Makatukilu 23:11 - O Mikanda Ikola

¹¹ muvu ua kasambuadi-phe a zeke, a kale ngó, kana ku a dima; phala o ngadiama ku mundu ué a die; o ia xala-ku, ni xitu mu iangu ji die.

Makatukilu 23:11 ပူးပေါင်းရင်းမြစ်များ

Nehemiia 10:31

ni kuila, akua ixi ki a bheka uenji uoso-uoso mu kizuua kia sabhalu, mba mu izuua ia kizokola, ni jimbundu joso-joso ja kusumbisa, etu ki tu sumbu-nâ kima mu sabhalu, mba mu kizuua kiòkole; ni mavu, etu a kudima, mu muvu ua kasambuadi tua nhohesa, ki tu bhingi-mu ku tu futa dikongo dioso-dioso.

Nehemiia 10:32

Tua di xikina etu tua di xindi ue kala kijila, kuila muthu ni muthu u futa mbandu ia katatu ia xikulu ku muvu, phala o kikalakalu kia tokala ku ukunji ua inzo ia Jihova, Nzambi ietu;

Makatukilu 23:10

O mavu mu a dima mivu isamanu, mu bhongolole o ibundu ia kuima kuê kuoso;

Makatukilu 23:12

Izuua isamanu i u kalakala o thonga ié ioso, kia kasambuadi-phe u ki nhoha; phala ni ngombe ié ni bulu ié i nhohe; phala ue ni monʼa kahatu kê ni nzuángiza a sunge nguzu ióbhe.

Ijila 25:20

O ki muila-phe: O kiki ku muvu ua sambuadi tua kà dia-hi? Oko ki tua-nda ku u dima, ki tua-nda ku u muna idima ietu?

Ijila 25:22

O mu muvu ua kanake mu dima hé mu kuna jimbutu, maji hanji o kúdia kuenu kutunda ku kolieta iokulu, katé ki mua kà tula ku muvu ua kávua; o uenhú ue, se ki mua u munu luua kima katé bhuoso bhu mua kà bhongoluela o idima, mudia hanji muene ku idima iokulu.

Dialuilu 16:14

Mu ixi izunzumuka lete ni uemba, nêngó bhuòfele kua tu bheka-mu, mba u tu bhana kulundula mikáu ni mábhia a mivide, lémbue; manhi o athu iá eie ua-nda ku a ẋakula o mesu? Etu-phe, koko ki tua-nda kubanda-ku.

Matendelelu 15:11

Mukonda mungongo ki mu kambe o jingadiama; kiene kia ngi bhangesa ku ku tendelela kuila: Phangʼié u mu jikuila lukuaku lué ni kieha kioso kia tokala; kiene ue ki u bhanga ni hukunhu ua tate ni ngadiama uene mʼoxi ié.