Makatukilu 23:18 - O Mikanda Ikola

¹⁸ Kana kubhaka o manhinga ma sata iami kumoxi ni jimbolo jala ni felemendu; o banha ia fesa iami ki i zeke katé kuaki.

Makatukilu 23:18 ပူးပေါင်းရင်းမြစ်များ

Makatukilu 12:10

Kana kuxia-ku kima katé ki kúkia; se kuxala katé kuáki, kale mu i oha mu túbhia.

Makatukilu 12:15

O jimbolo ja kambe o felemendu mu ji dia mu sambuadi dia izuua; tunde kiá kizuua kiene kia dianga, felemendu ioso i bhua-mu mu jinzu; kuma uoso u dia jimbolo ja felemendu tunde kizuuʼokio kia dianga katé kizuua kia kasambuadi, muenhó muthu ua ku mu batula mu undandu ua Izalaiele.

Makatukilu 12:8

Xitu a i dia usuku uenʼió, ia uóhe ku túbhia, ni jimbolo ja kambe felemendu; a i elela mafe a lulu.

Makatukilu 16:19

Mozé anga u a ambela, uixi: Ibhue lelu ni ku i dia, kana muthu u zekesa-ku phala mungu.

Makatukilu 29:34

Se ku xitu ia kulumbila ku subhuka kama, mba ku mbolo iê, anga i zeka katé kuáki, ioso ia subhuka-ku kikale u i oha mu túbhia; kana muthu u dia-ku, mukonda ikola.

Makatukilu 34:25

Kioso ki mu Ngi bhakuila sata, kana kubhakula manhinga ma sata iami ni jimbolo jala ni felemendu, o sata ia fesa ia Phasu ki i zeke usuku katé kuáki.

Ijila 2:11

Mubhaku uoso ua musa u mu bhakula kua Jihova, kana ku u lunga ni felemento; kuma né uiki, ka u ohela-ku ku kalatódio, mu sata ia kuoha ia Jihova.

Ijila 7:12

Se sata iê ua i bhana mu kusakidila, kifua sata ia kusakidila, kikale u bheka, ni kibhaku kia sata iê ia kusakidila, jimbolo ja kambe felemendu; jólunge ni maji; ni jibolaxa ja kambe felemendu, jóuese ni maji, ni jimbolo jamukuá jólunge ni maji, ja fuba ia uabha kiambote, jalungana muene kiambote.

Ijila 7:15

O xitu-phe ia sata iii ia paze, o sata ia kusakidila, kikale a i dia kizuua kiene kia bhana o ujitu uê; ka xi-ku dingi kima katé kuákie.

Matendelelu 16:4

Mu sambuadi dioso dia izuua iii ki mu kale ni felemendu mʼoxi ienu ioso ni mu jimbambe jenu joso; o xitu i mu jibha mu ngoloxi, kizuua kia dianga, mu i zubha muene ni ku i-dia, ki ku subhuke kima katé mungu mu kimene-mene.