Makatukilu 2:3 - O Mikanda Ikola

³ O kia mono ka tena dingi ku mu sueka kithangana kia vulu, u mu tungila ulungu ua dibu, u u xiia ni uasu ua betume; mona anga u mu zekesa momo, u u tula mu kaẋi ka dibhu bhu mbandu ia honga mu ngiji.

Makatukilu 2:3 ပူးပေါင်းရင်းမြစ်များ

Dimatekenu 11:3

Anga a di ambela mudiâ, exi: Ndokuenu, tu bhange matijolo, tu mʼohe kiambote. Anga a bhanga matijolo bhu kididi kia matadi, o bhu kididi kia hala o betume.

Dimatekenu 14:10

O mu dikôlo dia Sedime-phe muala makungu-makungu ma uiji ua betume, o jisobha ja Sodoma ni Ngomola, mu ku a bhesa lusolo a kala mu kufua mu makungu, o iá a subhuka a lengela ku mulundu.

Dimatekenu 6:14

Iudika-phe alaka ié ni muẋi ua ngofele; u ta-mu ibatulu, u i xiia ni moxi ni ku kanga ni uiji ua betume.

Makatukilu 1:22

Falaó anga u tuma mundu uê uoso, uixi: Uoso monʼa diiala a mu vuala mu mu takula mu honga ia Nilo, o mona muhatu mu mu bhaka ni muenhu.

Izaía 18:2

U tuma ilôlo iendela ku musanza, mu jinaviio ja jixiia, kulu dia menha, uixi: Ndenu, enu jiphunga ja sakalala, di-tedienu ku kifuxi kia athu a lebha, ala ni kikonda ki lujela, ku athu aẋinuka tunde ukulu, ene mu ku a kala ni uoma bhua butu ni ku makanga, kifuxi kia bhindamena kutumina, kifuxi ki talesa hadi, ene mʼoxi iouane ku jingiji.

Izaía 19:6

Jingiji ue ja kà bola anga ji bhuinina; o mixinji ia ngiji ia Ijitu ia kà kukuta; ni madianga ni jimbamba ja kà xoueta hé ji xoxouela.

Izaía 35:7

O ixi ia kukuta ia kà di-bhanga izanga ia menha, o mikáu ia thothuena muiza majiia a fuáfua menha; o mu ididi muoso mua tungile o mabheku, mua kà sabhuka iangu ni madianga, ni jimbamba.

Matesu 2:13

O Jinganga kia zubhile kuia, talesa, mukunji ua Ngana utukulukila kua Zuze, ku nzoji, uixi: Balumuka, u katule kamona ni mamʼâ, u lengele ku Ejitu; ua kale koko katé bhuoso bhu ngi ku ixanena. Mukonda Helode ua-ndu sota o Kamona, phala ku ka jibha.

Matesu 2:16

Kiki Helode, kia mono kuila jinganga ja mu tobhesa, njinda i mu vula kinéne, anga u katula, u tuma kujibhisa mu Beleme ni mabhata mê moso, o tuana tuoso tua mala tua kuata kiá mivu iiadi, ni ndenge jâ. Kífua ua fikisa mu thembu ia diangele kuibhudisa kiambote o jinganga.

Jipoxolo 7:19

Sobha muenʼiú anga u dimukina muiji uetu, u bhanga jitata jetu usueia, hé u a bhangesa kutexi tuana tuâ, phala ka kole muenhu.