Makatukilu 19:18 - O Mikanda Ikola

¹⁸ Mulundu uoso ua Sinai anga u kala mu tuka dixi, mukonda Jihova ua tulukila ku thandu diê muʼaxaxe ka túbhia, dixi diê anga di banda kala dixi dia kidijiku kionéne mulundu uoso anga u teketa, uia ni kutunguta kiavulu.

Makatukilu 19:18 ပူးပေါင်းရင်းမြစ်များ

Dimatekenu 11:5

Ngana anga u tuluka mu tala mbonge ni kathôndo kala mu tunga anʼathu.

Dimatekenu 15:17

Anga ki bhita-phe kuila, o kia zubha kutula o dikumbi, kuma anga ku vunda kiá muene, u mona dijiku diala mu fuafua dixi, ni sama ia uama túbhia, ia bhiti mu kaẋi ka isasu ienhoio.

Dimatekenu 19:28

o kia talela ku Sodoma ni ku Ngomola, ni ixi ioso ia ngânga, u mona ixi ioso iala mu tuka dixi, kala kitumba kia uama.

Nehemiia 9:13

Anga u tuluka ku mulundu ua Sinai, hé u a zuelesa tunde ku diulu; anga u a bhana mabatuilu ma iuku, ni itumu ia kidi, ni matendelelu ni ijila iambote.

Jisálamu 104:32

Ua bhingi se oxi u i zongola, i teketa; milundu u i bhabha, i fuafua dixi.

Jisálamu 114:4

Milundu ia petajaka ni ngalasa kala ilumbe ia jimbudi, tuthuthulundu tua tonoka kala tuana tua ibhaku.

Jisálamu 114:7

Teketa muene u ixi ia kimi, bhua ku tukulukila muene Ngana, bhu ua mono o pholo ia Nzambi ia Jakobo.

Jisálamu 144:5

Bheteka o maúlu, u Jihova, u tuluke; babata milundu phala i fuafue dixi.

Jisálamu 18:9

Diulu ua di bheteka iu ua tuluka; o bhoxi dia inama iê kitombe kʼila muene bui.

Jisálamu 68:9

Eie, Ngana, Nzambi, ua nokesa mvula iavulu, ua nhohesa o undundu ué ua kexe kiá ni kubhuila.

Jisálamu 77:18

Dízui dié dia kunumina a dʼivila mu kibhungu; kutelaka kué kuazelesa mu ngongo ioso; o ixi i zamba, i tunguta.

Jisálamu 77:19

Uendelu ué, Ngana, ua bhiti mu musanza ua kalunga, njila jé ji tandula mu kaxi ka mabhuku, manhanhu mé ka tena ku a mona.

Makatukilu 19:13

Ki bhua kàla dingi lukuaku lu mu kuata, kale a mu bûba ni matadi, mba a mu asa ni mufula; a kale muthu, a kale kibhaku, ka laie dingi; ki mu ivua mbungu ia xiki lujiji, kiene kiua ki mu banda ku mulundu.

Makatukilu 19:17

Mozé anga u tubhula o mundu ku kanga dia kibangu, mu kutakana ni Jihova; anga emana bhoxi dia mulundu.

Makatukilu 20:18

Mundu uoso anga evua inuminu, a mono nzaji kutelaka, ni dízui a dʼivu dia koloneta, ni mulundu a u mono uala kuxongota dixi; mundu-phe kia mono ima iii a teketa, anga a bholoka, emanena ngó mu kanga.

Makatukilu 24:17

O kubenha kua kizunda kia Jihova, anga ku kala kala kitúbhia kia muzukuta kia uama bhu zoko-zoko dia mulundu, ku mesu ma anʼa Izalaiele.

Makatukilu 3:2

Mukunji ua Jihova anga u mu tukulukila mu mulengu ua túbhia, ua uamena mu kaẋi ka kisasa; sui, kuala Mozé, o kisasa kia uama túbhia, maji o kisasa ki kia mu jokota.

Makatukilu 34:2

U kale polondo mu kimene, u di meneke dingi mu mulundu ua Sinaiʼumu, u di bhakule ko kuami bhu thala ia mulundu.

Izaía 6:4

Mukonda-phe dia dízui dia ió a te o nzongo, o mielu ia tunguta, anga inzu izala ni dixi.

Izaía 64:1

Ó Ngana! Tamanu ua budile maúlu anga u tuluka, o milundu anga i di keleka mukonda dia pholo ié!

Jelemiia 4:24

Tala, nga kengelela milundu, nga i mono i teketa; o malundu me moso ma di nhika-nhika.

