Makatukilu 22:20 - O Mikanda Ikola

²⁰ Uoso u satela nzambi iengi, ki kua Jihova, kana, ió muthu ua ku mu jibha muene.

Makatukilu 22:20 ပူးပေါင်းရင်းမြစ်များ

I Jisobha 18:40

Elija anga u a tangela, uixi: Kuatenu jipolofeta joso ja Bahale, ki bhu lenge muthu. Anga a a kuata; anga Elija u kulumuka-nâ ku kangiji ka Kisone, anga u a jibhila kuenhoko.

II Jisobha 10:25

Anga ki bhita kuila, kioso ene kia zubha o kubhakula sata ia túbhia, Jehu uambela akua kilangidilu kiê ni jikabhitangu, uixi: Bokonenu, muʼa jibhe. Ki bhu kale umoxi ngó u mi lenga. Anga a a jibha muene ku mazu a xibhata; anga a a texila ku kanga kuala o jikabhitangu ni akua kilangidilu hé a bokona muene mu xiluèlele dia inzu ia Bale.

II Malunda 15:13

Ni kuila uoso ngué kusota Jihova, Nzambi ia Izalaiele, u fua, tunde ku mona-ndenge tule ku muadiakime, tunde ku diiala tule ku muhatu.

Makatukilu 23:9

Nzuángiza ue kana ku mu bhikisa; kuma enu muejiia muxima ua nzuángiza, mbata enu uenu mua kexile mu jinzuángiza, mu Ijitu.

Makatukilu 32:8

Kindalʼiki a bhambuka kiá mu njila i nga a tumina kuenda; a di iudikila kiteka kia ndumbe ia ngombe, kia utadi ua kuzunza, a ki bheza, a ki satela, exi: Jene-ze o jinzambi, enu mu Izalaiele, ja mi katula mʼoxi ia Ijituʼiji.

Makatukilu 34:15

Sumba ki u ta kikutu kia ukamba ni akuaʼxi koko, ene kia bhanga undumbu bhu pholo ia jinzambi jâ, ni kia satela jinzambi jâ, bhu kala uoso u ku ixana-bhu ni u die ku sata ia jibhila o iteka iâ.

Izekiiele 20:7

Kienhokio-phe eme nga ambelele, ngixi: Muthu ni muthu a texi o maufusa ê oso a mu uabhela ku mesu-mê; ki mu di kasanese ni iteka ia Ijitu; Emiʼeme ngi Jihova Nzambi ienu.

Ijila 17:7

Ki bhua kàle dingi kuila ene abhakula jisata jâ ku madimonho, ene mu kulandukila ni kubhanga-nâ o undûmbu; kienhiki kià kale kijila kiâ ki nangenena mu miji iâ ioso.

Ijila 19:33

Muthu ua tundu dikanga se u tunga nʼeie mʼoxi ienu, kana ku mu tatesa.

Malakiia 3:5

Bhenhobho, Jihova, uixi: Kienhókio nga kà mi zukama kiá, milonga ienu nga kʼèza mu ku i fundisa anga ngi kala ngi mbangi ia kubatula lusolo mu kubelesa aloji, ni akua ku ta jiphanda, ni iá a loka mu makutu, ni iá a kamba kufuta kitadi kia jingunza ja a a kalakalela, ni ió a bhingi kuila o mutudi, ni monʼa difundu, a a bhondeleka muene, ka xikina kubatula ni kuiuka o mulonga ua ngenji-a-thumba ua tundu dikanga, a lémbua ku ngi kuatela uôma, eme ngi Jihova dia Ilombo Ieta.

Dialuilu 21:3

Jihova anga uívua dízui dia izalaiele, u bhana akua Kanana bhu maku mâ, anga a a buidisa muene ni jimbonge jâ; mukáu uenhó anga a u luka Holoma.

Matendelelu 10:18

Muene u batula mu kidi o milonga ia monʼa difundu, ni mutudi ua fundu muadi uê; nzuangiza u mu zola, u mu dikila ni kia kúdia ni kia kuzuata.

Matendelelu 18:20

Maji uoso polofeta u di metena mu ukumbu uê kuzuela kima mu dijina diami, sé eme ku mu tuma-kiu, mba-phe u di metena ku ta maka mu dijina dia jinzambi ja kioso-kioso, polofetʼio ua kà fua muene.

Matendelelu 23:8

Alaula âene, a-nda kuvuala ku muiji ua katatu, hádia mu a ehela kubhiẋila jinga bhu kionge kia Jihova.

Matendelelu 24:17

Diba dia tokala kulungisa nzuángiza mba monʼa difundu, kana ku mu diodia na-diu hé u di lungulula; kana kutambula izuatu ia mutudi ua muhatu mu kikunji.