Makatukilu 19:6 - O Mikanda Ikola

⁶ Enu-phe mu ngi kala mu utuminu ua jinganga jami, mu mundu uami uazele. Enhá ene o maka u ua kà tangela anʼa Izalaiele.

Makatukilu 19:6 ပူးပေါင်းရင်းမြစ်များ

I Jisobha 3:8

Eme-phe ngi mulekiʼé ua ngi mono, ngala muʼaxaxi ka mundu ué u uà sola, mundu uadikota, mundu ki u xikina ku u tanga mba ku u kuata konda mukonda dia kuvula.

I Jisobha 8:53

Mbata eie ua tungula mu madiembu moso mu ngongo, nda a kale undundu ué, kala ki ua tangele mu ukunji ua ngunza ié Mozé, kumbi di ua katula o jitata jetu mu Ijito, Ngana Jihova, tata!

I Malunda 17:22

Eie ua tumbika o mundu ué ua Izalaiele phala ku kala mundu ué, katé ku hádia ni hádia, eie, Ngana, eie uadibhange u Nzambi iâ.

Jisálamu 114:2

Juda ua di bhange muiji uê ukôla, o Izalaiele kilômbo kiê.

Makatukilu 15:26

Hé u a ambela, uixi: Se u ívua kiambote o dízui dia Jihova, Nzambi ié, hé u bhanga kioso kia mu iukila ku mesu mê, ni u bhana o dítui ku itumu ié, hé u aiuka o ijiia iê iene ioso, ki ngi te dingi mahaxi ku thandu dié, né uhaxi umoxi ku mahaxi oso u nga te ku thandu dia akua Ijitu; kuma eme ngi Jihova, eme-muene ngi ku saka.

Makatukilu 22:31

Kala kiki, mu kala mu athu ami a zele, mua di lumbila kokuami eme; mukonda dia kiki, kana kudia xitu ia sasaka ku iama mu mukáu; kikale mu i tela jímbua.

Makatukilu 28:36

U iudika ue ni kítandu kia ulu ua fina, anga u setela-ku, mukua ni kuseta kua sineta: Kuzela Kukola Kua Jihova.

Izaía 43:4

Kuma eie ua te kiavulu ku mesu mami, uala-phe ditala dia ujitu, eme nga ku zola; kiene ki nga bhela athu bhu kididi kiê, nga bhakula athu avulu mu kula muenhu ué.

Izaía 61:6

Maji enu-phe a kà mʼixana Jinganga ja Jihova, a kà mʼixana Akunji a Nzambi ietu; mua kà dia ku jinzungule ja akua jixi, o mu fuma ia ene enu muene mu mua kà fumanena.

Izaía 62:12

A-nda ku a luka exi: Mundu Uangene, Jihule ja Jihova; eie-phe a-nda ku ku luka exi: Na Nginde, A-mu-sota; Na Mbanza-ka-mu-ehelela.

Izaía 66:21

O mua ene ue, nga kà tungula-mu amoxi-mu, phala ku a bhanga jinganga ni jilevita, Jihova ua ki tange.

Jelemiia 13:11

Kuma, kala ki kuatenena o phonda mu mbunda ia muthu, kiene ue ki nga kutila kokuami o dibhata dioso dia Izalaiele ni dibhata dioso dia Juda, eme Jihova, nda a ngi kale mundu uami, mu dijina, ni diximanu, ni mu fuma; maji kubhana mátui a ki tokoka.

Jelemiia 2:3

Bhenhobho-phe Izalaiele a mu lumbilile Jihova, kifua ibundu ia mutomo ia mabhia mê: oso a mu minha-minha jinga, a a kitile akua mulonga; kua a tulukila jinga divuua, Jihova ua ki tange.

Jelemiia 7:23

Maji eme nga a tendelele kiki, ngixi: Bhanenu mátui ku dízui diami, eme ngi kale ngi Nzambi ienu, enu mu kale mu mundu uami; endenu ni kuendela mu njila ioso i ngi mi tuma eme, nda mu bhanduluke.

Ijila 19:2

Ambela o kionge kioso kia anʼa Izalaiele, u a tangela kiki: Kibhinga muzela, mukonda Eme, ngi Jihova Nzambi ienu, ngazela.

Ijila 20:24

Maji Eme-phe nga mi ambela enu, ngixi: Mu bhingana oxi iâ-ene, i mi kale undundu uenu, ni ngi mi bhana-iu muene, phala mu iʼvue, oxi i zunzumuka lete ni uiki; kabasa eme Jihova Nzambi ienu, nga mi uanununa muʼaxaxe ka ifuẋi ku mundu.

Ijila 20:26

Ngi kexidienu mu athuʼami azele, mukonda Eme, Ngi Jihova, nga zela, kiene Eme ki nga mi tunguila mu ifuẋi ku mundu, phala mu kale mu athu ami.

