Makatukilu 19:24 - O Mikanda Ikola

²⁴ Jihova anga u mu ambela, uixi: Ndé, tuluka; phala u bande dingi ni Alá; Jinganga-phe ni mundu uoso ka bhumine kusomboka o mbambe, mu kubanda kua Jihova, phala Muene ka a kuame ni kalunga.

Makatukilu 19:24 ပူးပေါင်းရင်းမြစ်များ

I Malunda 13:9

Kioso kia bhixila bhu kididi kia dizanzu dia kuvundila dia Kidone, Uza usunununa o lukuaku luê, phala kufikidila o álaka; mukonda o jingombe ja dibhukanene, o álaka anga izendalala.

Makatukilu 19:12

O mundu ua kà a xindila jimbámbe ku mbandu joso, hé u a tangela, uixi: Di langienu! Ki mu bande ku mulundu, mba mu bhiẋila mu jimbambe jê, kuma uoso u tuta ngó mu mixinda ia jimbambe ja mulundu, a kà mu jibha.

Makatukilu 19:25

Bhenhobho, Mozé, u tuluka kuala o mundu anga u a tangela imʼiii.

Makatukilu 24:1

Anga u ambela Mozé, uixi: Banda kunu kua Jihova, ni eie ni Alá, ni Nabade ni Abihu, ni makuinhi sambuadi a adiakimi a Izalaiele; muà suke mu kanga ni kubheza;

Makatukilu 24:9

Kia zubha kubhanga kiki, Mozé ni Alá a banda ni Nadabe ni Abihu, ni makuinhi sambuadi a adiakime a Izalaiele;

Ijila 10:3

Mozé anga uambela Alá, uixi: Kiki kiene kia tange Jihovaʼiki, kuila: kuzela kuami nga-nda ku ku londekeza ku ió oso a ngi zukama anga bhu pholo ia mundu uoso ngi kala ni kijingo. Maji Alá-phe ua di xibhʼê.

Matesu 11:12

Tunde mu izuua ia Nzuá dia Batizu, o Utuminu ua Diulu a u balukila, akua nguzu a u bokona ni kusuina.

Luka 13:24

Bangamenenu o kubokuena bhu muelu ua phophama. Mukonda ngi mi ambela, sai-ku avulu a kà sota kubokona, maji a kà ki lémbua.

Luka 16:16

O Kitumu kia Mozé ni ulongelu ua jipolofeta, ua kexile kate kieza Nzuá dia Batizu. Tunde kiókio-phe o Njimbu Iambote ia Utuminu ua Nzambi ala ku i kola; kala muthu-phe kikale u ta nguzu phala kubokona-mu.

Nzuá 1:17

Mbata o Kitumu a ki bhelele kua Mozé, o kiadi-phe ni kidi, kiejila kua Jezú Kristu.

Loma 4:15

Mukonda o Kitumu ki bhekela njinda. Maji bhua kambe o Kitumu kana-bhu ue kikuma kia kutondala Kitumu.

Ngalásia 3:19

O Kitumu-phe a ki bhela-hi? Kitumu a ki bandekeza ku pholo kunu, phala kuidikiza o ima ioso iaiibhila Nzambi. Kiene ki nanga ngó katé bhuoso bhu ijila ió a mu bhele polomesa u tunda ku mbutu ia Mbalahamu. Kitumu a ki tumikisina ku ji-anju, ni ku muthu u di bhanga muzumbu uenda na-kiu.

Ngalásia 3:22

Maji o Mikanda Ikôla-phe iambe kuila athu oso a a jikila bhoxi dia kutena kua ituxi, phala o polomesʼ oio i bhinga kuxikana Jezú Kristu, i kale ia ene oso a xikana.

Jihebeleu 12:29

Kuma kidi muene, Nzambi ietu tubhia tua uama, tu buikisa.

Jihebeleu 4:16

Uila kiki, tu bhiẋidienu bhu kiandu kia kiadi sé hele, phala Nzambi a tu kuatele henda. Bhenhobho tua kà tambula o kiadi ki tena ku tu bhandulula mu kumbi dia kubhondalala.