Makatukilu 2:22 - O Mikanda Ikola

²² Anga u mu vualela monʼa diiala, u mu luka Ngelexone; kuma uambe, uixi: Ngi nzuángiza, mʼoxi ia athu engi.

Makatukilu 2:22 ပူးပေါင်းရင်းမြစ်များ

Dimatekenu 23:4

Ngi musonhi, ngi nzuángiza, muʼaxaxi kenu; ngi bhanienu kididi kia undundu kia kufundila, phala ngi funde-bhu o kimbi kiami, nʼa ngi bhue ku mesu.

I Malunda 16:20

Anga mu kala hanji mu kubungana, mu tunda muiji muiza muiji, mu tunda Utuminu umoxi phala kuiza mu mundu uengi.

I Malunda 29:15

Mukonda etu tu jinzuángiza bhu pholo iê, tuala tu jingenji kala o jitata jetu joso; o izuua ietu iedi kala izúzumbia kulu dia mundu, kanaku kima kiengi ki tua dielela.

Jisálamu 119:19

Ngi nzuángiza ngó mu ngongo mumu; itumu ié i tukuluke muene, ki iile kala a ngi suekela-iu.

Jisálamu 39:12

Ngʼivue Jihova, o musambu uami; bhana mátui uivue, Ngana, o kudikola kuami; ku kambe ku ngi suua o kisoxi kiami; kuma ngi musonhi ué, ngedi kala ngi nzuángiza, ngi ngenji ngó, kala kia kexile o jitata jetu enhoso.

Makatukilu 2:10

Mona anga u kula, anga u mu bheka kiua kua monʼa Falaó, ua di bhange monʼê, anga u mu luka dijina dia Mozé, kuma uambe, uixi: Nga mu zaúla mu menha.

Makatukilu 22:21

Nzuángiza kana ku mu bhanga phulu, kana ku mu bhikisa; kuma enu uenu mua kexile mu jinzuángiza mʼoxi ia Ijitu.

Makatukilu 4:20

Mozé anga u zangula mukajiʼê, ni anʼê a mala, u a ta ku bulu, u katuka mu kuia dingi mʼoxi ia Ijitu, ni mbangala ia Nzambi uê ua i kuata bhu lukuaku.

Ijila 25:23

Kana kusumbisa mavu anga mendelela ku maku ma ngenji ua ma sumbu, mbata oxiʼii ixi iami-Eme ia ngi tokala; enu muala mu asonhi ngó mueza kutunga nʼEme, mu jinzuángiza.

Jipoxolo 7:29

Mozé anga u lenga ki evu o kizueluʼiki, hé u kala mutunganhi mʼoxi ia Midiiana. Kuenioko anga u vuala-ku anʼ aiadi.

Afundixi 18:30

Anʼa Dani anga a bhaka muenhomo o kitekʼokio kia iudika mesene ia kuzunza; o Jonatane monʼa Ngelexone, monʼa Manasa ni muene ni anʼê hé a kala jinganga ja muiji ua Dane katé bhu kizúua kieza ixi ioso mu ku i balakala.

I Samuuele 1:20

kubhiẋila bhu thembu iê, Hana anga u imita u vuala monʼa diiala; anga u mu luka dijina dia Samuuele, uixi: Mukonda nga mu bhingi kua Jihova.