Makatukilu 20:17 - O Mikanda Ikola

¹⁷ Kana kukala ni luimbi lua inzo ia mukuenu, kana kukala ni luimbi lua muhatu a mukuenu, né mukalakadi uê ua diiala mba ua muhatu, né ngombe iê mba bulu iê, né kima kioso-kioso kiangene kia mukuenu.

Makatukilu 20:17 ပူးပေါင်းရင်းမြစ်များ

Dimatekenu 14:23

kuma ko kué ki ngi tambula-ku kima né ngó ludinha mba lungoji lua kukutila hai, phala hádia kua kèle kuma: Mbalamu eme muene nga mu muesa o jimbongo.

Dimatekenu 3:6

O muhatu-phe kia mono kuma muẋi ua mbote phala kudia, ua uabha ue ku mesu, u bhekela vondadi mukonda dia kuijidisa, u kanza-ku kimbundu anga u dia, u bhana ue muadi ue, muene ue anga u dia.

Dimatekenu 34:23

Manhi o jingombe jâ joso, ni jimbongo, ni ibhaku iâ ioso, ki ia-nda ku kala ietu? Tu a ẋikinienu, phala tu tunge-nâ kumoxi.

Jobe 31:1

Nga te kikutu ni mesu mami; ngi ma talesa-phe kiebhi ku monʼa kilumba kia muzeletete?

Jobe 31:9

Se o muẋima uami ua diʼehelela kudiangukila muhatu, mba se ngaii ni kuzongojola bhu dibhitu dia mukuetu.

Jisálamu 10:3

Kuma kisuéia u ta nzabala ia kimbamba kia mu kala mu luimbi luê; mukua kúdia mangonha u tènda Jihova, u mu tobhesa ni malebhu.

Jisálamu 119:36

Muẋima uami u zuame ku umbangi ué, ki u zuame ku ima ia luimbi.

Jisabhu 4:23

Ku ioso ia fuama ku langa, langa o muẋima ué, kuma mu muẋima muene muala o dimatekenu dia matundilu moso ma muenhu.

Jisabhu 6:29

Kiene-phe kibhita ni uoso u di-bonga ni mukaji a mukuá; kà kamba kikuma, uoso ngó u mu tuta lukuaku.

Ndongixi 4:8

Kuala muthu uala ngó ubhekèlele uê, kala dingi ni mukuá iadi, kidi muene, ka moneka mona mba ngó phange ia muhatu; maji muenhú, kia kuata o kukalakala, ka zumbuka, mba mesuʼê a mu suka mu kutala o jimbongo; mba ngó uila, uixi: Ki ngalʼiki, nga mu kalakalela nanhi, eme nga fulu o kubhana muenhu uami o jimbote joso ja u tokala? Kuma kienhiki ue kingoho ni nduezu mu kukalakala.

Izaía 33:15

Kikale uoso uenda ni kuiuka, ni ió u zuela ima iafuama o kidi; uoso u texi dikanga o nganhu ijila mu ku bhûnda, uoso ka xikina kitadi kioso-kioso kia diminhinu bhu maku mê; uoso u xita o mátui mê phala kʼevue maka ma kubhubhisa manhinga, anga u jika o mesu mê phala ka mone ima ia-ibha,

Izaía 57:17

Njinda ia ngi kuatele mukonda dia usuéia ua unjenje uâ anga ngʼa beta; kuma kia ngi kuata o kutema, pholo nga i sueka; maji ene, hanji-phe, mu kubhukumuka kuâ, akaiela njila ia muẋima uâ.

Jelemiia 22:17

Maji o mesu mé-eie-phe ni muẋima ué, ua lungu ngó ku unjenje ué, ni ku manhinga ma muthu ua bene, phala ku ma bhubhisa, ni mu kubhondeleka, ni mu ku suina phala ku di bhanga.

Jelemiia 5:8

Edi kala jikabalu jadi jekuta, jifundumuka mu kimene anga ji kuata kuzulumina iú ku mukajiʼa mukuá, iú ku mukajiʼa mukuá.

Izekiiele 33:31

Ene anga eza kokué, kala o mundu ki uejidila kiá o kuiza, hé a xikama bhu pholo ié-eie, kala mundu uami, anga evua muene o maka oso u uà tela, maji ka xikina kuia ni ku a bhanga; mukonda a bhomba ni dikanu diâ, maji o muẋima uâ uala ku kaiela o unjenje uâ.

Mikeia 2:2

Mikáu iangene ia a kuata luimbi, a i bhûnda muene ku jingana jê, ni jinzu anga a ji tambula muene phala ene; anga ela o diiala a mu bhanga kusuína ku inzu ié ia muambeʼa kidi, o muthu a mu bhanga usuéia ku undundu uê.

Habakuke 2:9

Lamba dia muthu uoso u izalesa mʼonzo iê ni jimbote ja tundu mu nganhu ia kubhanga kiaiibha, phala nʼa tena kuta o kikalanga kiê bhua di leka kinéne, phala ngó nʼa tena ku di sukununa bhu lukuaku lua kubhindama ki mu tundila o hadi iene ku mundu!

Matesu 20:15

Kífua o kiami eme-muène, ki ngi bhangeʼami na-kiu kioso ki nga mesena? Eie o diesu diê di kala ni dixinga, mukonda diami eme nga bhange o mbote?

