Makatukilu 19:17 - O Mikanda Ikola

¹⁷ Mozé anga u tubhula o mundu ku kanga dia kibangu, mu kutakana ni Jihova; anga emana bhoxi dia mulundu.

Makatukilu 19:17 ပူးပေါင်းရင်းမြစ်များ

Makatukilu 19:13

Ki bhua kàla dingi lukuaku lu mu kuata, kale a mu bûba ni matadi, mba a mu asa ni mufula; a kale muthu, a kale kibhaku, ka laie dingi; ki mu ivua mbungu ia xiki lujiji, kiene kiua ki mu banda ku mulundu.

Makatukilu 19:16

Anga ki bhita-phe kuila, mu kizuua kia katatu ki kuandeka ngó kúkia, kua kuata kunumina ni kutelaka jinzanji ku mulundu ni dituta dia kitombe (dia bhiti-ku), ni koloneta ia xiki ni dízui dia suina kiavulu. Katé ni mundu ala mu kibangu a kala mu teketa.

Makatukilu 19:18

Mulundu uoso ua Sinai anga u kala mu tuka dixi, mukonda Jihova ua tulukila ku thandu diê muʼaxaxe ka túbhia, dixi diê anga di banda kala dixi dia kidijiku kionéne mulundu uoso anga u teketa, uia ni kutunguta kiavulu.

Ijila 9:5

Bhenhobho anga a bheka kioso kia tumu Mozé bhu muelu ua balaka ia kutakanena; anga kilômbo kioso ki zukama, hé emana bhu pholo ia Jihova.

Jipoxolo 7:38

Mozé muene anga u di bhongolola ni mundu ua Izalaiele mu kikangalakata, anga u kala momo kumoxi ni jitata jetu ni anju ia mu zuelesa ku Mulundu ua Sinai. Mozé muenʼiú muene ua tambuile o mizambu ia muenhu kua Nzambi phala ku tu bhana na-iu etu.

Matendelelu 4:10

Ku jimbe o kizuua ki uemanene bhu pholo ia Jihova Nzambi ié bhu Holebe, kioso kia ngi tangelele Jihova, uxi: Ngi bhonguelele o mundu iú, nga-nda ku a evisa maka mami, na mʼejiie, mbe o ku ngi xila jinga mu izuua ioso ia muenhu uâ, o bhuoso bhua kà tunga a ka ma longe uê anʼâ.

Matendelelu 4:11

Kienhókio enu anga mu bhongoloka, muiza hé mu imana mu betekete ia mulundu; o mulundu-phe iu ufuáfua túbhia tua-lu di leka katé mu kaẋi ka maúlu; ni kuma kuexi bui, ni kitombe ni matuta kua di bhange usuku-ua-nzumba.

Matendelelu 5:5

Thembu ienhoio eme ngemanene bhuʼaxaxi kenu o kuku Jihova, o koko enu, mbé o kuenda ni ku mi tudila izuelu ia Jihova; mukonda túbhia tua mi kuatele uoma, enu mua lembuele kubanda ku mulundu; o muene-phe, uexi: