Makatukilu 22:10 - O Mikanda Ikola

¹⁰ Se muthu u vuisa mukuá bulu, mba ngombe, mba mbudi, mba kibhaku kioso-kioso, anga ki fua, mba a ki kuama, mba ki jimbila sé muthu ku ki mona,

Makatukilu 22:10 ပူးပေါင်းရင်းမြစ်များ

Dimatekenu 39:8

Muene-phe anga u dituna, u ambela mukajiʼa ngana iê, uixi: Muadiʼami-ze kejiia dingi kima kiala-na-kiu mʼonzo, iene ioso ua i bhana bhu makuʼami;

Makatukilu 22:11

bhu kaẋi kâ bhu bhita mulôko ua Jihova, se kidi kiene muene ka kuata-ku ni lukuaku luê ku imbamba iangene ia mukuá; mukua imbamba iê-phe ki kale u ẋikina, ka tena ku mu futisa kimbamba kia jimbila.

Makatukilu 22:9

Se maka oso-oso a milonga ia kufika uiii, ki kale ngombe, ki kale bulu, ki kale mbudi, ki kale kizuatu, ki kale kima kioso kia jimbila, nganji anga u zuela, uixi: Kiki kimbamba kiami, ene oso kiiadi kiâ eza ni maka mâ ku afundixi; uoso-phe a mu êlesa kuala afundixi u futa mu luiadi kua mukuá.

Luka 12:48

Maji uoso-phe ka kʼijiia, kioso kiandala ngana iê, maji u bhanga ima ia tokala o ku mu beta, a mu beta ni jisanzu jòfele. Kala kiki, uoso a mu bhana kiavulu, a mu bhinga ue kiavulu. O kua ió uoso a mu bhakesa kiavulu, kuene ue kua beta dingi o kubhinga.

Luka 16:11

Kuma enu se mua kambe kubhanga kidi mu umvuama ua mangonha ma mundu iú, nanhi u mi dielela mu umvuama ua kidi?

II Timote 1:12

Mukonda dia kiki, kiene ki nga mu talela o jihadi josuʼiji. Maji ki ngala-phe ni jisonhi, kuma nga dielela, mukonda ngejiia ió uoso nga mu xikana, phata ia ngi-bhu, kuma muène ua soko-bhu o kubhaka kioso ki nga mu bhana kulûnda, katé bhu kizuuʼokio.