Makatukilu 20:5 - O Mikanda Ikola

⁵ Kana ku i fukamena, kana ku i bheza; kuma eme Jihova, Nzambi ié, ngʼene ngi Nzambi ia difuba; ana ngʼa a bhesa kaxtiku mu ituxi ia jitata, katé ku mululu ni ku muláula ua iá a ngi zemba,

Makatukilu 20:5 ပူးပေါင်းရင်းမြစ်များ

II Samuuele 21:1

Anga ku kala nzala mu izuua ia Davidi, i bhanga mivu itatu, kuiza muvu kiene, kuiza muvu kiene. Davidi anga u sota pholo ia Jihova, Jihova anga u zuela, uixi: Nzala iii iejila mukonda dia Saúlo, ni dibhata diê diaiibha ni manhinga, mukonda ua jibha akua Ngibiione.

II Samuuele 21:6

Eie u kuata sambuadi dia anʼê a mala, u tu bhakuile-nâ, tu a nhenge bhu pholo ia Jihova mu Ngibeia ia Saúlo, ió a mu solele kuala Jihova. Muenexi anga u vutula, uixi: Ngʼa bhana.

I Jisobha 19:10

Muene uixi: Eme, Ngana Nzambi ia Ifuẋi, nga mu dielela kiavulu, ngala ni muanu ua imbamba iê, mukonda anʼa Izalaiele kikutu kiê a ki xi, kalatódio jê a ji bulu, ni jipolofeta jê a ji jibha-jibha ku xibhata; eme ngó nga xala-ku ubheka umai, ia a mu sota dingi ku ngi katula muenhu uami.

I Jisobha 21:29

Eie Akabe kua mu mono kuila uala ku di tululula bhu pholo iami? Mukonda-phe ua di tululula bhu pholo iami, uíndua iú u nga tange ku mu bhanga ki nga-nda ku u bheka mu izuua iê, kana; nga kà u bheka-phe mu izuua ia monʼê ku thandu dia dibhata diê.

II Jisobha 17:35

Né kieneʼokio-phe, Jihova hanji a tele-nâ kikutu, iú ua ambelele, kuma: Kana ku kala ni uoma ua jinzambi jengi, mba bhu pholo iê mu ji fukamena; kana ku ji bhikila, kana ku ji satela.

II Jisobha 17:41

Kienhiki, o miji ienʼiii, iá a kexile mu kuila: Ku mbandʼuku a kala ni uoma ua Jihova, o ku mbandu ia mukuá iá a bhikila o mahamba mâ ma iteka ia kusonga. O anʼâ ue, ni alaúlʼâ, kiene kia bhanga jinga o jitata jâ, kiene kia mu bhanga ue ene, katé ni mu kizuua kia lelu.

II Jisobha 23:26

Sumbala kiene, maji Jihova ka zumbuka ku njinda iê ia dikota ia kuatela Juda. Mukonda dia kulokalala kua Manasa kua mu lokalala jinga na-ku.

II Jisobha 5:18

Mu kienʼiki Jihova a lolokele-ku mubhikʼé; kioso o ngana iami sobha iami kiʼaia mʼonzo ia Dimone mu kubheza, o muene hé u xamenena ku lukuaku luami, eme ue hé ki ngi bhinga o kufukama mʼonzo ia Dimone, emephe kioso ki ngi fukama kienʼiki mʼonzo ia Dimone, kienʼiki Jihova a ngi lolokekiu, eme ngi mubhikʼê.

II Jisobha 5:27

Kala kiki, o dibhute dia Naamane dia-nda ku ku naminina eie ni mbutu ié katé ku hádia, ni hádia. Hé u tunda kiá ni dibhute bhu pholo ia polofeta, uazele ni muene phé kala neve.

II Malunda 25:14

Anga ki bhita kuila, kioso Amaziia kia vutuka kuele mu kujibha akua Idumeia, ueza ni jinzambi ja anʼa Seíle, ua ji kiti nzambi jê, iú ua ji fukamena, iú ua jiʼohela uasu ua dizumba.

