu thelekala phala ku mu jiibha ku dikulusu.

Luka 23:51

Muène ue ka xikanene ni akuá mu kikutu kia tele, ni ioso ia bhange. Muène mukua Limateia, sanzala ia Judeia, uala mù kinga o Utuminu ua Nzambi.

Jipoxolo 24:27

Kia tena mivu iiadi-phe, Fele a mu Iendela ku unguvulu kuala Poloxo Festu. O Fele-phe, kuma ua mesenene kudiuabhesa ku Jijudé, ua xiê Phaulu mu ʼaleia.

Jipoxolo 25:9

Festu-phe mukonda ua mesena kudibhomba ku Jijudé, ua kumbulula Phaulu, uixi: Eie uandala u banda ku Jeluzaleme, nʼ a ku fundise o makʼ ama kuenioko bhu pholo iami?

Loma 1:32

Athu kala kiki, sumbala kijila kia Nzambi a kʼ ijiia, kuma oso akua kubhanga ima kala íii, a tokala kufua, u sanga hanji a jijila o ku i bhanga. O kia di te-ku,—ka i bhange ngó ene,—maji ni athu engi kia a mona ia a i bhanga, ene a a suinisa.

Matendelelu 1:17

O ki mu fundisa ki mu suue muthu; ua tolo mu muivua, o ua kulu mu mu ivua; ki bhu kale pholo i mi kuatesa uoma, kuma o kubatula milonga kima kia Nzambi; maji se bhu kala mulonga ua mi bhônzo, muiza-na-u kokuami, eme anga ngi uʼívua.

Matendelelu 16:19

Kana kudiodia dimanda; kana kubhanga katungu ka athu; kana kutambula kitadi kia diminhinu, mba kima kioso-kioso kia ku ku bhomba, kuma o kitadi kia diminhinu ki bheka ufofo ku akua mesu; kiselula uanji ua oso ejidile kutetulula mu kidi.

Matendelelu 24:17

Diba dia tokala kulungisa nzuángiza mba monʼa difundu, kana ku mu diodia na-diu hé u di lungulula; kana kutambula izuatu ia mutudi ua muhatu mu kikunji.

Josuué 24:15

Maji-phe, se kia mi ibhila ku mesu menu o kubhikila Jihova, leluʼidi-phe Solenu kiá uoso mua fuama o ku mu bhikila: se muedi mu xingidisa o mahamba a xingidisa jinga o jitata jenu kia kexi mu sámbua dia ngiji ia Ufalate, mba-phe mu xingidisa o mahamba ma akua Mamodi avu o ixi iii mu mua tungʼumu, enu kiá! Maji eme-phe ni dibhata diami, tu bhikila Jihova.

I Samuuele 15:24

Saúlo anga u ambela Samuuele, uixi: Nga te kituxi; kuma nga tondala kia ngi tumu Jihova, ni kizuelu kié-eie; mukonda nga kexe ni uoma ua mundu, eme ngevu dízui diâ.

I Samuuele 15:9

Ni Saúlo-phe ni mundu anga a lendukila Akake, ni ku jimbudi joso ja beta kudisanza, ni ku jingombe, ni ku ibhaku iamukuá, ioso ia nete kiambote, ni ku tuana tua jimbudi, ima ioso ia uabha kiambote ka ẋikina ku í buikisa ioso. O ioso-phe iaiibha, ki i uabha kiambote ia tènde ene, iene ia zubha ni ku i buikisa ku mazu a xibhata.