Makatukilu 20:12 - O Mikanda Ikola

¹² Bhana ujitu kua tatʼenu ni mamʼenu, phala izuua ié i vule, mʼoxi i ku bhana Jihova, Nzambi ié.

Makatukilu 20:12 ပူးပေါင်းရင်းမြစ်များ

Dimatekenu 48:12

Zuze anga u a katula bhu kaẋi ka jiphuna ja inama ia tatʼâ; muene anga bhetama o pholo bhoxi mu kudiunda ni ujitu uoso.

Dimatekenu 50:12

Anʼê anga a mu bhanga muene kala kia ambelele muene.

I Jisobha 2:19

Bete-seba anga uia kua Solomá, mu kuzuelela Adoniia. Muenexi anga u balumuka mu takana-nê, u mu bhetamena, anga u xikama kiua bhu kiandu kiê; hé u bhekesa-bhu ni kiandu kiamukuá kia mamʼâ muenexi kuxikama; Bete-seba hé u xikama ku lukuaku luê lua kúdia.

II Jisobha 2:12

O Ilizeu kioso kia ki mono, ua dikola: Tatʼetu! Tatʼetu! Makalu ma Izalaiele ni athuʼé a sambela-mu! Tundé kieneʼokio Ilija ka mu mono dingi. Okiʼòleka o izuatu iê, u i tandula mu mbandu jiiadi.

Makatukilu 21:15

Uoso u kuama phaiʼiâ mba manhiʼâ, a mu jibha sè kufula.

Makatukilu 21:17

Uoso u xinga jindaka kua phaiʼâ, mba manhiʼâ, a mu jibhe sè kufula.

Jisabhu 15:5

Kioua ka xikina kuividila ki mu bazela tatʼâ; muthu-phe u suua kia mu héula, ió uadimuka.

Jisabhu 17:6

Athu a kuka, kitundu kiâ o aláula; o kijingu kia ana-phe, o jitata.

Jisabhu 20:20

Uoso u xinga tatʼâ mba mamʼâ, mvela iê ia kà jima, anga u xalela mu kitombe ki bheka kikote.

Jisabhu 28:24

Muthu uoso u nhana tatʼâ, mba mamʼâ, anga uila, uixi: Ki kituxi, mukonda mʼonzo ietu etu-ene, muenhó kijibhanganga, kuma uasoko ni kifumbe.

Jisabhu 3:16

Ku lukuaku luê lua kadilu kuala dibandekezu dia izuua, o ku lukuaku luê lua kiasu maunvama ni kijingu.

Jisabhu 30:11

Sai-ku muiji ua athu a lebhula tatʼâ, o manhʼâ a tokoka ku mu tanga o mbote.

Jisabhu 30:17

Muthu uoso mesu mê ma kala mu bhanga kasekelu kua tatʼâ, o mamʼâ ka xikina ku mu tumaka, muthu ió ilombelombe ia honga hinu i mu lokola-nâ, anga anʼa jiholokoko a ma dia.

Jelemiia 35:18

O ku dibhata dia Jelekabita, Jelemiia uixi; Jihova dia Huxi, Nzambi ia Izalaiele, uambe kiki: Mukonda mua tumaka kijila kia Jonadabe, tatʼenu, enu mua bhake ijila iê ioso, enu mua bhange muene kala kia mi tendelesa muene,

Jelemiia 35:7

Ki mua kà tunga inzu, mba mu kuna mbutu, mba mu phapha miẋi, mba mu kala ni dibhia dioso-dioso dia mivide; maji izuua ienu ioso mua kâ tunga mu jifundu ja jibalaka, mbé mu kole muenhu mu ndumba dia izuua kulu-dia-mundu, ku muala kuenda ni kunhunganena.

Izekiiele 22:7

Ni tata ni mama a di tunina jinga na-u momué; o ngenji a mu bhondelekela jinga momué; o hukunhu ni mutudi momué a a talesela-mu hadi.

Ijila 19:3

Muthu ni muthu aẋile manhiʼâ, aẋile phaiiʼâ, ende ue ni kualuka o izuua iami ia jisabhalu; Eme-muene Jihova Nzambi ienu nga ki ambe.

Ijila 19:32

Ki u mona mukua-jimvi, mu balumukine; o muadiakimi uasunga-ku kiá, u mu jingisa; Nzambi ié mu xile jinge: Eme-muene Jihova.

Malakiia 1:6

Mona u xila tatʼâ, o mubhika u xila nganga iê; Eme-phe, se ngi Tata, o ujitu ua ngi fuama, iú kuebhi? Se Eme ngi ngana ienu, o uoma ua ngi tokala, iú kuebhi? Eme ngi Jihova dia Ifuẋi, ngambela enu mu jinganga mua-lu dituna kuxila Dijina diami. Enu-phe muexi: Mu kima kiahi etu mu tua ditunu o kuxila Dijina dié?

