Makatukilu 23:1 - O Mikanda Ikola

¹ Kana kuenda ni kabódio; kana kuta lukuaku lué ni mukua phulu, phala ku kala u mbangi ia makutu.

Makatukilu 23:1 ပူးပေါင်းရင်းမြစ်များ

Dimatekenu 39:17

Anga u zuela-nê kala kia zuelʼiki, uixi: O mubhika ua hebeleu, ua tu bheke-la-nê eie mʼonzo, uejile mu ku ngi sebulula;

II Samuuele 16:3

Muenexi, uixi: O monʼa muadi é, iú kuebhi? Ziba anga u ambela muenexi, uixi: Muene ua xala mu Jeluzaleme; mukonda uambe, uixi: Lelu muene, dibhata dia Izalaiele a-nda ku ngi bhana kiá dingi o ungana ua tatʼetu.

II Samuuele 19:27

Muene kifua ua ngi tatela ko kué, kùku, ngana iami. Maji eie-phe, kùku, ngana iami, uala mukua ni anjo ia Nzambi; bhanga-phe kioso ki ua mono kia tokala.

Jisálamu 101:5

Uoso uenda ni kabódio ka kutatela mukuâ, ió eme ngi mu jima o mbutu; o uala ni ukumbu ua mesu ni izala ia muẋima, ki ngi mu ehela.

Jisálamu 120:3

Eie u dimi dia ufe, Muene u ku bhanga kiebhi? Kima kiahi kia ku bhana?

Jisálamu 15:3

Ka xingi ndaka ni dimi diê, ka xikina kubhanga phulu kua mukuâ, kende ni kabódio mu sanzala.

Jisálamu 27:12

Kana ku ngi bhakula, Ngana, ku jinguma jami ene ni a ngi bhange kioso ka mesena; kuma sai iá a di xikina umbangi ua ku ngi tatela makutu, sai-ku a ngi hamena muene kala iama.

Jisálamu 35:11

Jimbangi ja isuéia ja balumuka; a ngi tatela ima ki nga ijiia ngó.

Makatukilu 20:16

Kana kutatela mukuenu umbangi ua makutu mu kima ka ki bhange.

Makatukilu 23:7

Ku maka ma makutu tunda-ku, a ku xale dikanga. O ua kambe kikuma, ni ió ua iuka, kana ku mu jibha; kuma eme ki ngi ẋikina kulungisa kisuéia.

Jisabhu 10:18

Uoso u kondeka o luma ni ku di-uabhesa ku mizumbu, mukua makutu; uoso-phe uenda ni kabódio, kioua.

Jisabhu 12:17

Uoso u tanga o kidi, u tukulula o kulunga; maji o mbangi ia mangonha, u tanga nzungule ia makutu.

Jisabhu 14:5

Mbangi ia kidi, ki i tena kuta makutu; mbangi-phe ia mangonha, u tanga makutu mu makutu.

Jisabhu 17:4

Mukua kuhbanga phulu u bhana mátui ku mizumbu izuela kiaiibha; o mukua makutu u xamenesa mátui mê mu kuividila o dimi di tanga isunji.

Jisabhu 19:28

Mbangi ia Kadiaphemba, o ubatuilu ua iuka u mu kuatesa usudi; o dikanu dia athu abhumu, di kuuela ituxi ni milonga.

Jisabhu 19:5

Mbangi ia makutu, katena ku di zula mu mulonga; o u tanga o makutu, ka tena kubhuluka.

Jisabhu 19:9

Mbangi i julukala makutu ku milonga, sai kaxitiku kê; o mukua ku tanga makutu, u buika.

Jisabhu 21:28

Mbangi i tanga makutu, ió hádia ua kà fua; uoso-phe uividila kidi kioso, o kieza ku maka-phe utenda u tona ka tena ku mu êlesa.

Jisabhu 24:28

Kana ku di xikina umbangi ua ku kundula mukuenu, bhua kambe kikuma; kifua eie uandala mizumbu ié u i bhitisa mu makutu?

