Makatukilu 20:2 - O Mikanda Ikola

² Eme Jihova, Nzambi ié, nga ku katula mʼoxi ia Ijitu, mu dibhata dia ubhika.

Makatukilu 20:2 ပူးပေါင်းရင်းမြစ်များ

I Jisobha 18:39

Mundu uoso kia mono kiki, kifuẋi kioso a dibhala jipholo jâ bhoxi, exi: Jihova muene ngó Nzambi! Ngana muene ngó Nzambi!

II Jisobha 17:12

Iá a bhikila muene o iteka ioio, ia ambelele Jihova kuila: Enu kana kubhanga ima ioio.

II Jisobha 17:7

Kingumbʼiki kia ejiia, kuma anʼa Izalaiele a te kituxi kua Jihova, Nzambi iâ, ua a bhangesa kubanda nʼa tunde mu Ijitu, bhoxi dia lukuaku lua Falaó, sobha ia Ijitu, iá a xila jinzambi jengi.

II Malunda 28:5

Mukonda dia kienhiki, Jihova, Nzambi iê, ua mu bhakula ue bhu lukuaku lua sobha ia akua Sídia, ene anga a mu tolola ku ita, hé a muʼambata kifuẋi kionène kia jihutile anga eza na-kiu ku Damasku; a mu bhakula ue dingi bhu lukuaku lua sobha ia Izalaiele, muene anga u mu kuama ni ukuamenu ua dikota.

Jisálamu 50:7

Ivenu, enu mu mundu uami, ngi zuele; u Izalaiele, ngi ku bhela umbangi: eme-muène ngi Nzambi, Nzambi ié ua ku vu.

Jisálamu 81:10

Eme Jihova, ngi Nzambi ié, nga ku katula mʼoxi ia Ejito; jikula mu kanu dié kiambote, eme ngi ku izalese-mu.

Jisálamu 81:11

Maji o mundu uami-phe ka xikina ku ngʼivua dízui; Izalaiele ka ngʼindi! Nguê ku ngi tumaka!

Jisálamu 81:7

Ki ua dikola mu lamba, nga ku kudila; nga ku itaiela mu kididi kiòsueke mu tunda o inuminu ia jinzaji; nga ku lola o muẋima bhu menha ma Medibah. (Selah.)

Makatukilu 13:14

O ki kala anʼenu hádia a mʼibhula, exi: Kiki kima kiahi? mua kèla kuma: Nguzu ia lukuaku lua Jihova ia bhiti-bhu, mu ku tu katula mu Ijitu, mu dibhata dia ubhika.

Makatukilu 13:3

Mozé anga u ambela o mundu, uixi: Lembalalenu kizuuʼiki kia lelu, kizuua ki mua tundu mu Ijitu, mu dibhata dia ubhika; kuma Jihova ua mi katula-mu ni nguzu ia lukuaku luê; kana kúdia jimbolo ja felemendo, kizuua kienhiki.

Makatukilu 15:13

Mu kiadi kié uendesa o mundu iú, u ua kula eie-muene (ua di bhange u kilamba kiâ); mu nguzu ié ua ambata Katé bhu kibúta kié kikôla kia kuzela ni kuiuka.

Makatukilu 15:16

Kua a tulukila kekenha ni kikote; o nguzu ia lukuaku lué ia a bhuuika, a xikama ni ene hudií kala ditadi; katé kia zaúka o mundu ué, u Jihova, katé kia zaúka, o mundu ué u ua sumba.

Makatukilu 15:26

Hé u a ambela, uixi: Se u ívua kiambote o dízui dia Jihova, Nzambi ié, hé u bhanga kioso kia mu iukila ku mesu mê, ni u bhana o dítui ku itumu ié, hé u aiuka o ijiia iê iene ioso, ki ngi te dingi mahaxi ku thandu dié, né uhaxi umoxi ku mahaxi oso u nga te ku thandu dia akua Ijitu; kuma eme ngi Jihova, eme-muene ngi ku saka.

Makatukilu 20:1

Nzambi anga u zuela maka mosoʼama, uixi:

Makatukilu 29:46

Ene hé a kèjiia kuma eme Jihova ngi Nzambi iâ, nga a katula mʼoxi ia Ijitu phala ni ngi tunge mu kaẋi kâ; emʼeme ngi Jihova Nzambi iâ.