Matesu 5:28

Eme-phe ngi mi ambela kuma: Uoso ngó u tonginina muhatu ni ku mu kuatela luimbi, uatenê kiá phànda ku muẋima uê.

Luka 12:15

Uambela enhoso, uixi: Ividilenu kiambote! Alukenu, mu di lange ku luímbi, mukonda o muenhu ua muthu ki u tundu mu umvuama uê ua kuvula o jimbongo.

Luka 16:14

Jifalizeu kuma ja zola kiavulu o kitadi, a muivu kuta makʼama, anga a kala ku mu olela.

Jipoxolo 20:33

Kana muthu nga mu kuatela luimbi lua phalata iê, mba ulu, mba izuatu.

Jipoxolo 5:4

O ki ia kexile, ki oxi ié eʼmuène? O ki ua i sumbisa, kitadi ki kia kexile kié eie-muène hanji? Kimʼ iki-phe kia kuiza kiebhi ku muẋima? Eie o makutuʼ ama, ku ma tela athu, kana! Ua ma tela Nzambi!

Loma 13:9

Kuma o ijila ki iedi: Kana kuta phanda, Kana kujibha, Kana kunhana, Kana kukala ni luimbi, mba ioso dingi ijila ia dite-ku, ia di bundu mu kizuelu kimoxʼ iki: Mukuenu u mu zola kala ki ua di zola eie-muène.

Loma 7:7

Kiki-phe, tuila kiebhi? Tuila kuma o Kitumu ituxi? Ki ki xikina! Maji-phe ki ngeji kuijiia ituxi, se Kitumu kia kambele-ku. Kuma luimbi ki ngeji ku lu ijiia, se o Kitumu kia kambele kuila: Kana ku kala ni luimbi.

I Kolindo 6:10

Ni mii, ni akua luimbi, ni jihôlua, ni axingi a jindaka, ni ingulungumba, ene oso kà tena kubhingana mu Utuminu ua Nzambi.

Efezo 5:3

O undumbu-phe, ni ufusa uoso, ni hanji jaiibha, ka jʼ ivue né ku ji ta ngó maka mu ʼaxaxe kenu, kala kia fuama akua Ngana.

Efezo 5:5

Ijiienu-kiu mu kidi, kuma muthu uala ndumbu, kifusa, mukua luimbi, kuma luimbi lua tokala ni ubhezelu ua iteka, kala ni undundu ua kima mu Utuminu ua Kristu ni Nzambi.

Matendelelu 5:21

Kana kukala ni luimbi lua muhatu a mukuenu; kana kukala ni luimbi lua inzo ia mukuenu, mba mukáu uê, mba selevende iê ia diiala mba ia muhatu, mba ngombe iê mba kabulu kê, mba kima kioso-kioso kia mukuenu.

Matendelelu 7:25

Iteka iâ ia kusonga, ia jinzambi jâ mu i ta mu túbhia; ni phalata ni ulu uoso ua zunzila ku iteka ioio ki i mi kuate luimbi, ki mu i katule ni i mi bhekele kidibukanu ki mi jikinisa; mukonda ima ienhoio kua Jihova Nzambi ienu ufusa!

Filipe 3:19

O dizubhilu diâ kutexika mu infernu; nzambi iâ o imbamba ioso inda o mukutu uâ. Thathe iâ, o imbamba i kuatesa jisonhi; a xinganeka ngó ima ia bhoxi.

Kolose 3:5

Uila kiki, o jihânji jenu ja mu ngongo jala kukalakala moxi dienu, jibhenu-ju: ni undumbu, ni ufusa, ni hânji jaiibha, ni vondadi jabolo, ni luimbi, ku ma o luimbi lua soko ni kukaiela iteka.

Jihebeleu 13:5

Ki mu kale mu akua luimbi lua kitadi, ioso i mua mono i mi soke. Kuma Nzambi u ambe uixi: Eme nuka nga kà mi xisa, ki nga kà mi ehelela ue, kana.

Josuué 7:21

kioso ki nga mono ku madibongela kapote ka Babilónha ka uabha kiavulu, ni hama jiiadi ja xikuli ja phalata, ni mutàdi ua ulu u pezala makuinhi atanu a xikulu, luimbi lua ngi kuata, eme nga i katula iene ioso nga i kandeia bhoxi, eme nga i sueka mu balaka iami, ni kitadi kiene-ze kí bhobho.

I Samuuele 12:3

Emʼiú: anuenu bhanenu umbangi bhu plo ia Jihova, ni bhu pholo ue ia muthu uê ua mu undu ni maji. Eme nanhi nga mu tambula ngombe iê? Nanhi nga mu tambula bûlu iê? Nanhi nga mu di mangonha? Nanhi nga mu zukutisa? O ku milonga nanhi nga mu tambula kitadi bhu maku mê, phala ku ngi xitisa na-kiu mu mesu? Ambenukiu, phala imʼii ngi mi fute-iu.

I Samuuele 15:19

Kima kiahi-phe kia ku kambesa kutumaka o dízui dia Jihova, ki bhinga u suína ni kubhûnda imbamba, anga u bhanga kima kiaiibha ku mesu ma Jihova?