Makatukilu 20:18 - O Mikanda Ikola

¹⁸ Mundu uoso anga evua inuminu, a mono nzaji kutelaka, ni dízui a dʼivu dia koloneta, ni mulundu a u mono uala kuxongota dixi; mundu-phe kia mono ima iii a teketa, anga a bholoka, emanena ngó mu kanga.

Makatukilu 20:18 ပူးပေါင်းရင်းမြစ်များ

Dimatekenu 15:17

Anga ki bhita-phe kuila, o kia zubha kutula o dikumbi, kuma anga ku vunda kiá muene, u mona dijiku diala mu fuafua dixi, ni sama ia uama túbhia, ia bhiti mu kaẋi ka isasu ienhoio.

Dimatekenu 3:10

Muene uetaia, uixi: Ngevu dízui dié mu díbhia, uoma iú ua ngi kuata, kuma ngala tuẋi; eme nga suama.

Jisálamu 81:7

Ki ua dikola mu lamba, nga ku kudila; nga ku itaiela mu kididi kiòsueke mu tunda o inuminu ia jinzaji; nga ku lola o muẋima bhu menha ma Medibah. (Selah.)

Jelemiia 23:23

Jihova ua kiʼambe, uixi: Manhi ngi Nzambi ngó bhua butu, ki ngi Nzambi ue ia dikanga?

Matendelelu 18:16

Kuma kiene-ze ki uabhingile kua Jihova Nzambi ié, bhu mulundu ua Holebe, bhu kizuua kia kuongama, uixi: Ki nga mesena kuivua dingi o dízui dia Jihova Nzambi iami, né-mbe ku di muena dingi o túbhia tuê tu kala kiki, kuma ngavula kúfua.

Matendelelu 4:36

Muene-phe ku diulu kuene, kuene kuandekela ku ku ivisa o dízui diê, mbé o ku ku longa; o mu ngongo ua ku londekeza o túbhia tuê tua unéne, eie uevu o maka mê kioso muene kia zuelela mu kaẋi ka túbhia.

Matendelelu 5:23

Bhenhobho-phe o ki muevu dízui diala kuijiia mu kitombe, o ki mua te-ku o ku kengelela o mulundu ua bambuka túbhia, mua ngʼendela, ni makota moso ma ibuka ienu ni adiakimi, o ikuinda.

Matendelelu 5:25

Maji o kiki-phe tua-nda kufuila-hi dingi ngoho? Mukonda o kitúbhia kiki, ngana, kia soko-bho ku tu jidisa; o ki tuila tuixi tuívue dingi o dízui dia Jihova Nzambi ietu, tua-nda kúfua muene.

Matendelelu 5:27

Inda bhiẋila kiá eie, uívue ima ioso i zuela Jihova Nzambi ietu; eie phala u tu tudile etu ioso kiá i zuela Jihova Nzambi ietu, etu ue o bhobho tu ku ívua muene, anga o kioso kia tange tu ki bhange.

Matendelelu 5:5

Thembu ienhoio eme ngemanene bhuʼaxaxi kenu o kuku Jihova, o koko enu, mbé o kuenda ni ku mi tudila izuelu ia Jihova; mukonda túbhia tua mi kuatele uoma, enu mua lembuele kubanda ku mulundu; o muene-phe, uexi: