Makatukilu 2:8 - O Mikanda Ikola

⁸ Monʼa Falaó anga u mu ambela, uixi: Ndeie. Monʼa muhatu anga uia, uixana mama uavu monʼê.

Makatukilu 2:8 ပူးပေါင်းရင်းမြစ်များ

Jisálamu 27:10

Mukonda kioso o tatʼetu ni mamʼetu kia ngʼehelela, Ngana muene u ngi tambulula.

Makatukilu 2:7

Kota diê dia muhatu anga u ambela monʼa Falaó, uixi: Ua mesena ngiia mu ku ixanena maseka ku ahatu a Jihebeleu, mona iú nʼa ku sasela-nê?

Makatukilu 2:9

Monʼa Falaó anga u mu ambela, uixi: Tambula mona iú, u ngi sasele-nê, ngende ni ku ku futa kioso kia tokala. Muhatu anga u tambula o mona, u kala mu ku mu sasa.

Makatukilu 6:20

Amlame anga u bhenga muhatu, Jokebede phange ia tatʼâ; muene anga u mu vualela Alá ni Mozé: o mivu ia Amlame ia bhange ku muenhu, hâma ia muvu ni makuinhi atatu ni sambuadi.

Izekiiele 16:8

Eme-phe, mu kubhita bhu mbandu ié, nga ku mono, tala, o ki nga kuidi suí, nga ku mono kuila ua bhixila mu kithangana kia ku ku ta iambu; anga ngʼoleka o muxiku ua thanga iami ku thandu dié, hé ngi vunga o tuẋi ié; kienhókio nga ku lokela, eme nga bokona mu kikutu ni eie, kiene kiambe Jihova Nzambi; eie kiá ua kituka u uami.