Ijila 21:23

Maji ka bhumine kubokona ni kubhikila ku mvéu, ka tena ue kubhikila ku kalatódio, mukonda ka tenena, mabhezelu mami makôla uavula ku ngi kasanesena-u; kuma Eme Ngi Jihova, ngene mu tena ku a zelesa.

Amoji 3:2

Ku miji ioso mu ngongo enu ngó nga mʼijiia; mukonda dia kienʼiki imbamba ienu ia kutondala kuoso ku mu tondala, nga-nda ku i vutuila phonzo ku thandu dienu.

Ajeu 2:5

Mu kukumbidila kikutu kiami ki nga ta ni enu, kioso ki mua tundu ku Ijito. O Nzumbi iami u tunga muʼaxaxi kenu; ki mu kale ni uoma.

Dialuilu 16:3

Anga a di bhongolola mu kuzoka ni Mozé ni Alá, hé a a tangela, exi: O kiki ue kia vulu kiá, kuma o kilômbo kioso kia Ngana, o ene oso athu a Ngana, o Jihova uala muʼaxaxe kâ; enu-phe mua di zangelekelaʼhi ku kionge kiangene kia Jihova?

Loma 12:1

Uila kiki nga mi diondo-phe, jiphange, mu jihenda ja Nzambi, di bhakudienu o mikutu ienu kua muène, kuma sata ia muenhu, mua di lumbu mu kikalakalu kiê, mu akua ujitu kua Nzambi. Kuma iú uene o ubhhezelu ua kilunji ua ni fuama.

I Kolindo 3:17

Kala kiki, se muthu u muanga o Tembulu ia Nzambi, muenʼió Nzambi ua kà mu muanga ue. Kuma o tembulu ia Nzambi i kôla, enu uenu mu tembulu iê.

Matendelelu 14:21

Xitu ia di fuila ki mu idié; sembele ua i bhana muthu uengi, o nzuángiza, uoso ua tungu-nê mu sanzala ienu muene u i dia, mba-phe sumbisa-iu ku akua mundu; kuma eie ki ualʼokio uala u kifuẋi kiótungule phala Jihova Nzambi ié. Monʼa hombo ue kana ku mu lambela mu lete ia mamʼâ.

Matendelelu 26:19

Kifua ua mu bhana o dikuatelu mukonda muene uandala ku ku zangeleka ku thanduʼa ifuẋi ia miji ioso ia bhange; u kale u di tunda diê, u fuma iê, u kijingo kie, u povo ia di zelesa kiasoko; ii ia di lumbila kua Jihova Nzambi ié, kala kia ku ambelele kiá.

Matendelelu 28:9

Jihova ua-nda ku ku imika mu ku kala u kifuẋi kia ditungula, kala kia ku lokela-kiu kiá; kikale-phe eie uaiuka o ijiia ia Jihova Nzambi ié, anga uendela jinga mu ikoka iê.

Matendelelu 7:6

Mbata eie ki ualʼokio u povo iangene ia Jihova Nzambi ié; O Jihova. Nzambi ié ua ku tungula muʼaxaxi ka ifuẋi ioso ia tungu kʼulu dia mundʼuku, phala u kale kiá u povo ia mu fuama muene ngó.

I Tesalonika 5:27

Nga mi lokesa mu dijina dia Ngana, kuma mukanda iú mu tu tangela o jiphange joso.

I Phetele 2:5

Enu uenu kala mu matadi ma muenhu, ehelenu-phe Nzambi phala a mi Uzale mu kutunga o Tembulu ia nzumbi, ni ku mi bhanga kibuka kia jinganga jolumbile Nzambi, ji bhana o jisata ja nzumbi, ji uabhela Nzambi, mukonda dia Jezú Kristu.

I Phetele 2:9

Maji enu-phe mu muiji uosole, mu jinganga ja sobha, kifuẋi kiazele, mu mundu uangene ua Nzambi muène. A mi tungula phala muende ni kujimbula o imbamba ia madiuanu iene mu bhanga Nzambi ió ua mi katula muavundu, iú ua mi bheka mu mukengeji uê u diuanesa.

Dijingunuinu 1:6

iu ua tu bhake ku usobha ni unganga mbè tuende ni kubhikila Nzambi Tata iê. O kua Jezú Kristu muenhó kukale o fuma ni kutumina mu mivu ni mivu sè dizubhilu! Amén!

Dijingunuinu 20:6

A zediua, ia a lunguâ kiavulu muene, ió oso a mona mbandu iâ mu difukunukinu didi dia dianga. Enhó, o kalunga ka kaiadi, ki ka a tena dingi. A kà kala jinganga ja Nzambi ni ja Kristu, a kalanê ku ungana midi ia mivu.

Dijingunuinu 5:10

Eie ua a bhake ku usobha ni unganga ua Nzambi ietu, ene hinu à kala mù tumina mu ngongo.