Makatukilu 22:28 - O Mikanda Ikola

²⁸ Afundixi kana ku a bhubhidila; muthu a mu zangeleka kutumina o mundu kana ku mu zuela kiaiibha mba ku mu longolola.

Makatukilu 22:28 ပူးပေါင်းရင်းမြစ်များ

II Samuuele 16:5

Davidi-phe kia bhixila bhu Bahudimi, bhu tunda muthu bhu bhata bhenhobho, mukua família ia Saúlo, dijina diê Simei, monʼa Jela; anga u tunda, kioso-phe kiala kutunda bhu bhata iú uiza ni kuxinga jindaka.

II Samuuele 16:9

Bhenhobho Abisai, monʼa Zeluia, u ambela Sobha, uixi: Phalahi ímbua ia di fuila iii i kala mu ku ku xinga jindaka, u muenexi? Ngi bhane disesa, nga ku diondo, ngʼabhuke ni ngi mu batule o mútue.

II Samuuele 19:21

Abisai, monʼa Zeluia, anga u kumbulula, uixi: Manhi Simei muenhú, ka tokala ku mu jibha, mukonda muthu ua Jihova ua mu undu ni maji, muene ua mu xinga jindaka?

I Jisobha 21:10

Anga mu mu bhekela anʼaiadi a Kadiaphemba ku pholo iê, hé ene a mu tetela umbangi ua makutu, exi: Eie ua ẋonguena Nzambi ni sobha; ni mu tubhuka-nê bhu kanga dia mbonge, anga mu mu bûba ni matadi katé ua fu.

Jisálamu 138:1

Ngi ku ximana Ngana, ni muẋima uami uoso; bhu pholo ia jinzambi, ngi ku tumbula-bhu eie.

Jisálamu 32:6

Mukonda dia kiki, uoso uabhu o kubhuma, a dikole ko kué mu thembu i xikina ku mu ivua; o kia-nda kuiza menha mavulu, ma di bhange masenza, bhuemana muene ka bhiẋila-bhu dingi.

Makatukilu 13:12

Kienhókio mua ká lumbila Jihova oso a tuama kujikula o divumu, ni anʼ oso a ibhaku a tuama ku a vuala, jindumbe ji kala jangene ja Jihova.

Makatukilu 13:2

Ngi lumbile ana oso a phande-kumbi, oso a tuama kujikula divumu mu anʼa Izalaiele, a kale athu, a kale ibhaku; kuma ami.

Makatukilu 21:17

Uoso u xinga jindaka kua phaiʼâ, mba manhiʼâ, a mu jibhe sè kufula.

Makatukilu 23:16

Ni kizokola kia idima ia dianga, kia ibundu ia kutomona, kioso ki mu mateka kudia-ku ku muanu uenu ua kudima mu díbhia; ni kizokola kia kumuna idima ki batuka o muvu, kioso ki mu zubha ku bhongoluela ku bhata o ima ioso ia tundu mu kukalakala kuenu ku mábhia.

Makatukilu 23:19

O ibundu ioso i dianga kúbhia ku ibundu ienu i tunda mu mavu, mu i bheka mʼonzo ia Jihova Nzambi ienu. Mona hombo kana ku mu lambela mu lete ia mamʼâ.

Ndongixi 10:20

O sobha ku mu xinge, kana ku mu zuela kiaiibha né kia ngó mu ixinganeku ié; mba uia ku hotʼèlele mu xilu dié mu ku xingila-mu o kilamba; mukonda o jinjila ji bhita bhulu ji kuambata o dízui, ió uala ni mabhabha ua kà tula o njimbu ia kizuelu kié.

Ijila 24:11

O mona-diialʼú anga uẋonguena Dijina dia Jihova, u di naka, anga a mu bheka kua Mozé. O dijina dia mamʼâ Selomite, monʼa Divile, ku muiji ua Dane.

Ijila 24:15

Anʼa Izalaiele-phe u a jimbuile, kuamba: Uoso-uoso unaka Nzambi iê, kituxi kiê ki mu xine muene ku thandu.

Ijila 24:16

Uoso ue u ẋonguena o Dijina dia Jihova, ió ni kidi, afue muene; o kionge kioso ki mu bûbe ni matadi; kixi muthu uatundu kuengi, kixi mukua-bhata muene, se nʼa ẋonguena o Dijina dia Jihova, a mu jibhe muene.

Jipoxolo 23:3

Phaulu anga u mu ambela, uixi: Kamangonha! Nzambi hinu u ku bhela-kiu eie kaxtiku! Mukonda eie ua xikamena ku ngi fundisa kia tokala mu Kitumu, kifua eie dingi u tondala o Kitumu, anga u tuma ku ngi bhesa huxi? Kiokio mu Kitumu ki kiala-mu!

Jipoxolo 23:5

Phaulu uixi: Ki nga kʼ ijiia akuetu, kuila muène nganga ia dikota. Kuma kiosoneke mu Mikanda Ikôla, kuila: Mufundixiʼ a mundu ué, kana ku mu zuela kiaiibha.

I Phetele 2:17

Mu xila athu oso. Di zodienu ni jiphange jenu mu kuxikana. Mu kala ni uôma ua Nzambi. Mu kala ni ujitu ua muenexi.

II Phetele 2:10

Nzambi u kala-phe kota mu ku a bhanga-kiu, enhó oso enda kala kia a tumu o xitu mu hânji ia kubola, o Ngana u tokala ku a tumina, hé a mu tènda. Jimesene ja makutu jenhiji, a bhumu, a thathamena vondadi jâ, ka moneka ujitu ua kuxila ji-anju mba a kala ni héle ia kuxinga jingana.

Juda 1:8

Kiene kimoxi, hanji athu enʼ iá mu jinzoji jâ a kala mù bhanga ufusa ua xitu. A di tuna ku a tumina kuala Nzambi, o jingana ja diulu a ji xinga.

I Samuuele 24:10

Talesa, mesu mé a ki mone kuma Jihova ua ku thelekalele lelu bhu lukuaku luami mu dibânda mumu. Amoxi-phe ue a ngi longesele kiá ku ku jibha, maji-phe nga ku lendukila, ngixi: Muadiʼami nguami ku mu zengela o lukuaku luami, kuma muene muthu ua ngene, Jihova muene ua mu undu ku ungana.

I Samuuele 24:6

Anga u ambela makuenze mê, uixi: Ki kola! Ngana a ngi lange, phala eme ki ngi te kituxi kala kiki, kia kusunununa lukuaku luami kuthandu dia muthu a mʼundu ni maji kuala Jihova; ki ngi kala kisunji eme ku mu zengela lukuaku, kuma Jihova muene ua mu undu ku ungana.

I Samuuele 26:9

Davidi anga u ambela Abisai, uixi: Kana ku mu jibha; kuma nanhi u tena: kuzengela muthu Jihova ua mu undu ku ungana nʼa kambe kuêla?