Makatukilu 2:24 - O Mikanda Ikola

²⁴ Nzambi kioso kievu o kukema kuâ, u lembalala kikutu kiê kia ta jinga ni Mbalahamu, ni Izake ni Jakobo.

Makatukilu 2:24 ပူးပေါင်းရင်းမြစ်များ

Dimatekenu 15:13

Muene anga u ambela Mbalamu, uixi: Ijiia na-kiu kiambote kuma, mbutu ié hádia a kà kala jinzuangiza mʼoxi iengi, ki iâ ene, a kala mu bhikila akuaʼxi koko; a kà kala mu ku a tatesa mu hama jiuana ja muvu.

Dimatekenu 16:11

Anjo ia Jihova anga u mu ambela, uixi: Ki uala ni divumuʼokio, ua-nda kuvuala monʼa diiala; ua kà mu luka dijina dia Ijimaiele, mukonda Jihova ua ku ivu o kutata kuê.

Dimatekenu 17:7

Kikutu kiami nga kà ki kolesa bhu kaẋi kʼami ni eie, ni mbutu ié ioso hinu i ku bhingana, ku tunda muiji kuiza muiji, kala kikutu kinangenena kia bhingi eme ngi kala ngi Nzambi ié, ngi Nzambi ia mbutu ié hádia i ku bhingana.

Dimatekenu 18:18

Muene kuma hinu u di bhanga kifuẋi kia dikota kia nguzu, ifuẋi ioso mu ngongo ia kà zediuila kua muene?

Dimatekenu 22:16

uixi: Jihova uambe, nga di lokela mu dijina diami eme Muene, ki ua bhangʼiki, o monʼê ua diiala, monʼé umoxi-èlele, kua tena ku ngʼimina-nê.

Dimatekenu 26:2

Jihova anga u mu tukulukila, u mu ambela, uixi: Kana kukulumuka mu Ijito, maji u tunga mu ixi ioso i ngi ku idikiza.

Dimatekenu 26:24

Jihova anga u mu tukulukila usuku uenʼió, u mu ambela, uixi: Eme ngi Nzambi ia Mbalahamu tatʼenu; kana kukala ni uoma ua kima kioso-kioso, kuma eme ngala bhu mbandu ié, ngi ku bhana kuzediua, o mbutu ié ngi i sokolola, mukonda dia selevende iami Mbalahamu.

Dimatekenu 26:3

Nhungana mʼoxi mueniʼumu, eme-phe ngi kala bhu mbandu ié, ngi ku bhana kuzediua; kuma ni eie muene ni mbutu ié hinu ngi mi bhana jixi josoʼiji ngi kumbidila mulôko uami u nga lokela tatʼenu Mbalahamu;

Dimatekenu 32:28

Uixi dingi: Dijina dié ki di kala dingi Jakobo, di kala kia Izalaiele; kuma ua bhânge ni Nzambi, ua bhânge ni athu, ene oso ua a lende.

Dimatekenu 35:11

Nzambi anga u mu ambela dingi, uixi: Eme ngi Nzambi, Muteni-a-Ioso; vuala, u sokoloke; u kala u kifuẋi, ni junda ia ifuẋi, ia kà tunda ku musala ué, makota a jinganga a kà tunda mu mukutu ué.

Dimatekenu 35:12

O ixi i nga bhana jinga kua Mbalahamu ni kua Izake, eie muene ue nga-nda ku ku bhana-iu, ni mbutu ié ia kà ku bhingana, nga kà a bhana o ixi ienhiʼii.

Dimatekenu 8:1

Nzambi anga u lembalala Noué, ni iama ioso ia muenhu, ni ibhaku ioso iala-nê mu álaka; Nzambi anga u bhangesa kitembu kubhuka mu ngongo, menha ma kala mu sosoloka.

II Jisobha 13:23

Maji-phe, Jihova ua a kuatelele henda, anga u a lendukila, hé u a sakukila, mukonda dia henda ia kikutu kiê kia tele ni Mbalahamu, ni Izake, ni Jakobo; anga u dituna o ku a jima o mbutu, o bhu pholo iê ue, ka a kaie-bhu luua.

Jisálamu 102:2

Kana ku ngi suekela o pholo ié, mu kumbi diami dia kutata; bheteka o dítui dié kokuami, kioso ki ngi ku ixana u ngʼivue muene lusolo.

Jisálamu 102:20

phala evue o mikemu ia ió a a kuika; mbé o kujituna oso a xikamena ku a jibha.

Jisálamu 105:42

Kuma kizuelu kiê kikôla ua ki te muẋima; ni Mbalahamu, dia selevende iê.

Jisálamu 106:45

U xinganeka o kikutu kiê, hé u diela mukonda dia jihenda jê javulu.

Jisálamu 138:3

Kizuua ki nga dikola, eie uetaia kiá; ua ngi bhana dingi huii ku muẋima moxi.

Jisálamu 22:24

Kuma muene kene kutènda muthu, mba kuxikulula ngadiama mu uadiama uê; uatate ka xikina ku mu suekela pholo, nʼa mu bhane dikunda; maji kia dikola kua muene u mu ivua.

Jisálamu 22:5

A dikola jinga kokué, eie anga u a bhandulula; o kia ku dielela jinga, eie-phe kua a kakula, kana.

Jisálamu 79:11

O kudila kua ió a a kuika, ku bhixile ko kué; a jitune ni nguzu ia lukuaku lué, oso a a xindi kiá ku a jibha.

Makatukilu 6:5

O kukema kua anʼa Izalaiele nga ku ivu, a a bhake mu ubhika kuala akua Ijitu; eme nga lembalala o kikutu kiami.

Dialuilu 20:16

Etuʼetu tua di kola kua Jihova, o muene iú uevu o dízui dietu, iú ua tumikisa anju iê, i ia tu katula mu Ijitu; o kiki-phe tuala bhabha bhu Kadexi, dibhata diasu o mbambe ni ixi ié.

Jipoxolo 7:34

Nga tongolola muene o phaxi ia mundu uami mu Ijitu, ngevu o kukema kuâ. Eme nga tuluka mu ku a kudila. Kiki eie nganda ku ku tuma ku Ijitu.

Afundixi 2:18

Jihova kia a zangelekela jinga afundixi, Jihova u kala ni mufundixi uoso uala-ku, u a kudila bhu lukuaku lua jinguma jâ, izúua ioso ia mufundixi muenhó; kuma Jihova u a kuatela henda mukonda dia kukema kuâ, mukonda hadi ia iá ala ku a bhikisa ni ku a zukutisa.

I Samuuele 9:16

Mungu mu kumbi kala mumu nga-nda ku ku tumikisa muthu, mukua ʼxi ia Bejamí, eie-phe u mu unda ni maji, phala a kale mutuameneni ua mundu uami Izalaiele; muene uà bhulula o mundu uami bhu maku ma akua Fidíxia; kuma mundu uami nga a zambuila dingi mesu, eme nga a tongolola dingi, o ngololo iâ ia ngi bhixila.