Makatukilu 19:2 - O Mikanda Ikola

² Kia zubha kutunda bhu Lefidimi, a bhikila mu kikangalakata kia Sinai, anga a ta kibangu kiâ mu kikangalakata; Izalaiele hé u ta kibangu kiê mu mukáu ua mulundu ua lulama ni ua Sinai.

Makatukilu 19:2 ပူးပေါင်းရင်းမြစ်များ

Makatukilu 17:1

O kionge kioso kia anʼa Izalaiele, anga a sendumuka mu kikangalakata kia Sine, enda jinjila joso ja tumu Jihova, katé kia te o kibangu bhu Lefidimi; kana-bhu-phe menha ma mundu kúnua.

Makatukilu 17:8

Amaleke anga u vubuka bhenhobho, u lua ita ni Izalaiele bhu Lefidimi.

Makatukilu 18:5

Jétulu, ukouʼa Mozé, anga uiza kua Mozé, u mu bhekela anʼê kiiadi a mala, ni mukaji ê; u mu sanga mu kikangalakata bhua te kibangu kiâ, bhu mulundu ua Nzambi;

Makatukilu 3:1

Kiki-phe o Mozé u kala mu kuinga ibhaku ia Jétulu ukouʼê, nganga ia Midiiana. Kizuua kimoxi anga uambata o kilunga, uia na-kiu kuema dia kikangalakata, u bhiẋila ku mulundu ua Nzambi, ku Holebe.

Makatukilu 3:12

Kuala Nzambi, uixi: Ni kidi kiene, Eme ngà kala ni eie; o kiki kiá kala kijimbuete, kuma eme muene nga ku tumu: Kioso ki ua kà tundisa o mundu mu Ijitu, Nzambi hinu mu mu bhezela mu mulundu muenhumu.

Dialuilu 1:1

Jihova anga u zuelesa Mozé, mu kikangalakata kia Sinai, mu balaka ia kutakanena, kizuua kia kamoxi bhu mbeji ia kaiadi, mu muvu ua kaiadi tundé kia tundu mʼoxi ia Ijitu, uixi:

Dialuilu 33:15

Kutunda mu Lefidimi, a ta kibangu mu kikangalakata kia Sinai.

Jipoxolo 7:30

Kia zubha kubhanga-ku makuinhi a uana a muvu, kua mu tukulukila anju, mu mulengu ua túbhia tua mu uama mu kisasa, mu kikangalakata kia mulundu ua Sinai.

Jipoxolo 7:38

Mozé muene anga u di bhongolola ni mundu ua Izalaiele mu kikangalakata, anga u kala momo kumoxi ni jitata jetu ni anju ia mu zuelesa ku Mulundu ua Sinai. Mozé muenʼiú muene ua tambuile o mizambu ia muenhu kua Nzambi phala ku tu bhana na-iu etu.

Ngalásia 4:24

Imʼ iii-phe ia di bhange kala kifika. Kuma ahatu aiadi enʼiâ, ikutu iiadi: Umoxi u tunda ku mulundu ua Sinai, anʼ ê ua a vualela mu ubhika, kifua abhika, muene-phe Hangale.