Makatukilu 20:7 - O Mikanda Ikola

⁷ Kana kutumbula dijina dia Jihova, Nzambi ié, mu kingoho; mukonda kua Jihova kà kamba kuêla uoso u tumbula o dijina diê mu kingoho.

Makatukilu 20:7 ပူးပေါင်းရင်းမြစ်များ

Dimatekenu 27:20

Izake anga u ambela monʼê, uixi: O mbole ua i mono-phe kiá kienhiki kindalʼiki monʼami? Muene-phe, uixi: Mukonda o Jihova dia Nzambi ié muene ua ngi bhana kibhuku.

I Jisobha 2:9

Ko kué-phe ka kambe kikuma; kabasa eie uala u hete, eiemuène kiá u ijiia kioso ki ua kà tokala ku mu bhanga; maji o jimvi jê ua kà ji bhiẋidisa mu mbila ni manhinga.

II Jisobha 5:20

Bhneʼobho Jeazí, mubhikʼa Ilizeu, muthu ua Nzambi, uixi: Tala, ngana iami ua fudisa kuila ku lukuaku lua Naamane iú, dia mukua Sídia u bhanaku kama ku ima iejile na-iu; nguami tata! Nganda ku mu kaiela ni lusolo, hé ngi tambula-ku kama koso-koso.

Jisálamu 139:20

Mukonda eie, Ngana, a mu ku lokalala; jinguma ji tumbula muene o dijina dié ni kubhuma.

Jisabhu 30:9

Nga lengesa kuila o ki ngizala, ni jimbote ja ndumba, nga vula ku ku dituna kiá eie, hé ngiia, ngixi: O Jihova muene nanhi? O ki ngi kala ngi ngadiama ia ngadiádia, ngavula kunhana, kifua nga lebhukisa o dijina dia Nzambi.

Jelemiia 34:16

Mua biluka-phe, enu mua sebulula o dijina diami, enu mua bhangesa kuila muthu ni muthu u vutukila mubhikʼê ua diiala, o iú u vutukila mubhikʼê ua muhatu, u mua tambuixile kiá ufolo mu vondadi ienuʼanuenu muene; enu mua tona ku a ta dingi bhoxi dia ubhika ni a mi kale abhikʼenu a mala ni a ahatu.

Jelemiia 4:2

O ki u loka kuila: Ni Jihova muenhú! Jihova a kole muenhu! mu kidi, ni mu mabatuilu ni mu kuiuka; ni akua jixi jengi-phe a-nda ku di bhanduluila mua muene, mua muene muanda ku di thathela.

Izekiiele 39:7

Anga nga kʼèjidisa o dijina diami dikola muʼaxaxe ka mundu uami ua Izalaiele, eme ue ki mungu dingi ngʼehelèla o kukasanesa o dijina diami dikola, phala akua jixi nʼa kʼijiie kuila eme ngi Jihova, iuná Ukôla mua Izalaiele.

Ijila 19:12

Ki mu loke jinge mu dijina diami, bhua kambe o kidi, mbata o dijina dia Nzambi ienu-phe mu di sekalesa; Eme-muène Jihova.

Malakiia 3:5

Bhenhobho, Jihova, uixi: Kienhókio nga kà mi zukama kiá, milonga ienu nga kʼèza mu ku i fundisa anga ngi kala ngi mbangi ia kubatula lusolo mu kubelesa aloji, ni akua ku ta jiphanda, ni iá a loka mu makutu, ni iá a kamba kufuta kitadi kia jingunza ja a a kalakalela, ni ió a bhingi kuila o mutudi, ni monʼa difundu, a a bhondeleka muene, ka xikina kubatula ni kuiuka o mulonga ua ngenji-a-thumba ua tundu dikanga, a lémbua ku ngi kuatela uôma, eme ngi Jihova dia Ilombo Ieta.

II Kolindo 1:23

Eme-phe Nzambi a ngi kale mbangi ku thandu dia muenhu uami, kuma kia ngi fudisa kuia kindala ku Kolindo mukonda enu nga mi fikixila.

Matendelelu 10:20

Endenu-phe ni kuxila Jihova Nzambi ienu, muenda jinga ni ku mu bhikila muene ngó, mu jijidienu muene ngó; o ki muila mu loka, lokelenu mu dijina diê-muène ngó.

Matendelelu 5:11

Kana kutumbula dijina dia Jihova, Nzambi ié, mu usemenhi; kuma kua Jihova kà kamba kuêla uoso u tumbula o dijina diê mu usemenhi.

Matendelelu 6:13

Enda ni kuxila jinga Jihova Nzambi ié, muene ngó u mu sedivila; o ki ki ku bhinga kuloka, kale ulokela ngó mu dijina dia Jihova.

Tiiaku 5:12

Ku ima ioso-phe, phange jami, ki uila u bhana kizuelu kia kima kiosokioso, kota-kota kana kuloka, né kulokela diulu, nè kulokela oxi, nè mulôko uengi uoso-uoso. Se kua mi bhingi kutanga kima, mu ila kiene se kiene, mu ila kana se kana, mbé Nzambi ka mi êlese.

Josuué 2:12

Kiki-phe, nga mi diondo, ngi lokedienu mu dijina dia Jihova, kuma eme nga mi bhange mbote, enu uenu mu kala ni henda ia dibhata dia tatʼetu, mu ngi bhana kijimbuete kia kidi:

Josuué 2:17

Mala anga a mu ambela, exi: Etu hinu ki tu kale ni kikuma ku mulôko ué u ua tu lokesa.

Josuué 9:20

Inda tuila kiki, tu a bhana muenhu; mbebhu o mulôko u tua te-bhu, phala ki ku tu tulukile njinda ionéne ia Nzambi, kuma ene tua a lokela kiá.