Makatukilu 20:24 - O Mikanda Ikola

²⁴ U ngi tungila kalatódio ka mavu, anga u ngi satela ku thandu diê; o sata jê ja kuoha, ni sata ja paze, ni ja jimbudi jé, ni ja jingombe. Bhuoso bhu kididi bhu ngi bhangesa dijina diami kufumanena-bhu, ngi ku sanga bhenhobho, anga ngi ku bhana kuzediua.

Makatukilu 20:24 ပူးပေါင်းရင်းမြစ်များ

Dimatekenu 12:2

eme-phe nga-nda ku ku sokolola, nʼukala u muiji ua dikota; ngi ku zediuisa, ngi jingisa o dijina dié; eie ua kala u dibesá.

II Samuuele 6:12

Anga a ki kunda muenexi Davidi, exi: Jihova-ze ua zediuisa dibhata dia Obede-Edomo, ni ioso ia mu tokala, mukonda dia álaka ia Nzambi. Davidi anga uia hé u takana álaka ia Nzambi mʼonzo ia Obede-Edomo, u i bheka mu mbânza ia Davidi ni kusanguluka.

I Jisobha 8:29

Phala o mesu mé Ngana, a tone jinge muene ku inzo iii usuku ni muanha, ajikukile ku kididi kiki, ki ua tangele, uixi: Dijina diami muene mu dia kà kala jinga; phala kuívua jinga o musambu u ku sambela mubhikʼé mu kididi kiki.

I Jisobha 8:43

eie-phe ívua ku maúluʼoko, ku ua tunga, anga u bhanga ioso ia ku bhingi o ngenji, sembele madiembu oso mu ngongo ejiie o dijina dié, nda a ku kuatele uoma kala o kifuxi kié kia Izalaiele, anga ejiia kuila o dijina dié ene ku di tumbuila ku inzo iii i nga tungu.

I Jisobha 9:3

Anga Ngana u mu ambela, uixi: Musambu ué nga uivu, ni kioso ki ua dionda bhu pholo iami; nga kolêsa o inzo i ua tungu, kutula dijina diami katé ni ku hádia; kala kiki o mesu mami ni muẋima uami, kuene ku ua-ndu kala jinga izuua ioso.

II Jisobha 5:17

Naamane he u zuela, uixi: Kuabhu phe! Kikale kala ki ua ki mesena eie. Sumbala kiene, maji-phe o mubhikʼé muenʼiú a mu bhane kiá ngoho dibhûbhu dia mavu a tena kimbamba kia mula jiiadi; mukonda o mubhikʼé iú ki mungu dingi a bhakuila sata ia kubhakula ni túbhia mba sata ioso-ioso ku jinzambi jengi, ki kale ngó kua Jihova.

II Malunda 12:13

Mu Jeluzaleme-phe, sobha Lebouamu u di xitila ni ima ia nguzu anga u kuata kutumina. Kieneʼokio Lebouamu ua kexi mu makuinhi a uana a mivu ni umoxi kioso kiandeka kutumina; anga u tumina kuinhi dia mivu ni sambuadi mu Jeluzaleme, mbonge ia solo Jihova mu miji ioso ia Izalaiele phala o ku ta dijina diê momo; o manhʼâ sobha dijina diê Nahama, mukua Amone.

II Malunda 6:6

Maji Jeluzaleme muene nga mu solo, mbé o dijina diami di kale mueneʼomo; eme nga solo ue Davidi, phale a kale mu kutumina o kifuẋi kiami kia Izalaiele.

II Malunda 7:16

mukonda o kiki nga solo inzu iii, eme nga i kôlesa, mbé o dijina diami di kale jinge mueneʼomo ku mivu sè dizubhilu; kienʼiki o muẋima uami ni mesu mami andu tala jinga kʼonzo kueneʼoko izuua ioso.