Jisabhu 25:18

Muthu uoso u tatela mukuá umbangi ua makutu, ua di bhange nzûndu, ni xibhata, mukua ni musongo uatu.

Jisabhu 25:23

Kitembu ki tunda ku suku, kiza ni ku xinjikila mvula; o dimi di tanga iaiibha, di bhekela pholo ia funduluka ni njinda.

Jisabhu 6:19

o mbangi ia mangonha itanga makutu, ni mukua kuzokesa jiphange u kuna jimvunda muʼaxaxe kâ.

Jelemiia 20:10

Mukonda nga mu kuívua ki ala kulongolola o mundu, o ku mbandu joso ku kuata uoma, exi: Tu ambelienu-kiu etu tua kà mu tungunune; katé ni iá u nga di bhana-nâ ala ku kinga o kubhendujuka kuami, exi sumba u kala ni bhua tolokela; bhene-phe kiá bhu tua-nda ku mu kuatela, tu mu bhuile mabhukubhuku.

Ijila 19:11

Ki mu nhane jinge, ki muende ni kuta makutu, ki muende ni ku di dingila mudienu ni ku di bhanga phulu muthu ni mukuâ.

Ijila 19:16

Kana kukala u kitoka kia jimbuémbue muʼaxaxi ka akuenu; kana kusota kujimisa o muenhu ua mukuenu; Eme-muène Jihova.

Matesu 19:18

Kuala muène: Ijila kuxi? Eme Jezú: Ienhiʼii: Kujibhe mukuenu; ku te phànda, ku nhane; ku bhane umbangi ua makutu;

Luka 19:8

Bhenhobho Zakeu anga uimana bhu pholo ia Ngana, u mu ambela, uixi: Ngana, kaxaxe ka jimbongo jami, ngi ka bhana jingadiama. Se bhuala muthu nga mu-di mangonha, mu kubhana o lubhaku, ngi mu fute-kiu mu luuana.

Luka 3:14

Masoladi anga a mu ibhudisa ue, exi: Etu uetu, tu bhanga kiebhi? Muène uixi: Ki mu bhange kusuina; ki mu die mangonha mu kutambula kitadi kia muthu uoso-uoso ni ku mu tatela. Kitadi kienu kiene ku mi futa, ki mi soke.

Nzuá 7:51

Manhi Kitumu kietu ki êlesa muthu, sé kudianga ku mu ívua, ni kuijiia kioso kia bhange?

Loma 3:8

Ki tuidila-hi tuixi; Tu bhangienu iaiibha, mbé mu iaiibha hinu mu tunde iambote? Ni kidize, amoxi-mu ene ku ngi tatela kuila kiene muene ki nga mu zuelʼ okio. Enʼió-phe o kuêla kuâ hádia kuà kala kua kidi muene.

Efezo 4:25

Uila kiki, ki mu tange jinge dingi makutu. Maji mu di tangela jinga o kidi kala muthu ni mukuâ. Kuma etu oso tua di bhange tu idiandu ku mukutu ua Kristu.

Matendelelu 5:20

Kana kukala u mbangi ia kutatela mukuenu kima ka ki bhange.

II Timote 3:3

Ka moneka henda ia muthu, kene kuloloka, akua kutatela ngó akuâ, keji kufikisa jihanji, a kaka, a di zemba ni ima iambote.

I Phetele 3:16

Maji mu ki bhanga jinga ni kubelesela, ni uôma. Mu kale ni kitongoluelu kiazele kia mbote. Phala o ima iene ku mi tatelʼ oio, jisonhi hinu ja a kuate oso a lebhula o uendelu uenu ua mbote mua Kristu.

Dijingunuinu 12:10

Anga ngʼívua dízui dia dikota mu diulu, dixi: Kiki kueza ubhulukilu ua Nzambi ietu! Kiki o Nzambi ietu uedikiza o unéne uê kuila Muène Sobha! Kiki o Kristu iê, ua londekeza ki kala o ungana uê! Kuma o mutatedi ua jiphange jetu a mu lundumuna, ua kexile ku a tatela bhu pholo ia Nzambi muanha ni usuku, mu diulu a mu kaie-mu.