Makatukilu 19:21 - O Mikanda Ikola

²¹ Jihova anga u ambela Mozé, uixi: Tuluka, u tendelele o mundu, ka bhume ni kusomboka bhu mbámbe, mbé kutalesa Jihova, phala ki bhu kale mundu ua vulu a fua muʼaxaxe kâ.

Makatukilu 19:21 ပူးပေါင်းရင်းမြစ်များ

Makatukilu 3:3

Mozé anga u amba, uixi: Ngiia-bhu hanji, ngi mone kidiuanuʼiki, mba kisasa kia kambela-hi kúbhia.

Makatukilu 3:5

Nzambi, uixi: Kana kuzukama dingi kunu; o jisabhatu ku inama ié zula-ju; kuma kididi ki uemana, mavu akôla.

Makatukilu 33:20

Uixi-phe dingi: pholo iami ku tena ku i mona; kuma kana muthu u tena ku ngi mona nʼa laie.

Ndongixi 5:1

Kinama kié langa-kiu, kioso ki u bokona mʼonzo ia Nzambi; beta kuzukamena o kuívua, kana kubhana ujitu ua ioua, kuma ene kʼejiia kuila a mu bhanga kiaiibha.

Dialuilu 4:15

Kioso Alá ni anʼê kia kà zubha kuvunga ku imbamba ioso ia dibhezelu, kilombo kuila kia-nda kukatuka kiá, kiene kiua kiʼza anʼa Kohate mu ku i zangula; ima iene ikôla-phe ka i kuate ni maku, phala ka fue. Ima iii iene kimbamba kia anʼa Kohate ku balaka ia kutakanena.

Dialuilu 4:18

Muiji ua mabhata ma anʼa Kohate, kana ku a batula mu kibuka kia Jilevita;

Dialuilu 4:19

inda mu a bhanga kiki, phala a laie, ka fue, kia bhixila mu kuzangula o imbamba ikôla kinène: Alá ni anʼê ene a tuama o kubokona, hé a a uanena muthu ni muthu ni kikalakalu kiê, ni kimbamba kiê,

Dialuilu 4:20

ene-phe ka tuame kubokona mu dibhezelu, nʼa mone kioso ki a ta imbamba ikôla mu mavunga, phala ka fue.

Matendelelu 5:5

Thembu ienhoio eme ngemanene bhuʼaxaxi kenu o kuku Jihova, o koko enu, mbé o kuenda ni ku mi tudila izuelu ia Jihova; mukonda túbhia tua mi kuatele uoma, enu mua lembuele kubanda ku mulundu; o muene-phe, uexi:

I Samuuele 6:19

Muene Jihova anga u beta akua Bete-seme, mukonda a zongola moxi dia álaka ia Jihova; ku mundu anga u betaku makuinhi sambuadi a muthu, ene oso makota mʼathu; mundu anga a kala mu dila mukonda Jihova ua a beta ni kibetu kiavulu.