Ejidala 6:12

O Nzambi-phe, ió ua bhangesa dijina diê di tunge bhenhobho, a buikise jisobha joso ni ifuẋi ioso i zenga lukuaku luâ phala kulungulula o ngonge iii ni kusengulula o inzu iii ia Nzambi, iala mu Jeluzaleme. Eme, Ndala, nga bhana ngonge iii; kioso ki iambe, a ki bhange lusolo. Mahezu.

Nehemiia 1:9

Maji se enu mua kà diela anga mua kà biluka ko kuami, anga mu bhaka o ijila iami, ni ku i bhanga, eme bhenhobho, né hanji jihutile jenu ja kà kala kua suku o diulu, kueneʼoko nga kà a bhongolola anga ngiza-nâ bhu kididi ki nga solo phala kubhanga-bhu nangu dia dijina diami.

Jisálamu 101:2

Ngi sota kuenda jinga ni kilunji mu njila iaiuka; nga ku indi kiavulu, u ngi sanga kumbi kuẋi bhu ngala? Ngenda jinga monzo iami ni muẋima ua ujitu.

Jisálamu 122:2

Kumbi dia kuzediua kia tula o inama ietu mu nzunga ié, u Jeluzaleme!

Jisálamu 128:5

Jihova ku mbanza iê ia Ziione, a tume ku ku zediuisa; eie u mone o kubhanduluka kua Jeluzaleme, izuua ioso ia muenhu ué.

Jisálamu 134:3

A mi bhane dibesá di tunda mu Ziione, o dibesá dia Jihova ua bhanga o diulu ni ixi.

Jisálamu 74:7

Tembulu ié a i te mu túbhia; a ku fukuila o dibhata di ua tele o dijina dié mu ngongo; o dibhezelu dié ia a di sengulula muene katé bhoxi.

Jisálamu 76:2

Mu Saleme muene mua te o balaka iê, o dibhata diê dia kala mu Ziione.

Jisálamu 78:68

U sola kiá o muiji ua Juda, ni mulundu ua Ziione ua zolo kiavulu.

Makatukilu 10:25

Mozé-phe, uixi: Ni eie muene ue u bhana bhu maku etu jisata ni maujitu ma kuoha, ioso i tua kà satela Jihova, Nzambi ietu.

Makatukilu 18:12

Jetulu, ukouʼa Mozé, anga u kuata kibhaku kia kuoha, ni jisata ja Nzambi; Alá anga uiza, ni adiakimi oso a Izalaiele, a dia fesa ni ukouʼa Mozé, bhu pholo ia Nzambi.

Makatukilu 20:25

Se uambe ku ngi tungila kalatódio ka matadi, a kale matadi a ngoho; kuma se ua a bhitisa felu, ua ngi fukuila na-ku.

Makatukilu 24:4

Mozé anga u soneka maka moso ma Jihova, anga u di meneka mu kimene, u tunga kalatódio mu betekete ia mulundu, u imika kuinhi dia philadi ni kiiadi, ua fikisa mu kuinhi dia muiji ni Kiiadi ia Izalaiele.

Makatukilu 24:5

Anga u tuma minzangala ku anʼa Izalaiele, kuia mu kubhakula jisata ja kuoha, a jibha jisata ja paze, ja jingombe ja satela Jihova.

Makatukilu 27:1

U iudika ue ni kalatódio ka muẋi ua xitimi, kulebha kuê kôvado jitanu, kuzanza kuê kôvado jitanu; mbandu jê jene kiuana kiâ ji sokela kumoxi; o kitala kiê kôvadu jitanu.

Izaía 64:5

Eie ua-ia jinga kutakana ni muthu u sangulukila kubhanga kioso kia iuka, ni ió oso a ku xinganeka jinga mu mauendelu mé; talesa-ze, kindala eie ua thathamana mukonda etu tua te ituxi; mu mauendelu mé tua lueza-mu kithangana kia dikota, tu tena-phe kubhuluka?

Ijila 17:9

se ka i bheka bhu muelu ua Balaka ia kutakanena, phala ku i bhakula kua Jihova, muthu ió a mu batule mu kifuẋi kiê.