Matesu 19:19

Tatʼenu ni mamʼenu a bhane ujitu; Mukuenu mu zole kala ki ua di zola eie-muène.

Marku 10:19

O ijila ua ijiia? Kana kujibha, Kana ku ta phànda; Kana kunhana, Kana kubhana umbangi ua makutu. Kana kufumba, Tatʼenu ni mamʼenu a bhane ujitu.

Marku 7:10

Kuma Mozé, uixi: Tatʼenu ni mamʼenu a bhane ujitu. Uixi dingi: Uoso u xinga tatʼâ mba mamʼa, muthu ua ku mu jibha.

Luka 18:20

Eie uejiia o ijila? Kana kuta phànda; Kana kujibha muthu; kana kunhana; kana kubhana umbangi ua makutu; bhana tatʼ enu ni mamʼ enu ujitu.

Efezo 5:21

Anga muia ni ku di belesela enu-enu mudienu, mu uôma ua Kristu.

Matendelelu 11:8

Ijiia-phe kuatenu-iu kiambote, ngala ku mi bhana leluʼidi, nda mu kale ni nguzu, phala mu bokone mu vue oxi i mua lungu mu kúvua;

Matendelelu 11:9

phala mu kole muenhu mu ixi ia lokela Jihova ku i bhana jitata jenu, ni mbutu iâ; oxi izunzumuka lete ni uiki.

Matendelelu 21:18

Se bhu kala muthu u vuala mona uedi ni kubhukumuka ni kuhuka, ka xikina kuívua ki zuela tatʼâ, mba ki zuela mamʼâ, anga a mu ila o betʼé, lémbue.

Matendelelu 25:15

U kala ni pezo ia kidi iamvimba; u kala ue ni nzôngo ia kidi iatenena; nda ukole muenhu mʼoxi ia-nda ku ku bhana Jihova Nzambi ié.

Matendelelu 27:16

Lamba dia ió uoso u lebhula tatʼâ mba mamʼâ! Mundu uoso-phe a kèla: Amén!

Matendelelu 32:47

Mbata o maka iá ki maka ma ngoho, uene o muenhu uenu; ene a-nda ku mi bhana izuua iavulu iadixala mu ixi i mua-nda kúvua, kioso ki mua-nda zaúka Njolodá.

Matendelelu 4:26

Eme-phe lelu ni oxi ni diulu, akale jimbangi jami; mukonda, nga tange kidi kuma, mua-nda kutukumuka mua jimi o mbutu, mʼoxiʼomo anga mu bhua-mu, anga mu ila Njolodá mua mu záuka kiua, maji oxi ki mua xialela na-iu, kuma ki mua-nda kunakina-mu; mua-nda kujikinina muene kindala.

Matendelelu 4:40

Aluka-phe o jingonge jê, ni itumu iê, i ngala ku ku tendelela lelu, phala utunge usome, ni ku mululu ni ku muláula, o izuua ié nda i vule mʼoxi ia ku bhana Jiohova Nzambi ié, katé ku hádia ni hádia.

Matendelelu 5:16

Bhana ujitu kua tatʼenu ni mamʼenu, kala kia ku tendelela Jihova Nzambi ié, nda u vule izuua ia kukola muenhu mu ngongo, u tunge usome mʼoxi ia ku bhana Jihova Nzambi ié.

Matendelelu 5:33

Muendela mu njila ioso ia mi tumu Jihova Nzambi ienu, nda mu kole muenhu, mu bhanduluke kiasoko, o izuua ienu i vule mʼoxi i mua-nda kúvua.

Matendelelu 6:2

Mbé u kuate kuxila Jihova Nzambi ié, ni kualuka o jingonge ni ijiia iê ioso, i ngala ku ku tendelela, eie, ni monʼé ni mululu ni mulaulʼé, izuua ié ioso i ukala ni muenhu; o mu ku ki bhanga-phe ua kà laia izuua iavulu.

Kolose 3:20

Enu ana, tumakenu adi enu mu ima ioso, kuma kiene kia mi fuama mu ukidistá, o Ngana ue ki mu uabhela kiambote.

Lute 3:6

Anga u kulumuka bhu kienda, u bhanga kioso kia mu longesa ukouʼê.

I Samuuele 22:3

Davidi anga u katuka bhenhobho, uia ku Mixipa ku Mouabhe. Anga u ambela sobha ia Mouabhe, uixi: Nga ku diondo, ehela tatʼetu ni mamʼetu eze a kale bhu kinama kié, katé ki ngʼijiia kioso kia-nda ku ngi bhanga Nzambi.