Makatukilu 22:9 - O Mikanda Ikola

⁹ Se maka oso-oso a milonga ia kufika uiii, ki kale ngombe, ki kale bulu, ki kale mbudi, ki kale kizuatu, ki kale kima kioso kia jimbila, nganji anga u zuela, uixi: Kiki kimbamba kiami, ene oso kiiadi kiâ eza ni maka mâ ku afundixi; uoso-phe a mu êlesa kuala afundixi u futa mu luiadi kua mukuá.

Makatukilu 22:9 ပူးပေါင်းရင်းမြစ်များ

Dimatekenu 31:39

Ia kuaẋiua ku iama ki ngi ku bhekela na-iu; ia bhiti ku konda iami; o iònhane ue mu muanha mba iònhane mu usuku, eie ua ngi futisa-iu.

I Jisobha 8:31

Muthu kioso kia ta kituxi kua mukuá, anga a mu tesa mulôko ua ku mulokesa ku thandu dia kituxi kié kia te, mulôko anga uiza ku pholo ia kalatódio ké mʼonzo mumu.

II Malunda 19:10

O mu ima ioso ia katungu iza kokuenu, ia tundu ku jiphange jenu, a tungu mu jimbonge jâ, bhu kaẋi ka mahâẋi ni mahâẋi, ni bhu kaẋi ka itumu ni ijila, ni bhu kaẋi ka jingonge ni mabatuilu, muenda ni ku a bazela mbé ka kale ni mulonga kua Jihova, phala ki kuize njinda ia dikota ku thandu dienu, ni ku thandu dia jiphange jenu; bhangenu kienʼiki, mu kambe ku kala mu akua mulonga.

Makatukilu 22:10

Se muthu u vuisa mukuá bulu, mba ngombe, mba mbudi, mba kibhaku kioso-kioso, anga ki fua, mba a ki kuama, mba ki jimbila sé muthu ku ki mona,

Makatukilu 22:28

Afundixi kana ku a bhubhidila; muthu a mu zangeleka kutumina o mundu kana ku mu zuela kiaiibha mba ku mu longolola.

Makatukilu 22:4

Se kimbamba kia nhana a mu kuata na-kiu, ki kié hanji ni muenhu uê, ki kale ngombe, mba bulu, mba mbudi, u i futa mu luiadi.

Ijila 6:5

mba kima kioso-kioso kia tela mulûko ua makutu; kikale u ki vutula muene kiene kioso kia tenena, nʼa te-ku dingi mbandu ia katanu ia kiki kia futu; o uoso mukua kiê muene a mu bhana-kiu, mu kizuua kiene kia di mono iú kuila uala ni kuêla.

Matesu 18:15

Mukuenu se ua ku te kituxi, ndeie u mu idikize kikuma kiê, maji ni eie ni muène ngó ku ubheka uenu. O kia kuívua, mukuenu ua mu nganhala.

Matesu 18:35

Ni Tata iami mu diulu, kiene kia kà mi bhanga enu, se ku miẋima ienu mu kamba kuloloka mu kidi mukuenu uoso-uoso u mi bhanga kima kiaiibha.

Matendelelu 25:1

Se bhu kala athu kiiadi a di kuata mvunda, anga eza kufunda, phala ku a batuila milonga, uoso ualungu mu lungise; o uêle a mu elêse muene.