Makatukilu 19:9 - O Mikanda Ikola

⁹ Jihova anga u ambela Mozé, uixi: Eme nga-nda kuiza kokué; ngi ku tulukila mu dituta dia kitombe, phala o mundu a dʼivile kioso ki ngi ku zuelesa, phala eie ue a ku xikane katé ku hádia ni hádia. Kuma Mozé ua tangela Ngana kioso kia vutula o mundu ue.

Makatukilu 19:9 ပူးပေါင်းရင်းမြစ်များ

I Jisobha 8:12

Bhenhobho Solomá u zuela, uixi: Bhabha Ngana uambe kuma nangu dié di kala mu kitombe kiedi buí. Sumbala muene ua bhange o dikumbi ku diulu.

II Malunda 20:20

Mu kimenemene kia selu anga a balumuka, hé a tunda mu kuia ku kikangalakata kia Tekoua; kioso ene kia mu tunda, Jozafate u nzongamana hé u handekela, uixi: Ngʼivienu, eie Juda, ni enu mua tunga mu Jeluzaleme; xikanenu kua Jihova, Nzambi ienu, nda mu kale bhua kondama; xikanenu ku jipolofeta jê mua kà zediue.

II Malunda 6:1

Bhene obho Solomá uzuela, uixi: Jihova eie uene mu ku ki tanga kuila ua tunga mua vundu.

Jisálamu 97:2

Ni matuta ni kitombe a mu bhaka mu kaẋi; kiandu kiê kia di fikidila mu kubatula mu kidi ni kukumbidila.

Jisálamu 99:7

U a zuelesa jinga mu mufumbeji ua dituta, kioso ene kia kuata jinga o ijila iê ni ngonge ia a bhana.

Makatukilu 14:31

Izalaiele anga a mona o kidiuanu kia kalakala Jihova mu kubuidisa akua Ijitu; mundu anga a kala ni uoma ua Jihova; anga a xikana Jihova, ni selevende iê Mozé.

Makatukilu 19:16

Anga ki bhita-phe kuila, mu kizuua kia katatu ki kuandeka ngó kúkia, kua kuata kunumina ni kutelaka jinzanji ku mulundu ni dituta dia kitombe (dia bhiti-ku), ni koloneta ia xiki ni dízui dia suina kiavulu. Katé ni mundu ala mu kibangu a kala mu teketa.

Makatukilu 20:21

O mundu anga emana dikanga, Mozé ngó ua zukama ku kitombe kia xiti, bhuala Nzambi.

Makatukilu 34:5

Jihova anga u tulukila mu dituta, hé u imana-nê; bhenhobho, u kola o dijina dia Jihova.

Makatukilu 4:31

Kifuẋi anga a xikana; o kia zubha kuívua kuma Jihova ua suu anʼa Izalaiele iú ua mono o jiphaxi jâ, ene a bheteka o mítue, anga a bheza.

Makatukilu 4:5

Uixi: Phala a ku xikane, kuila Jihova, Nzambi ia jitata jâ, Nzambi ia Mbalahamu, Nzambi ia Izake, Nzambi ia Jakobo, ua ku tukulukila.

Izaía 19:1

Muzambu ua Ijitu. Talesa koko, Jihova iu uiza, ua di-longo mu dituta dia ngelephephe, ua-nda ku tula mu Ijitu; mahamba ma Ijitu a kà ma tungutisa bhu pholo iê, anga muẋima ua akua-Ijitu ua kà botomoka mʼoxi diâ.

Izaía 7:9

Hé kima, o Dikota mu Ifalaími ua ká kala Samádia, o muadiakimi mu Samádia o monʼa Lemadiia; O kienhiki, se mu kamba ku ki xikana, ki mu tena dingi kunangenena.

Dialuilu 12:5

Jihova anga u tulukila mu philadi ia dituta, uimana bhu muelu ua balaka, anga uixana Alá ni Midiiana, anga a bhiẋila, emana, kiiadi kiâ.

Matesu 17:5

Kioso Phetele kia kexile hanji mú zuela, talesa, dituta di luendela dia a vungina; o mu dituta anga mu tunda dízui, dixi: Muenhú Monʼami uózole, uene mu ngi sangulukisa. Ioso ia zuela, mu ivienunu muene!

Marku 9:7

Anga kuiza dituta, dia a vungina ene oso; mu dituta anga mu tunda dízui, dʼixi: Muenhu Monʼami nga mu zola! Muene mu mu ívua.

Luka 10:16

Bhenhobho Jezú anga u ambela o maxibuluʼê, uixi: Uoso u mʼívua enu, eme a ngʼivu; uoso u mi tènda, eme a ngi tènde; o uoso-phe u ngi tènda eme, ua tènda ió uoso ua ngi tumu.

Matendelelu 4:10

Ku jimbe o kizuua ki uemanene bhu pholo ia Jihova Nzambi ié bhu Holebe, kioso kia ngi tangelele Jihova, uxi: Ngi bhonguelele o mundu iú, nga-nda ku a evisa maka mami, na mʼejiie, mbe o ku ngi xila jinga mu izuua ioso ia muenhu uâ, o bhuoso bhua kà tunga a ka ma longe uê anʼâ.

Matendelelu 4:36

Muene-phe ku diulu kuene, kuene kuandekela ku ku ivisa o dízui diê, mbé o ku ku longa; o mu ngongo ua ku londekeza o túbhia tuê tua unéne, eie uevu o maka mê kioso muene kia zuelela mu kaẋi ka túbhia.

Dijingunuinu 1:7

Talesenu, muène hinu uiza ku matuta! Ene oso a ka mu mona mesu, katé ni ió oso a mu kubuile. Miji ioso mu ngongo ia kà dila jingololo mukonda diê. Kiene muene. Amén!