Makatukilu 21:1 - O Mikanda Ikola

¹ O jiji jene o jingonge ji ua kà a tudila.

Makatukilu 21:1 ပူးပေါင်းရင်းမြစ်များ

I Jisobha 6:12

Eie-phe, ku inzo i ua mu tungiʼii, se uenda kiambote mu jingonge jami, o ima hé uenda ni ku i bhanga kiambote mu mabatuilu mami, anga uaiuka jinga o ijila iami ioso, ni ukala mu kuendela-mu, eme ue kokué ngi kumbidila o kizuelu kiami, ki nga zuela tatʼenu Davidi.

II Malunda 19:10

O mu ima ioso ia katungu iza kokuenu, ia tundu ku jiphange jenu, a tungu mu jimbonge jâ, bhu kaẋi ka mahâẋi ni mahâẋi, ni bhu kaẋi ka itumu ni ijila, ni bhu kaẋi ka jingonge ni mabatuilu, muenda ni ku a bazela mbé ka kale ni mulonga kua Jihova, phala ki kuize njinda ia dikota ku thandu dienu, ni ku thandu dia jiphange jenu; bhangenu kienʼiki, mu kambe ku kala mu akua mulonga.

Nehemiia 10:29

o a beta o uthu mudiʼâ, a di bande ue ku jiphange jâ ni kujiza kuoso, anga a diẋikina mu kubela ku mázui ni ku mulôko, kuila endela mu kitumu kia Nzambi, kia bhele mu ukunji ua Mozé, ngunza ia Nzambi; ni kuila a kuata anga a tumaka o ijila ioso ia Jihova Nzambi ietu, ni mabatuilu mê ni jingonge jê.

Jisálamu 147:19

Uidikiza o maka mê kua Jakobo, ni ijila ni jiphangu jê kua Izalaiele.

Makatukilu 19:7

Mozé anga uiza, uixana adiakimi a kifuẋi, hé u a zuelela o maka oso enhá a mu tumu Jihova o ku a zuela.

Izekiiele 20:11

Eme nga a bhana o jingonge jami ni ku a londekeza o mabatuilu ami, a bhingi kuila se o muthu u mʼaluka, muene mua muena o muenhu.

Izekiiele 20:25

Kiene ue kia ngi bhekesa o ku a bhana o jingonge ki ja uabha, ni mabatuilu a bhingi kuila ene uâ ka tena ku-laiela-mu;

Ijila 18:26

Enu-phe mu aiuka o jingonge jami ni mabatuilu mami, o isunji i kala kiki ki mu i bhange jinge, né akua-bhata, né o jinzuangiza jala kunhunganena mu kaẋi kenu.

Ijila 18:5

Kala kiki o jingonge jami ni mabatuilu mami bhakenu-u; kuma enhó mu ku a bhanga muthu u kola muenhu; Eme Jihova nga ki ambe.

Ijila 19:37

Alukenu o jingonge jami joso, ni mabatuilu mami moso, muende ni kukumbidila o ijiia iami ioso, kala ki nga mi ambela; Eme-muène Jihova.

Ijila 20:22

Bhakenu o jingonge jami joso jenhiʼji ni mabatuilu mosoʼama ku miẋima ienu, muende ni ku ji bhanga, phala oxi iná ku ngala ku mi bheka, mu kutunga ni kusoma, enu uenu ki i mi luse.

Malakiia 4:4

Lembalala jinge-nu o ngonge ia Mozé selevende iami, i nga mu tendelela bhu Holebe phala akua Izalaiele oso, kuma iene o itumu ni mabatuilu.

Dialuilu 35:24

bhenhobho-phe kilômbo ki fundisa iú ua beta ni iú muzokediʼa manhinga, kala ki tua bhana o ijiia iii;

Dialuilu 36:13

Iene itumuʼiii ni jingonge ja tumu Jihova kua Mozé, phala a ji tendelele, anʼa Izalaiele, kioso kiala mu dinhana dia Mouabhe, bhu mbandu ia Njolodá, sámbua dia lulama ni Jedikó.

Matesu 28:20

ni ku a longa kualuka ima ioso kiá i nga mi tumu eme. Talenu, eme-muene ngá kala ni enu izuua ioso, katé ku dizubhilu dia mundu.

Matendelelu 15:12

Se a ku sumbisa phangʼié, ia diiala mba ia muhatu, mukua muiji ua Jihebeleu, a ku bhikile mivu isamanu, o ua kasambuadi-phe, u mu bhana ufuôlo, anga u mueha kiá nʼaié.

Matendelelu 4:14

Bhenhobho, Ngana ua ngi tumine ue o ku mi longa jingonge ni mabatuilu, phala enu mua kà a bhange jinge ki mua kà zubha kubokona mʼoxi i mua-nda kutambula mu ubhingano.

Matendelelu 4:45

Ene-phe o maumbangiʼama, ni jingonge, ni mabatuilu, ma tange Mozé ku anʼa Izalaiele, kia tundu ku Ijito;

Matendelelu 4:5

Mua mono-ze kuila nga mi longesa o jingonge ni mabatuilu, kala kioso kia ngi lekelela Jihova Nzambi iami; kiene-phe kiá ki mu enda jinga ni kubhanga mu ixi i mua-nda kubhingana.

Matendelelu 4:8

Muiji uadikota uala-ku uebhi, uala ni jingonge ni mabatuilu ma iuka kiki, kala o kitumu ki ngala ku mi bhana leluʼiki?

Matendelelu 5:1

Mozé anga uixana Izalaiele ioso uʼambela, uixi: Îvua eie u Izalaiele, o jingonge ni mabatuilu u ngala ku mi tendelela lelu mu mátui menu, muile ni ku di longa-u ni ku ma lunda, mbé o ku ma bhanga.

Matendelelu 5:31

Maji eie-phe uxiala nʼeme bhenhabha, phala ngi ku ambele o ijiia iami ioso, ni jingonge ni mabatuilu, iene i uenda ni ku a longa ene o ku i aiuka, kioso kia kà bokona mʼoxi i nga-nda ku a bhana o ku i vua.

Matendelelu 6:1

Ienhiʼii-phe iene o ijiia, ni jingonge, ni mabatuilu, a ngi tumu Jihova Nzambi ienu, ku mi longa-u. Imʼiii phala muende ni ku i kumbidila kioso ki mua kà tula mʼoxi i mua-nda kúvua.

Matendelelu 6:20

O monʼé-phe hádia kia kuibhula ku pholo ku ua kʼáia, uixi: O kiki-phe o ma-umbangi mosoʼama ni jingonge ni mabatuilu ma mi lekelela Jihova Nzambi ietu, kima kiahi kienhiki?

I Tesalonika 4:1

O kiki, enu jiphange, mua di longo kiá kokuetu kioso ki mua tokala kuenda ni kuuabhela Nzambi. Enʼuenu kiene kiá ki mua mu kuenda. Kala kiki, tua mi bhingi, tua mi longesa dingi mu dijina dia Ngana Jezú, kolokotenu ni ku ki bhanga jinga dingi kiavulu.