Makatukilu 2:10 - O Mikanda Ikola

¹⁰ Mona anga u kula, anga u mu bheka kiua kua monʼa Falaó, ua di bhange monʼê, anga u mu luka dijina dia Mozé, kuma uambe, uixi: Nga mu zaúla mu menha.

Makatukilu 2:10 ပူးပေါင်းရင်းမြစ်များ

Dimatekenu 16:11

Anjo ia Jihova anga u mu ambela, uixi: Ki uala ni divumuʼokio, ua-nda kuvuala monʼa diiala; ua kà mu luka dijina dia Ijimaiele, mukonda Jihova ua ku ivu o kutata kuê.

Dimatekenu 4:25

Adá anga u tona dingi kuijiia mukajiʼê; anga u vuala monʼa diiala, u mu luka dijina dia Sethe; kuma uambe, uixi: Mbutu ia mukuá ia ngi bhana Nzambi, bhu kididi kia Abele, kuma a mu jibha kuala Kaini.

Dimatekenu 48:5

Kiki-phe anʼê aiadi u ua vualela kunu ku Ijito, kioso eme kiluua ngiza mu Ijito, a kala anʼami; ni Ifalaime ni Manasa a kala anʼami, mukua ni Lubene ni Ximinhá, ene oso ami eme.

II Samuuele 22:17

Ua di sunununa tunde bhulu bhuala, ua ngi kuata ni lukuaku luê, iu ua ngi sungu mu menha mavulu.

Makatukilu 2:9

Monʼa Falaó anga u mu ambela, uixi: Tambula mona iú, u ngi sasele-nê, ngende ni ku ku futa kioso kia tokala. Muhatu anga u tambula o mona, u kala mu ku mu sasa.

Matesu 1:21

Muène uanda kuvuala mona ua diiala, eie u mu luka dijina dia Jezú, mbata muène ua kà bhulula athuʼê ku ituxi iâ.

Ngalásia 4:5

Phala ku a kula ene oso bhoxi dia ubhika ua Kitumu, nʼa tu bheke mu kikexilu kia kukala tu anʼ a Nzambi.

Jihebeleu 11:24

Kiejila mu kuxikana, Mozé kia zubha kukula, u dituna ku mu ixana dingi monʼ angene a monʼ a Falaó.

I Nzuá 3:1

Talesenu kia kulu o henda ia tu idikiza Tata! O henda iê ia tu idikiza ia kulu kinéne katé kia tu ixana tu anʼa Nzambi. Ni kidi-phe, tuala muene tu anʼê. Kiene kia kambela o mundu ku tu ijiia, mukonda muène ue Nzambi ki ua mu ijiia.

I Samuuele 1:20

kubhiẋila bhu thembu iê, Hana anga u imita u vuala monʼa diiala; anga u mu luka dijina dia Samuuele, uixi: Mukonda nga mu bhingi kua Jihova.