II Malunda 7:19

Maji-phe, sʼenu muʼabhuka ni mu ila kuengi, anga mu xa o jingonge jami, ni ijila iami, i nga mi tendelelʼiii, anga muia hé mu bhikila jinzambi jengi anga mu ji tolokela jene,

Jobe 21:19

Enu muexi: Kikuma kia isuéia Nzambi uene mu ku ki bhaka phala anʼâ. Maji muene-ku, o kisuéia, muene ua tokalele ku mu bhana futu kuala Nzambi, phala ni ki mu xixima.

Jobe 5:4

O anʼé kubhuluka kua a kala dikanga; a a sanujuina muene bhu muelu; ki bhu kala ngó muthu u a kudila.

Jisálamu 109:14

Jihova ende ni kuxinganeka jinga muene o kubhukumuka kua jitata jê; o kituxi kia manhʼâ ka ki jimune, lémbua!

Jisálamu 78:58

A mu kuatesa njinda ni matala mâ ma kubheza mahamba, a mu bhekela difuba ni iteka iâ iósete.

Jisálamu 79:8

Kana kuta mu konda ietu o ituxi ia jitata jetu; jihenda jé jendelè-ku mu ku tu sanga, kuma tua sebuluka kiavulu ki tualʼiki!

Jisálamu 81:15

Oso a zemba Jihova, eje kuiza kua muene ni kudiunda; ene-phe o thembu iâ ienhiʼii, ieje kunangenena.

Makatukilu 23:24

enu-phe kana kufukamena o nzambi jâ, kana ku ji diundila mba eie ua kà fikisa o imbamba iâ ia bhanga; inda ene mua a sengulula muene, o iteka iâ mu i bula-bula.

Makatukilu 34:14

Mukonda eie, Izalaiele, kana ku bheza jinga nzambi iengi, kuma Jihova dijina diê Difuba, ka ẋikina kuila ku kala mukuâ, mukonda muene Nzambi ia Difuba.

Jisabhu 8:36

Maji uoso u ngi ta kituxi, ua kakula o muenhu uê muene; kuma ene oso a ngi zemba eme, andala kalunga, ala mu kenga kúfua.

Izaía 44:15

O mixi ienhiʼii, iene o muthu ia uika na-iu o túbhia mʼonzo, mbé o kuota ni kuoha O mbolo: u iudika-ku ue nzambi anga u i diundila, u songesa-ku ue kiteka kia kuseta, hé uenda ni ku ki fukamena.

Izaía 44:19

Ki bhuala u ki ta ku muẋima, a lémbua kuijiia, a lémbua kilunji kia kuxinganeka, kuila: Mbandu nga i oha mu túbhia, ku makala mê kuene ku ngʼohela o mbolo, kuene ue ku ngohela o xitu, eme nga i di; abha-phe o luhuinhi lua subhuka-bhu mbé ngi lu bhanga kiá kima kia kisunji? Kifua o kima kia tundu ku muxi kiene muene ki ngi fukamena?

Jelemiia 2:9

Kala kiki nga-nda ku-zoka nʼenu, eme ngi Jihova; katé ni ana a anʼenu hadia ngi zoka-nâ.

Jelemiia 32:18

Eie jihenda jé uene muji kuatela jimidi ja vulu, anga u vutuila phonzo ia jitata bhu nzemba ia anʼâ anda ku a bhingana ene; Kutende! Nzambi ia kutena! Ua bhingi dijina diê muene Jihova dia Ilombo Ieta.

Izekiiele 18:19

Maji enu muexi: Mukonda diahi o mona kʼambata o ikuma ia tatʼâ? Mukonda o mona ua bhange iaiuka, uejiia o kubatula kidi, iu uaiuka o jingonge jami ni ku ji bhanga, kala kiki u laia muene.

Izekiiele 18:2

Enu ihi ia mi kuata, enu mua mu zuela o Sabhu iii ku ixi ia Izalaiele, muexi: O jitata ja-di uva ja uisu, o mazu a anʼâ ezala uèngenge?

Izekiiele 20:7

Kienhokio-phe eme nga ambelele, ngixi: Muthu ni muthu a texi o maufusa ê oso a mu uabhela ku mesu-mê; ki mu di kasanese ni iteka ia Ijitu; Emiʼeme ngi Jihova Nzambi ienu.