Habakuke 3:6

Uemana, anga u kala mu kuzonga ixi; ua tale, iu ua uanununa o miji; o milundu iòkulu i sekumuka anga i kituka fufuta, o tu-thuthulundu tua makulu ni makombe, tu senguluka, anga tu jikinina, maji o jinjila ja Nzambi ja kaiela-ku.

Zakadiia 14:5

Enu-phe mua kà lengela mu dikôlo dia milundu iami, kuma o dikôlo dia milundu dia kàia katé ku Kazela; kidi-ze muene, enu mua kà lenga kala ki mua lengele o kitungutisu kiaʼxi mu izuua ia Uziiia, sobha ia Juda; kienhokio-phe Jihova Nzambi iami ua kèza, ni athuʼê a ngene oso a di zelesa, Jisandu a kèza kumoxi ni eie, Ngana.

Matesu 24:7

Mbata akua ʼxi imoxi a kà di kuata ni akua ʼxi iamukuá; kilômbo kia kà balukila kilômbo kiamukuá; kua kà kala nzala, ni oxi kutunguta mu ididi iavulu.

Matendelelu 33:2

Uixi: Jihova uatulukila ku Sinai, iú ua bandela ku Seíle; ua lekujukila ni ku mulundu ua Palane, ueza ni kuinhi dia midi dia jisandu ku madilu mê kua kexile o kitumu kiauama túbhia phala ene!

Matendelelu 4:36

Muene-phe ku diulu kuene, kuene kuandekela ku ku ivisa o dízui diê, mbé o ku ku longa; o mu ngongo ua ku londekeza o túbhia tuê tua unéne, eie uevu o maka mê kioso muene kia zuelela mu kaẋi ka túbhia.

Matendelelu 5:22

Makʼama mene Jihova ma jimbuila mundu uenu uoso ki mua bhongolekele bhu mbanduʼa mulundu, anga muene uzuelela mu kaẋi ka túbhia, mu matuta maxiti mavundu, ni kuene buí, o dízui diia ni kubhana mutendu ua suina, kuabhu-phe, ka te-ku dingi kima; kienhókio iú ua ma sonekene ku mabáia maiadi ma matadi; anga u ngi bhana-nâ eme.

Matendelelu 5:4

Tua di muena-kiu etu oso kia tu zuelesa Jihova pholo ni pholo mu kaẋi ka túbhia.

II Tesalonika 1:7

Hé enu-phe mua tale hadi, u mi bhana kunhoha, kumoxi ni etu, tua tale hadi, bhuoso bhua kà tukulukila Ngana Jezú ku diulu ni ji-anju jê ja nguzu.

II Tesalonika 1:8

Muène uà kèjiia mu tubhia tu bhana milengu, mu ku a bhesa kaxtiku, oso kejiia Nzambi, ni ió nguauâ kutumaka o Njimbu Iambote ia Ngana ietu Jezú Kristu.

Jihebeleu 12:18

Mbata enu ki mu eza, kala ki ejiie o mundu ua Izalaiele, bhua zukama ni kima kiẋikina ku ki babata kala o mulundu ua Sinai, ua uama tubhia, ni kuvunda kuê, ni usuku-ua-nzumba, ni kufuafua dixi,

Jihebeleu 12:26

Muène mu thembuʼomo dizui diê dia tungutisile oxi, maji-phe kindalʼiki muène uambe kiki: Hinu ngi ki tona dingi lumoxi o kutungutisa oxi, maji ki iene ubheka uê, katé ni diulu.

II Phetele 3:10

Maji kizuua kia Ngana-phe, hinu kʼiza kala kʼiza o muii. Mu kizuuʼokio o maulu ma kà jimuka ni mutendu ua dikota, ima ioso ia moneka ku mesu iala mu dimbinza, ia kà jokota ku tubhia. O oxi ni imbamba iê ioso iala-mu, ia kà jimuka.

Dijingunuinu 15:8

Tembulu anga izala ni dixi dia tundu mu kubenha kua Nzambi ni kusuina kuê. Kana-bhu ua tena kubokona mu Tembulu, katé o sambuadi dia mabhebhu ma kuata sambuadi dia anju ma zubha kubhita.

Dijingunuinu 9:2

Anga muène théthembua u jikula mu dikungu dia mukiukuluku, anga mu dikungu mu fuafua dixi kala dixi dia dijiku dia dikota. Ni ku dikumbi, ni kuma kuoso, anga ku vunda mukonda dia dixi dia dikungu.

Afundixi 5:5

Milundu ia botomoka bhu pholo ia Jihova, katé ni ua Sinai, kia mu tukulukila Jihova, Nzambi ia Izalaiele.