Makatukilu 22:27 - O Mikanda Ikola

²⁷ kuma kiene o divunga diê, kiene ngó o kizuatu kia kuzuika o mukutu uê, kifua mukuenu u zeka ngoho? Kuma mu kuiza-ku, hé u dikola kokuami, ngi mu ivua; kuma eme nga lenduka, ngi mukua henda.

Makatukilu 22:27 ပူးပေါင်းရင်းမြစ်များ

II Samuuele 16:5

Davidi-phe kia bhixila bhu Bahudimi, bhu tunda muthu bhu bhata bhenhobho, mukua família ia Saúlo, dijina diê Simei, monʼa Jela; anga u tunda, kioso-phe kiala kutunda bhu bhata iú uiza ni kuxinga jindaka.

I Jisobha 2:8

Muthu uamukuá ua xala-nê Simeii, monʼa Ngela, mukua muiji ua Bejamí, mukua bhata bhu Bahudimi, ua ngi xingile jindaka javulu jaiibha kizuua ki nga kexe mù-ia bhu Mahanaíme; maji uejile-phe ku ngi batuila bhu tabhu dia Njolodá, eme anga ngi mu lokela mu dijina dia Jihova, ngixi: kana, ki ngi ku jibha ni xibhata.

I Jisobha 2:9

Ko kué-phe ka kambe kikuma; kabasa eie uala u hete, eiemuène kiá u ijiia kioso ki ua kà tokala ku mu bhanga; maji o jimvi jê ua kà ji bhiẋidisa mu mbila ni manhinga.

II Malunda 30:9

Mukonda kioso enu ki mu lungulukila kua Jihova, o jiphange jenu ni anʼenu a mala a-ndu bonga kiadi ku mesu ma ió oso a ambata ene ku ubhika, anga a kà vutuka dingi mu ixi iii; mbata Jihova, Nzambi ienu, mukua kiadi ni henda, o pholo iê kà tena ku mi suekela-iu, se enu mu bilukila kua muene.

Jisálamu 34:6

Ngadiamʼiii ia dikola, Jihova ua mu ivu, ua mu kudila mu jiphaxi jê joso.

Jisálamu 72:12

Kuma muene u bindumuna o phulungu kioso kia dikola; ni ngadiama, ni uoso ua kambe o dilemba di mu kuatekesa.

Jisálamu 86:15

Maji Eie-phe, Ngana, u Nzambi ia jihenda, uezala ni kiadi, ua kokoloka o kutema, eie ua vula o kulenduka ni kidi.

Makatukilu 22:23

O ki kala-phe u ki bhanga o ku a tatesa, anga ene a di kola kokuami, eme-phe ngʼa evua muene o kudikola kuâ;

Makatukilu 34:6

O Jihova kioso kia mu bhita bhu pholo iê, Mozé, u mu kola, uixi: Jihova, Nzambi ia jihenda ni kiadi, ua lenduka, u kokoloka mu kuthathamana, u kôla mu kukuatela henda, ufiiele u vula.

Ndongixi 10:20

O sobha ku mu xinge, kana ku mu zuela kiaiibha né kia ngó mu ixinganeku ié; mba uia ku hotʼèlele mu xilu dié mu ku xingila-mu o kilamba; mukonda o jinjila ji bhita bhulu ji kuambata o dízui, ió uala ni mabhabha ua kà tula o njimbu ia kizuelu kié.

Izaía 19:20

Kiene ki kala kijimbuete ki bhana umbangi kua Jihova dia Ilômbo Ieta, mʼoxi ia Ijitu; kuma kioso kia kèza kingumba, ene a kà dikola kua Jihova, o muene ua kà a tumikisa Mukudi, ni Mubhangedi, ua kà a kudila.

Matendelelu 24:10

Kioso ki u sobhesa kima kua mukuenu, kana kubokona mʼonzo iê mu ku mu tambula kikunji.