Makatukilu 2:23 - O Mikanda Ikola

²³ Mu kubhanga-phe izuua iavulu, muenexiʼa Ijitu u fua; anʼa Izalaiele anga a kema mukonda dia ubhika uavulu, a dikola, o kudikola kuâ anga ku banda kua Nzambi, mukonda dia ubhika uavulu.

Makatukilu 2:23 ပူးပေါင်းရင်းမြစ်များ

Dimatekenu 16:11

Anjo ia Jihova anga u mu ambela, uixi: Ki uala ni divumuʼokio, ua-nda kuvuala monʼa diiala; ua kà mu luka dijina dia Ijimaiele, mukonda Jihova ua ku ivu o kutata kuê.

Dimatekenu 4:10

Kuala Ngana: Eie ihi i ua bhange? Dízui dia manhinga ma phangʼié dia dikola kokuami tundé mu mavu.

Nehemiia 9:9

Anga u mona dilamba dia jitata jetu mu Ijito, anga uívua o kudikola kuâ ku mbanduʼa Kalunga Ka Kusuka.

Jobe 35:9

Mukonda dia ku a bhondeleka kiavulu, athu a di kola, a di kola mu kusota uoso u a kudila bhu lukuaku lua enʼió ala ni kutena.

Jisálamu 102:1

Ngʼivue musambu uami, u Jihova, kudikola kuami ku bhixile ko kué.

Jisálamu 102:2

Kana ku ngi suekela o pholo ié, mu kumbi diami dia kutata; bheteka o dítui dié kokuami, kioso ki ngi ku ixana u ngʼivue muene lusolo.

Jisálamu 12:5

Mukonda-phe dia ngadiama a mu tatesa, mukonda dia kukema kua phulungu a mu bondeleka, ngi balumuka kiá, eme Jihova; ngi mu bhaka bhua kondama a mu tobhesa kiki.

Jisálamu 18:6

O mu kubhondalala kuami anga ngʼixana Jihova, ngi dikola muene kua Nzambi iami; muene anga u ngʼivua dízui tunde mu Tembulu iê, kudikola kuami kua mu bhixila mu mátui.

Makatukilu 1:14

Anga a a ludisa o muenhu uâ ni ubhika ua vulu kaxtiku, mu kutophola mavu, ni kʼumba jindobhi, ni ikalakalu ioso ia mábhia; mu ikalakalu ioso, a a bhikisa jinga kiaiibha ni kuazukutisa.

Makatukilu 4:19

Jihova anga u ambela Mozé bhu Midiiana, uixi: Ndé, u vutuke ku Ijitu; kuma ene oso endele ku ku bua o muenhu ué, afu kiá.

Makatukilu 6:5

O kukema kua anʼa Izalaiele nga ku ivu, a a bhake mu ubhika kuala akua Ijitu; eme nga lembalala o kikutu kiami.

Makatukilu 6:9

Mozé anga u ambela anʼa Izalaiele kala kia mu ambelʼiki: Ene-phe ka ẋikina kuívua Mozé, mukonda dia kikote ku muxima ni kubhondalala mu ubhika.

Makatukilu 7:7

Mozé anga u kala mu makuinhi nake a muvu, Alá mu makuinhi nake a muvu ni itatu, kioso kia zuela ni Falaó.

Izaía 19:20

Kiene ki kala kijimbuete ki bhana umbangi kua Jihova dia Ilômbo Ieta, mʼoxi ia Ijitu; kuma kioso kia kèza kingumba, ene a kà dikola kua Jihova, o muene ua kà a tumikisa Mukudi, ni Mubhangedi, ua kà a kudila.

Izaía 5:7

Mbata o díbhia dia muvide ua Jihova dia Ilombo Ieta phe, o dibhata dia Izalaiele; o athu êne mu Juda, ene o phaphu iambote ia phaphe-mu; Jihova phe ua dielelele kuila ende ni kubhanga ima ia kuiuka, maji talesa hanji o ungumba uâ! Bhua kingile o kidi, o kuiuka, bheza ngó jingololo!

Dialuilu 20:16

Etuʼetu tua di kola kua Jihova, o muene iú uevu o dízui dietu, iú ua tumikisa anju iê, i ia tu katula mu Ijitu; o kiki-phe tuala bhabha bhu Kadexi, dibhata diasu o mbambe ni ixi ié.

Jipoxolo 7:30

Kia zubha kubhanga-ku makuinhi a uana a muvu, kua mu tukulukila anju, mu mulengu ua túbhia tua mu uama mu kisasa, mu kikangalakata kia mulundu ua Sinai.

Matendelelu 24:15

Izuua ioso inda ua mu futu o nganhu ie ia lelu, kuile uixi dikumbi kiluua di tula; xinganeka-ze, kuma muene mukua-hadi, o muenhu uê ua dielela ngó bhene bhua kalakalʼabha. Mu bhe-phe, phala ka di tende kua Jihova, ni ki di bhange kituxi kié.

Tiiaku 5:4

o futu ia jingunza ja kalakala mu mabhia menu, mua emina-iu. O mu kuditenda kuâ ivenu kia-lu dikola! O mitendu ia enhó a munu o mabhia menu, ia bokona mu matui ma Ngana Nzambi, Muteni-a-Ioso.

Afundixi 4:3

Bhenhobho anʼa Izalaiele anga a dikola kua Jihova, kuma Jabine muene u kala ni hâma ʼvua ia makalu a felu; anga u suína kiavulu ni kubhikisa anʼa Izalaiele mu makuinhi aiadi a muvu.

I Samuuele 12:8

Jakobo kioso kia kulumuka mu Ijito, akua Ijito a mu bhondeleka; jitata jenu anga ji dikola kua Jihova, Jihova kienʼokio u tuma Mozé ni Alá, hé a katula jitata jenu mu Ijito, anga a a bheka kutunga mʼoxi mumu.

I Samuuele 9:16

Mungu mu kumbi kala mumu nga-nda ku ku tumikisa muthu, mukua ʼxi ia Bejamí, eie-phe u mu unda ni maji, phala a kale mutuameneni ua mundu uami Izalaiele; muene uà bhulula o mundu uami bhu maku ma akua Fidíxia; kuma mundu uami nga a zambuila dingi mesu, eme nga a tongolola dingi, o ngololo iâ ia ngi bhixila.