Izekiiele 39:25

Kala kiki, o Jihova Nzambi uambe kiki, uixi: O ki-ndalʼiki, o jihutile ja Jakobo nga-nda kuiza-na-ju dingi, anga ngi kuatela henda o muiji uoso ua Izalaiele; o dijina diami dikola nga kà di kuatela muanu;

Izekiiele 8:3

Anga u sunununa bheneʼobho kima kiedi kala lukuaku, ki ngi kuatela mu jindemba ja mútue; O Nzumbi ia Nzambi anga u ngi zangumuna mu dingani-dinga, hé u ngi bheka mu Jeluzaleme katé bhu muelu ua dibhitu dia lumbu lua mʼoxi, ua talela ku mbandu ia kusuku, bheneʼobho bhua tudila o kiteka kia difuba, ki bhangesa muthu ku kala ni difuba.

Daniiele 1:2

Jihova-phe u bhakula Juakí, sobha ia Juda, bhu lukuaku luê, ni mbandu ia itutu ia ulu ni phalata ia dibhata dia Nzambi, anga uia na-iu kʼoxi iê ku Xinale, anga u i tula mʼonzo ia dihamba diê, hé u i lunga kumoxi ni itutu iala monzo ia dihamba diê.

Daniiele 3:18

Né-mbé ka ki bhange, tuma ku kʼijiia, sobha, kuma etu nguetu kubheza o jinzambi jé, nguetu kufukamena o kiteka kié kia ulu ki uemika eie.

Ijila 20:5

kiene-phe kimoxi, Eme-muène kiá ngi dilunga-nê pholo, anga ngi zoka-nê ni muene ni dibhata diê, katé ki ngi mu batula o muenhu muʼaxaxe ka povo iê, kumoxi ni ió oso kiá a di tele mu undumbu ua ku mu fikisa muene, mu kuxingidisa Mulôko.

Ijila 26:1

Kana, ki mu di iudikile mahamba, ki mu dʼimikine iteka ia kusonga mba jipholela, o mʼoxi ienu ue ki mu xikike-mu fikula ia ditadi, phala kuenda ni ku i fukamena; mbata Eme-eme ngi Jihova Nzambi ienu.

Ijila 26:29

Mukonda mua-nda kúdia kiá o xitu ia anʼenu a mala ni xitu ia anʼenu a ahatu, anga mu i ẋakuta muene.

Nahumu 1:2

O Ngana, uene Nzambi ia difuba, mukua kuvutula phonzo; o Ngana u kaxtikala, uezala ni njinda; O Ngana u vutula phonzo ku oso a mu kuatela luma; o jinguma jê u a bhakela njinda ka a kuatela henda.

Dialuilu 14:18

Jihova u kokoloka ku njinda, u vudila henda, u loloka ikuma ni itondalu; ka ẋikina-phe kueha muedi, ikuma ia jitata i bhiẋika kuxixima ku ana ni alaula, katé ku muiji ua katatu ni ua kauana.

Dialuilu 14:33

O anʼenu a kala abidi, a nhungana mu kikangalakatʼumu makuinhi auana a muvu, ambata kuxixima kua undumbu uenu, katé ki mua kà jila, imbi ienu ni i xalela mu kikangalakatʼumu.

Dialuilu 25:11

Finehase, monʼa Eleazale, monʼa nganga Alá, muene uebhesa njinda iami iandekela kukuata Izalaiele, kuma kituxi muʼaxaxi kenu kia mu iibhila kala eme ki kia ngi iibhila, kiene kia ngi fudisa kubuikisa anʼa Izalaiele, kuma kia ngi iibhila kiavulu kia bhange.

Matesu 4:9

Anga u mu ambela, uixi: Ima ioso iii, ngi ku bhane-iu, se u ngi fukamena eme, ni ku ngi bheza.

Nzuá 15:18

Jezú anga ua tangela dingi uixi: O mundu se ua mi zembe, ijiienu-kiu kuma ua diangele ku ngi zemba eme.

Nzuá 7:7

Mundu ki u tena ku mi zemba enu, maji ua ngi zembe eme, mukonda ngi mbangi, ngixi ikalakalu iâ iaiibha.

Nzuá 9:2

Jixibulu jê anga a mu ibhudisa, exi: Mesene, phala-hi muthu iú a mu vuala kifofo? Nanhi uate kituxi? Muène ua te kituxi, inga o jitata jê a te kituxi?

