Makatukilu 21:2 - O Mikanda Ikola

² Se u sumba mubhika ua Hebeleu, u ku bhikila mivu isamanu; maji o mu muvu ua kasambuadi-phe a tambule ufolo, u mu eha sé ku mu xinda kima.

Makatukilu 21:2 ပူးပေါင်းရင်းမြစ်များ

Dimatekenu 27:28

Nzambi a ku bhane dimume dia diulu, Ni mavu a bhana idima mu ngongo, Ni masa ni vinhu ia nzungule;

Dimatekenu 27:36

Izaú anga u zuela, uixi: Manhi dijina dia Jakobo ki dia mu fuama muene? Ua ngi tobhesa luiadi luosʼulu! Ua dianga ku ngi tambula o ukota uami; o kiki ua ngi tambula dingi o dibesá diami. Uixi-phe: Kifua ki kua xala dingi dibesá dia ku ngi bhana eme?

II Jisobha 4:1

Anga muhatu umoxi, ku ahetu a anʼa jipolofeta, u dikola kua Ilizeu, uixi: Muadi uami, mubhikʼé, ngana, uafu. Eie-phe ua kʼijiia kuila o mubhikʼé ua kexile mukua uoma ua Nzambi; o kiki-phe mukua dikongo ueza mu ku ngʼambata o anʼami kiiadi a mala, phala kukala abhikʼê.

Nehemiia 5:8

Anga ngʼa tangela, ngixi: Abha etu tua kula kiá o phange jetu, akua Juda, a a sumbisile ku matumbu, muthu ua bhana bhuoso bhua kuatela; o kiki enu phange jenu mu a sumbisa dingi lua kaiadi, mbé etu ni tua a kula dingi lua mukuá? Ene exi ni ene húdi, kia kuvutula a ki lémbua.

Makatukilu 12:44

Maji o mubhika ua muthu-phe, a mu sumbu ni kitadi, se a mu saie kiá, u diê.

Makatukilu 21:3

Hé ua bokuene ubheka uê, a tunde ubheka uê; se ua sakanene kiá, a tunde kumoxi ni muhatuʼê.

Makatukilu 21:7

Hé bhu kala diiala u sumbisa monʼê ua muhatu mu kala mubhika, ió-phe ka tunde dingi kala ki tunda abhika a mala.

Makatukilu 22:3

Maji-phe se o dikumbi dia bande kiá, ki kala kiá mulonga ua manhinga; ki bhinga-phe kiá o muii u futa ioso ia nhana, se kala ni kima kia futa na-kiu, a mu sumbisa mukonda dia uíii uê.

Ijila 25:54

Maji-phe, se ku di kula ualémbua, a kinge, nda a di tundidié kiá bhu njubileu, ni muene ni anʼê bhuamoxi.

Matesu 18:25

Kuma kia kufuta ka ki mono, ngana iê u tuma ku mu sumbisa, ni muhatuʼê, ni anʼê, ni ima ioso iala na-iu, phala dikongo ku di futisa.

I Kolindo 6:20

Kuma a mi sumbu ni suilu. Uila kiki, fumanesenu Nzambi ku mikutu ienu, ni ku jinzumbi jenu, kuma ja tokala Nzambi.

Matendelelu 15:1

Thembu joso kuila bhua bhiti kiá sambuadi dia mivu, o ki i bhua-phe, kola-bhu ufolo.

Matendelelu 15:18

Kioso-phe ki u mu bhana ufolo, ki ki ku nemese muxima; kuma muene kifua ua ku futu luiadi mu mivu isamanu iosʼiii ia ku bhikila se u mu sokesa ni nguzu mukua nganhu; kienhiki o Jihova Nzambi ié ua-nda ku ku zediuisa mu ima ioso i u bhanga.

Matendelelu 31:10

Mozé iu ua a tendelela, uixi: Muila jinga, se bhua bhiti kiá sambuadi dia mivu, bhu thembu iatokala ku muvu ua ufolo, bhu fesa ia jifundu,