Makatukilu 20:13 - O Mikanda Ikola

¹³ Kana kujibha mukuenu.

Makatukilu 20:13 ပူးပေါင်းရင်းမြစ်များ

II Jisobha 21:16

O kia di-te-ku dingi o Manasa ue ua zunza manhinga a vulu a athu a bene katé Jeluzaleme kia mu izalesa ngó ni manhinga tundé kua tundu katé kua suku; katu-ku hanji o kituxi kiê kia bhangesa na-kiu Juda o ku-ta kituxi ni kubhanga ima ki ia fuama bhu mesu ma Jihova.

II Malunda 24:22

Mu kubhanga kiki, sobha Jouaji ka lembalala dingi o mbote ia mu bhangele Joiada, tatʼa Zakadiia, maji ua mu jibhila monʼê, ua bhingi mu kufua iú tenda, uixi: Jihova ua-nda ku ki mona, hé ua kà ku ibhula na-kiu.

Makatukilu 21:12

Se muthu u kuama mukuá katé kia fua, ió-phe muthu ua ku mu jibha ue, sé kufula.

Makatukilu 21:14

Maji o muthu-phe se u kanena mukuâ ni kubhuma, anga u mu tela masunga, ni a mu jibhe, muthu ió né bhu kalatódio kami mu mu katula-bhu muene phala a fue ue.

Makatukilu 21:20

Se muthu u beta mubhikʼê ua diiala mba ua muhatu, ni mbangala, mubhika nʼa fuila ku kibetu, a mu bhese kaxtiku sè kufula.

Makatukilu 21:29

Maji se a mu bhele kiá umbangi, o muene-phe ka i kuika, ií ia jibha muthu mba diiala mba muhatu, ngombe mu i bûba ni matadi, ni muene mukua ngombe mu mu jibha.

Makatukilu 23:7

Ku maka ma makutu tunda-ku, a ku xale dikanga. O ua kambe kikuma, ni ió ua iuka, kana ku mu jibha; kuma eme ki ngi ẋikina kulungisa kisuéia.

Jisabhu 1:11

O kia kuambela, exi: Tu bande kunu, tu batamene mu kubhubhisa manhinga; tu zombe muthu ua kambe kikuma tu mu bhange-kiu;

Jisabhu 1:18

O iá-phe a di tela mibhetu ia ku di bhubhisa ene-muene o manhinga mâ; ala mu kuzomba o mienhu iâ-ene muene.

Izaía 26:21

Mbata, tala-ze, Jihova ua kà tunda bhu kididi kiê, nda uiza kubhana o njumbu ku iá a tunga mu ngongo, mukonda dia ikuma iâ; o ixi ia kà tukulula manhinga mâ, ki ia kà sueka dingi ió oso a a jibha.

Jelemiia 26:15

Maji ijienu-kiu-phe ni kidi kioso, kuila se mu ngi jibha eme muanda ku di bhekela manhinga ma muthu ua iuka ku thandu dienu, ni ku thandu dia mbonge iii ni ku thandu dia oso a tungu-mu; mbata ni kidi kiene, Jihova muene ua ngi tumikisa kokuenu, phala ku ngʼivua ni mátui menu o maka mosoʼama.

Ijila 24:17

Uoso ue ujibha muthu, ió, ni kidi, a fue muene.

Ijila 24:21

Uoso-phe ujibha kibhaku kiangene, a ki vutule, maji uoso u jibha o muthu, muene ue a mu jibhe.

Matesu 19:18

Kuala muène: Ijila kuxi? Eme Jezú: Ienhiʼii: Kujibhe mukuenu; ku te phànda, ku nhane; ku bhane umbangi ua makutu;

Marku 10:19

O ijila ua ijiia? Kana kujibha, Kana ku ta phànda; Kana kunhana, Kana kubhana umbangi ua makutu. Kana kufumba, Tatʼenu ni mamʼenu a bhane ujitu.

Luka 18:20

Eie uejiia o ijila? Kana kuta phànda; Kana kujibha muthu; kana kunhana; kana kubhana umbangi ua makutu; bhana tatʼ enu ni mamʼ enu ujitu.

Jipoxolo 16:28

Phaulu-phe ua mu handekela, uixi: Ku di bhange kiokio! Etu oso etuʼ etʼú!

Jipoxolo 28:4

O matumbu ala mu kikôlo, kia mono o kibâmba kia mu nhenganana ku lukuaku, a di ambela, exi: Muthu iú uedi kala kijibhanganga! Mukonda sumbala ua bhuluka mu menha, maji Ngunza ka mu ehela kukola muenhu.

Loma 13:9

Kuma o ijila ki iedi: Kana kuta phanda, Kana kujibha, Kana kunhana, Kana kukala ni luimbi, mba ioso dingi ijila ia dite-ku, ia di bundu mu kizuelu kimoxʼ iki: Mukuenu u mu zola kala ki ua di zola eie-muène.

Ngalásia 5:21

Akua dixinga, ijibhanganga, jihôlua, o muenhu uâ ua ku di ta ngó mu izomba iaiibha, ni ima iamukuá ia di fu kiki. Ienʼ iii, nga mi dimuna, kala ki nga tuamene ku mi dimuna, kuma oso akua kubhanga ima kala iii, kà tena kubhingana mu Utuminu ua Nzambi.

Matendelelu 5:17

Kana kujibha mukuenu.

I Timote 1:9

Mukonda kima kiambote ue o kuijiia kuma o Kitumu ka ki bhangela muthu uaiuka, maji a ki bhangela athu a baluka, a xibhaka, athu a kambe kuijiia Nzambi, akua ituxi, athu ka moneka kima kià bheza, ima ia nzumbi a i tokoka. A ki bhangela phala ió a jibha tatʼâ ni mamʼâ, o ijibhanganga,

Tiiaku 2:11

Mukonda o ió uambe, uixi: Kana kuta phànda, uambe ue uixi: Kana kujibha mukuenu. O kiki ki u kamba kuta phànda, maji u jibha muthu, uala u mukua kituxi, ua tondala o Kitumu.

Tiiaku 2:13

Mukonda o Nzambi kia kà fundisa, ka kà lendukila athu ió a kambele kukala ni henda ia akuâ. Maji o kukuatela henda kua somboka o kufundisa.