Makatukilu 19:20 - O Mikanda Ikola

²⁰ Jihova kia tuluka ku mulundu ua Sinai, u tula bhu thala ia mulundu; Jihova anga u ixana Mozé kubanda bhu thala ia mulundu; Mozé anga u banda.

Makatukilu 19:20 ပူးပေါင်းရင်းမြစ်များ

I Jisobha 19:11

Anga muene u mu ambela, uixi: Tubhuka bhu kanga, uimane bhu pholo ia Jihova, ku mulundu iú. Anga Ngana u kala mu bhita, kubhita ue kitembu kia dikota kia nguzu, ki kala mu bazesa o milundu ni matadi u ma bula ku pholo ia Jihova; mu kitembu-phe Ngana ka kexile-mu; anga ku kitembu ku kaiela kiteketela kiaʼxi; maji mu kiteketela kiaʼxi ue Ngana ka kexile-mu.

Nehemiia 9:13

Anga u tuluka ku mulundu ua Sinai, hé u a zuelesa tunde ku diulu; anga u a bhana mabatuilu ma iuku, ni itumu ia kidi, ni matendelelu ni ijila iambote.

Jisálamu 81:7

Ki ua dikola mu lamba, nga ku kudila; nga ku itaiela mu kididi kiòsueke mu tunda o inuminu ia jinzaji; nga ku lola o muẋima bhu menha ma Medibah. (Selah.)

Makatukilu 19:11

Akale plondo phala kizuua kia katatu; kuma mu kizuua kia katatu Jihova ua-ndu tuluka ku mesu a mundu uoso ku thanduʼa mulundu ua Sinai.

Makatukilu 19:3

Mozé anga u banda kua Nzambi, Jihova anga u mu ixana mu kaẋi ka mulundu, uixi: Uambela kiki o dibhata dia Jakobo, u ambela anʼa Izalaiele, kuila:

Makatukilu 24:15

Mozé anga u banda mu mulundu. Mulundu uoso-phe a u vungina ku dituta.

Makatukilu 24:18

Mozé anga u bokona mu kaẋi ka dituta, u banda mu mulundu; Mozé anga u kala mu mulundu muenhomo makuinhi auana a izuua ni makuinhi auana a usuku.

Makatukilu 34:2

U kale polondo mu kimene, u di meneke dingi mu mulundu ua Sinaiʼumu, u di bhakule ko kuami bhu thala ia mulundu.

Makatukilu 34:4

Mozé anga u bhasa mabaia aiadi a matadi, a soko ni ió a diangele; Mozé anga u di meneka, u banda ku mulundu ua Sinai, kala kia mu tumu Jihova, uambata bhu lukuaku luê o ibasakasa iiadi ia matadi.

Matendelelu 33:2

Uixi: Jihova uatulukila ku Sinai, iú ua bandela ku Seíle; ua lekujukila ni ku mulundu ua Palane, ueza ni kuinhi dia midi dia jisandu ku madilu mê kua kexile o kitumu kiauama túbhia phala ene!

Matendelelu 9:9

O ki nga bandele ku mulundu mu kutambula mabaia ma matadi mabaia ma kikutu kia mi bhana Jihova, anga ngi bhanga-ku makuinhi auana a makumbi, ni makuinhi auana a usuku, anga ngi kalaʼmi muene kienhókio ki bhua kudia mbolo, ki bhua kúnua menha.