Loma 1:30

Akua kabodio, aku kutatela. A di zemba ni Nzambi, a bhuma, a kala ni ukumbu ni izala. A funha jindunge javulu ja kubhanga kiaiibha. A xibhaka adiʼâ,

Loma 8:7

Uila kiki, o muthu u di zemba ni Nzambi, kioso o kilunji kiê kia kala mù ki tumina kuala o kikexilu kia xitu. Mukonda ka xikina kubelesela Kitumu kia Nzambi, ni kidi muène, ka tena ku ki belesela.

I Kolindo 10:22

Inga tua mesena kuila Ngana tu mu bhekela difuba? Enu mua xinganeka kuila etu kifua tua mu tundu mu kusuina?

Matendelelu 32:21

A ngi ta ku difuba ni kima kia makutu, kala Nzambi ue; ima ia kingoho iene ia ngi lokalala-na-iu; Eme-phe ue nga-nda ku a ta ku dixinga ni athu kʼa kidi ngó; muiji ua juuala uene u nga-nda kua ẋokuesa-na-u.

Matendelelu 32:41

Se ngedi ngi zuika o mukuale uami, uedi léko, ni ngi te lukuaku luami mu kubatula o milonga, ngi tata phonzo ku thandu dia jinguma jami, oso a ngi zemba ngʼa bhana o futu iâ.

Matendelelu 4:24

Mbata Jihova Nzambi ié-ze ua di bhanga túbhia tua muzukuta, uene Nzambi ia difuba.

Matendelelu 5:10

maji ngi kuatela henda katé ku jimidi ja muiji ua iá a ngi zola, aiuka o ijiia iami.

Matendelelu 5:9

Kana ku i fukamena, kana ku i bheza; kuma eme Jihova, Nzambi ié, ngene ngi Nzambi ia difuba, ana ngʼa bhesa kaxtiku mu ituxi ia jitata jâ, katé ku mululu ni ku mulaúla ua iá a ngi zemba,

Matendelelu 6:15

Mbata o Jihova Nzambi ienu, Ió ua tungu mu kaẋi kenu, uene Nzambi ia difuba, muendamê ni muanu, phala o njinda ié ki i mi uamene ku thandu, anga i mi jikinisa, mʼoxiʼomo hé mubhua-mu.

Matendelelu 7:10

Muene ue mukua kubhana futu pholo ni pholo kua ió oso a mu zemba, anga u a bhangesa kujimuka muene nzaká! Ió uoso uzemba Nzambi, muene ue ulenguluka ku mu bhana futu iê; ka muehela, kana.

Tiiaku 4:4

Mu akua jiphànda! Kifua ki mua kʼijiia kuma o ukamba ua mundu unguma kua Nzambi? Uila kiki, uoso ua mesena kukala kamba dia mundu, ua di bhange nguma ia Nzambi.

Josuué 23:16

Kioso ki mu matuka o kikutu kia Jihova Nzambi ienu, kia mi tendelela, anga muia, mu kuata kubheza nzambi jengi, ni ku ji fukamena, kiene kia kà mi uamena o njinda ia Jihova ku thandu dienu, anga mu tukumuka mua jimi o mbutu, o ixi ia uabha ia mi bhele mua i xi.

Josuué 23:7

mbé ki mu kuate ku di fungisa ni ifuẋi iii ia mi xikamena hanji. Kana kuila jinga o majina a mahamba mâ enu mu a tumbula, mba muenda ni kulokela mu mahamba enhá. Ene kana, kana ku a bhikila, kana ku a fukamena ni ku a bheza.

Josuué 24:19

Josuué-phe uambela o kifuẋi, uixi: Kana, ki mua-nda kutena kubhikila Jihova, mbata muene Nzambi ia kuzela ni kuiuka, Nzambi ia difuba, muene ikuma ienu ka kà i loloka, ka kà loloka ituxi ienu.

Afundixi 2:19

Anga aia ni kuila ku izúua-phe, kuila mufundixi uafu, a vutuka dingi kudima, a vula dingi kubhanga ufusa, jitata jâ ndenge, mu kukaiela jinzambi jengi ni ku ji bhikila ni ku ji fukamena; ka xikina kubatuka ku imbamba iâ iene kubhanga, ni ku uendelu uâ ua kuxibhaka.