Makatukilu 2:11 - O Mikanda Ikola

¹¹ Mu izuua muenhomo-phe, kuila Mozé ua kulu kiá, u tunda, uia bhuala jiphange jê, anga u kala mu tala ikalakalu iâ ia hadi, anga u mona mukua Ijitu uala mu beta Hebeleu, ene o jiphange ja Mozé.

Makatukilu 2:11 ပူးပေါင်းရင်းမြစ်များ

Makatukilu 1:11

Mukonda dia kiki, a ta-ku akalakixi, ende ni ku a ta mualala ni imbamba iâ. Mukonda Falaó a mu tungila jimbonge ja kubhakela, ni Pitome ni Lamaseji.

Makatukilu 3:7

Jihova anga u zuela dingi, uixi: Nga mono kidi muene o phaxi ia ifuẋi iami iala mu Ijitu, ngevu o kudikola kuâ, mukonda dia abhondeleki ala ku a bhikisa kiavulu; mukonda eme ngejiia o malamba mâ.

Makatukilu 5:14

Atumini a anʼa Izalaiele, oso a te-ku kuala Abhondeleki a Falaó, anga a a beta, a ebhula, exi: Phalahi, konda ki i tena ni mazá ni lelu, ia jindobhi kala ki muʼomba jinga ukulu.

Makatukilu 5:4

Muenexiʼa Ijitu anga u a ambela, uixi: Phalahi, eie Mozé ni Alá, muala kufudisa mundu kukalakala? Muanganenu mu-ie ku thonga ienu.

Makatukilu 5:5

Falaó anga u zuela dingi uixi: Mua mono, mundu mʼoxi ioso a vulu kiá, enu-phe muala ku a zumbula ku ikalakalu iâ. Falaó u beta dingi kutatesa anʼa Izalaiele.

Makatukilu 5:9

A xinienu muene ni kikalakalu kia neme, mala enʼió, phala a landuke ni kukalakala; ka kale mu dielela ku maka a makutu a muia ni ku a tela.

Makatukilu 6:6

Kala kiki, ambela anʼa Izalaiele, kuma: Eme Jihova, mu imbamba ia mi xina akua Ijitu nga-nda ku mi katula-mu, ngi mi jituna mu ubhika uâ, ngi mi kula ni lukuaku lua sununuka, hé ngi londekeza ubatuilu ua kidi ni isunji ia makota;

Makatukilu 6:7

eme anga ngi mi tambula kukala mu mundu uami, anga ngi kala ngi Nzambi ienu; hinu mu kʼijie kuma eme Jihova, Nzambi ienu, nga tena ku mi katula bhoxi dia imbamba ia mi xina akua Ijitu.

Izaía 58:6

Abha o kujila ku nga solo eme, ki kuku? kuila u jituna jingoji joso ja kubhuma, ni mikolo ioso ia ubhika? Hé u bhana ufolo ku jihukunhi, o jungu ioso u i tolojola?

Matesu 11:28

Zenu kokuami enu oso mua bhuila, enu mua tate ni imbamba ia mi nemena, eme nda ngi mi nhohese.

Luka 4:18

Nzumbi ia Ngana ua ngi tula, mukonda muène ua ngʼundu kutudila o jingadiama, Njimbu Iambote. Ua ngi tumu kuxika ngonge ia ufolo ua abhika, ni kubhana mesu o ifôfo, ni kujituna oso a a kuika,