Makatukilu 6:6

Kala kiki, ambela anʼa Izalaiele, kuma: Eme Jihova, mu imbamba ia mi xina akua Ijitu nga-nda ku mi katula-mu, ngi mi jituna mu ubhika uâ, ngi mi kula ni lukuaku lua sununuka, hé ngi londekeza ubatuilu ua kidi ni isunji ia makota;

Izaía 43:3

Mbata eme-muene Jihova Nzambi ié, Dilemba Dikola dia Izalaiele, Mubhuludi uê; nga bhana Ijitu mu ku kukula, ni Itiiópia ni Seba, bhu kididi kiê.

Jelemiia 16:14

Uila kiki, Jihova uambe, talesa, kua-nda kuiza izuua, o kiki kà ki tanga dingi, kia kuila: Jihova u kola; Ua bandesa ana a Izalaiele koxi ia Ijitu.

Jelemiia 2:6

Alembua kuila: Jihova uala kuebhi, ua tu tundisa kʼoxi ia Ijitu? Iú ua tuʼendesa mu ixi ia kisekele, ixi ia manhana ni makungu, mu ixi ia kukuta ia kitombe kia kalunga, oxi kana muthu ua kexi kubhita-mu, mua bhingi monʼa muthu ka tena kutunga-mu?

Jelemiia 31:1

Jihova uixi: Mu izuuʼomo nganda ku kala eme ngi Nzambi ia miji ioso ia Izalaiele, ene a kà kala kifuxi kiami.

Jelemiia 31:33

Maji o kiki kiene o kikutu ki nga-nda kuta ni bhata dia Izalaiele, kia-nda kúbhua o izuuʼoio, Jihova ua ki tange: Nga kà ta o kitumu kiami mu thulu iâ, nga kà ki soneka muene ku muẋima uâ; eme nga kà kala ngi Nzambi iâ ene a kà kala mundu uami.

Jelemiia 34:13

Jihova, Nzambi ia Izalaiele, uambe kiki: Eme nga ta kikutu ni jitata jenu, mu kizuua ki nga a katula mu ixi ia Ijitu, mʼonzo ia ubhika, ngixi:

Izekiiele 20:19

Kuma eme ngi Jihova Nzambi ienu; endelenu mu jingonge jami, muende ni kualuka o mabatuiluʼami, muie ni ku a bhanga.

Izekiiele 20:5

ua ambela kuma: O Jihova Nzambi uambe kiki: Mu kizuua ki nga solele Izalaiele, nga zanguile o lukuaku luami ku luvualu lua Jakobo, eme nga di-tukuluila kua ene mu ixi ia Ijitu, hé ngi leka o lukuaku luami kua ene, ngixi: Eme Jihova Nzambi ienu.

Izekiiele 20:7

Kienhokio-phe eme nga ambelele, ngixi: Muthu ni muthu a texi o maufusa ê oso a mu uabhela ku mesu-mê; ki mu di kasanese ni iteka ia Ijitu; Emiʼeme ngi Jihova Nzambi ienu.

Hozeia 12:10

Hé o jipolofeta nga kà a tela maka, ngi vudisa o ijimbuete ni isuma; o ku ukunji ua jipolofeta kuene ku nga kà tela ifika.

Hozeia 13:4

Sumbala kiene, hanji tunde koxi ia Ijito, eme Jihova Nzambi ié; kala kiki, kana ku di tambulula dingi ni nzambi iengi nʼu ngi xi eme, mbata ki kuene dingi Mubhuludi uengi, kale eme-muène ngó.

Ijila 11:45

Mukonda Eme-eme Jihova, ngala ku mi batesa mu kutunda kʼoxi ia Ijitu, phala ngi kale ngi Nzambi ienu; kala kiki enu mu di zelesa, mbata Eme nga zela.

Ijila 19:36

Jipezu ji ku uabhe, matadi ma kupezalela ma ku uabhe, efa i ku uabhe, o hine ue i ku uabhe; Kuma Eme-muène Ngi Jihova Nzambi ienu, nga mi katula kʼoxi ia Ijito.

Ijila 23:43

phala miiji ienu ioso ʼende ni ku kʼijiia kiambote kuamba, kioso ki nga katula anʼa Izalaiele ku Ijitu, nga a bhangesele kunakina mu jifundu; Eme-muène Jihova Nzambi ienu.

Ijila 25:38

Eme-muene Jihova Nzambi ienu, nga mi tundisa kʼoxi ia Ijitu, mbé o ku mi bhana oxi ia Kanana, nda ngi kale ngi Nzambi ienu.

