Makatukilu 20:25 - O Mikanda Ikola

²⁵ Se uambe ku ngi tungila kalatódio ka matadi, a kale matadi a ngoho; kuma se ua a bhitisa felu, ua ngi fukuila na-ku.

Makatukilu 20:25 ပူးပေါင်းရင်းမြစ်များ

I Jisobha 6:7

O mu kutunga o tembulu, matadi a dianga jinga ku a iudikila kiambote kua tundu, o kioso kieza na-u kiene ue kia a te ku inzo ia Jihova; kala kiki, kioso kia kexi mu kutunga kʼevua jingaku kuṗhoṗha kua malutelu mba kukoka kua dikuua mba kubeta dingi ni felu ioso-ioso.

Makatukilu 20:24

U ngi tungila kalatódio ka mavu, anga u ngi satela ku thandu diê; o sata jê ja kuoha, ni sata ja paze, ni ja jimbudi jé, ni ja jingombe. Bhuoso bhu kididi bhu ngi bhangesa dijina diami kufumanena-bhu, ngi ku sanga bhenhobho, anga ngi ku bhana kuzediua.

Makatukilu 24:4

Mozé anga u soneka maka moso ma Jihova, anga u di meneka mu kimene, u tunga kalatódio mu betekete ia mulundu, u imika kuinhi dia philadi ni kiiadi, ua fikisa mu kuinhi dia muiji ni Kiiadi ia Izalaiele.

Izekiiele 40:42

O meza a uana phala o sata ia kuoha, a kexile a matadi a kuseta; o kulebha kuê kua kóvadu imoxi ni kaxaxe; o ku thandu diê kuene kua tula jinga o iselengenhe ia kubatula-na-iu o xingu ia ibhaku ia sata ia kuoha ni sata ia ujitu kua Nzambi.

Josuué 8:31

kala Mozé mukalakadi ua Jihova, kia tumu anʼa Izalaiele, kala kia ki soneka ue mu divulu dia ngonge ia Mozé, kuila, kalatódio ka kala ka matadi, a bundungulu, kana muthu luua ua bhitisa-ku felu ioso-ioso; anga a satela-ku kua Jihova, ni jisata ja kuoha, ni jisata ja uembu.