Malakiia 1:11

Kuma tunde bhu tundila dikumbi katé bhu di fuila, o Dijina diami dia kà kala kima kionéne ku miji ioso. Mu ididi ioso Dijina diami a kà di ohela uasu ua dizumba ni ku di bhela jisata ni maujitu mazele kiambote. Mukonda Dijina diami dionéne mu miji ioso. Kiene kia tange Jihova dia Ifuẋi.

Matesu 18:20

Mbata bhuoso bhu bhongoloka kiiadi mba kitatu mu dijina diami, eme bhene bhu ngi kala muʼ axaxi-kâ.

Matesu 28:20

ni ku a longa kualuka ima ioso kiá i nga mi tumu eme. Talenu, eme-muene ngá kala ni enu izuua ioso, katé ku dizubhilu dia mundu.

Matendelelu 12:11

Kiene kiua Jihova Nzambi ienu kia kà sola kididi bhua kà tunga ue kiá o Dijina diê; o bhenhobho bhene bhu mua kà bheka jinga ioso-lolo i nga mi xindi: jisata jenu ja kuoha, mibhaku ienu ia kusatela, ni madijimu menu, ni ma-ujitu menu ma ku di fikixila bhu lukuaku luenu, ni ioso kiá i mu sola kubhakula ni hasa ioso i uate kua Jihova.

Matendelelu 12:21

O kididi kia tungula Jihova Nzambi ienu phala kuxikika-bhu o dijina diê, se kia ku kala bhua lebha, kiene kimoxi, jingombe ni jimbudi ja ku bhana Jihova Nzambi ienu muenda ni kúdia, kala ki nga mi ambela kiá; mu ji dila ku mabhata menu, kioso kia mi tumu o muẋima.

Matendelelu 12:5

Bhuoso kiá bhu kididi kia solo kuala Jihova Nzambi ienu muʼaxaxi ka miji ienu ioso, phala kuxikika-bhu o Dijina diê, bhene bhu muia jinga, kuma bhene bhu bhata diê.

Matendelelu 14:23

Anga mu i dila bhu kididi kioso Jihova Nzambi ié kia tungula ku kala diembu dia dijina diê, ni díjimu dia masa mé, ni dia maluvu mé, ni dia maji mé, ni dia jiphande-kumbi ja jingombe jé ni jimbudi jé; phala u di longe o kuxila jinga Jihova Nzambi ií izuua ioso.

Matendelelu 16:11

Kienhokio-phe anga utana ni kusanguluka bhu pholo ia Jihova Nzambi ié, eie, ni monʼé ua diiala, ni ua muhatu, ni selevende ié ia diiala, ni ia muhatu, ni levita uoso uatungu-nê mu mbonge ienu, ni nzuángiza, ni monʼa difundu, ni mutudi; oso kia u uatungu-nâ, bhu kididi kioso bhua solo Jihova Nzambi ié kukala dibhata dia Dijina diê.

Matendelelu 26:2

u katula ku jisamba-tènde ja ibundu ioso i ua-nda kumuna ku mavu aʼxi ioio ia-nda ku ku bhana Jihova Nzambi ié, anga u i longela mu kinda, uia-na-iu bhu kididi kia-nda kutungula Jihova Nzambi ié, bhua-nda kuxikika o dijina diê.

Matendelelu 7:13

Muene ua-nda ku ku zola, ua-nda ku ku zediuisa, anga u ku sokolola, katé ni mbutu i tunda mu divumu dié u i bhana ue kuzediua, katé ni mbutu mʼóbhia dié u i ta ue dibesá; ni masa mé ni muvide ni máji mé ni ibhaku ié ia jingombe, ni ilunga ié ia hombo ni mbudi i u kala na-iu mʼoxi ia lokela Jihova kubhana ku jitata jenu.

I Timote 2:8

Uila kiki, nga mesena kuila athu oso a di bhakula kua Ngana Nzambi, a sambe jinge ku ididi ioso, o mu kusamba a tena kuleka o maku mazele sè kizembu sè jimvunda.