Ijila 25:42

Mukonda ene ala abhikʼami-Eme, kuma nga a jituna kʼoxi ia Ijitu; ki kiẋikina-phe ku a sumbisa kala kia sumbisa abhika a kabhikolo.

Ijila 25:55

Mbata anʼa Izalaiele a ngi kala ene abhikʼami-Eme; ene ala abhika ami muene, kuma nga a jituna kʼoxi ia Ijito; Eme-muène ngi Jihova Nzambi ienu.

Ijila 26:1

Kana, ki mu di iudikile mahamba, ki mu dʼimikine iteka ia kusonga mba jipholela, o mʼoxi ienu ue ki mu xikike-mu fikula ia ditadi, phala kuenda ni ku i fukamena; mbata Eme-eme ngi Jihova Nzambi ienu.

Ijila 26:13

Eme-muene-ze ngi Jihova Nzambi ienu, nga mi katula kʼoxi ia akua-Ijitu, phala ki mu kale mu abhika a-ene; o ʼphapha ja ophi ia kexile bhu xingu ienu nga ji bukujula, eme nga mi bhetula phala mu ende kiambote o nzánza.

Amoji 2:10

Moxi ia Ijitu ue Eme-muène nga mi katula-mu; makuinhi a uana a mivu u nga mi endesa mu kikangalakata, phala o ixi ia mamodi ni ngi mi bhane-iu i mi kale ixi ienu.

Loma 10:12

O kia tangʼ iki, phala ene-oso, mukonda kana-ku katungu mu Judé, ni ió ki Judé. Nzambi muene kuma Ngana imoxi, Ngana ia ene-oso; muène mubhani a nzungule kua ió oso a di kola kua muène.

Loma 3:29

Kifua o Nzambi ua tokala ngó ni Jijudé kuabhu? Nzambi ka tokala ue ni akua jixi jengi? Kiene muene! Nzambi ia akua jixi jengi ue.

Matendelelu 13:10

Anga mu mu bûba ni matadi katé kiafua, kuma-phe ua sotele ku ku ẋanjula kua Jihova Nzambi ié, Ió ua ku katula kʼoxi ia Ijito, mu dibhata dia ubhika.

Matendelelu 15:15

Uxinganeka jinga, ulembalale kuma eie ue ua kexi u mubhika mʼoxi ia Ijito, maji Jihova Nzambi ié muene ua ku kula. Eie ue nga ku tumu kubhanga jinga kienhiki.

Matendelelu 20:1

Kioso ki u tunda mu kuia kúlua ita ni jinguma jé, anga u mona jikabalu, ni makalu, ni makuenze mabeta kuvula eie ndenge, kana ku a kuatela uoma; mbata o Jihova Nzambi ié, uoso ua ku katula kʼoxi ia Ijito, ua ku bande.

Matendelelu 5:15

Kuma-phe eie-muène ue ki ki ku jimbi dingi kuila ua kexe u mubhika mʼoxi ia Ijito, eué Jihova Nzambi ié ua sunununa o lukuaku luê lua undanda, iú ua ku katula-mu ni ʼkuaku luê lua suina. Mukonda dia kiki-phe, Jihova Nzambi ié iu ua ku tendelela uixi, u aiuka jinga o kizuua kia sabhalu kia dinhohenu.

Matendelelu 5:6

Eme Jihova Nzambi ié, nga ku katula mʼoxi ia Ijito, mu dibhata dia ubhika:

Matendelelu 7:8

Jihova muene-ku ua mi te muxima kuma ua mi zola, mu ku kumbidila o muloko uê ua lokela jitata jenu; Jihova iu ua mi katula ni lukuaku luê lua suina, iu ua mi kula ku dibhata dia ubhika ku mua kexile, bhu lukuaku lua Falaó, sobha ia Ijito.

Afundixi 2:1

Mukunji ua Jihova anga u tunda bhu Jidingale u banda ku Betele. Uixi: Eme nga mi katula mu Ijitu, nga mi bheka mʼoxi i nga lokela ku jitata jenu, ngixi; Kikutu kiami kioso, ki nga te ni enu, ki ngi ki tondala kana, kate ku miji ni miji.

Afundixi 6:10

Eme nga mi ambela ngixi: Eme Jihova, Nzambi ienu; enu ki mu kale ni uoma ua jinzambi ja akua Mamodi a vuile oxi iâ, lelu i mua tungu enu. Enu-phe, ki mua ngʼivu dízui diami.