Makatukilu 19:16 - O Mikanda Ikola

¹⁶ Anga ki bhita-phe kuila, mu kizuua kia katatu ki kuandeka ngó kúkia, kua kuata kunumina ni kutelaka jinzanji ku mulundu ni dituta dia kitombe (dia bhiti-ku), ni koloneta ia xiki ni dízui dia suina kiavulu. Katé ni mundu ala mu kibangu a kala mu teketa.

Makatukilu 19:16 ပူးပေါင်းရင်းမြစ်များ

II Samuuele 22:10

Anga diulu u di bheteka, u tuluka; bhoxi dia inama iê hé bhu bhita kitombe kiedi buí!

II Malunda 5:14

Anga jinganga a lémbua kuimana, mu kubhanga ukunji uâ mukonda dia dituta, mbata o Kizunda kia Jihova kiezalesa o inzu ia Nzambi.

Jobe 38:25

Nanhi muene ua bhange o mikunguiji ia mvuila ia kibhungu, mba o njila ia itèlu-tèlu ia inuminu ia nzaji,

Jisálamu 50:3

Nzambi ietu iú uiza, ka xikina kudixibha; ku pholo iê túbhia tuia ni kuaúla, mu jimbandu jê uenda ni kibhûngu kiavulu.

Jisálamu 77:18

Dízui dié dia kunumina a dʼivila mu kibhungu; kutelaka kué kuazelesa mu ngongo ioso; o ixi i zamba, i tunguta.

Jisálamu 81:8

Ivenu, mu mundu uami, nga solo ku mi bazela; Izalaiele, tala, tamano mu ngʼívua!

Jisálamu 97:4

Jinzaji jê ji telaka mu ngongo; ixi ia ki mono, ia teketa.

Makatukilu 19:11

Akale plondo phala kizuua kia katatu; kuma mu kizuua kia katatu Jihova ua-ndu tuluka ku mesu a mundu uoso ku thanduʼa mulundu ua Sinai.

Makatukilu 19:15

Anga u ambela o kifuẋi, uixi: Mu kala polondo, (mu di iudika) kizuua kia katatu; kana ku di kasanesa ni muhatu.

Makatukilu 19:17

Mozé anga u tubhula o mundu ku kanga dia kibangu, mu kutakana ni Jihova; anga emana bhoxi dia mulundu.

Makatukilu 19:9

Jihova anga u ambela Mozé, uixi: Eme nga-nda kuiza kokué; ngi ku tulukila mu dituta dia kitombe, phala o mundu a dʼivile kioso ki ngi ku zuelesa, phala eie ue a ku xikane katé ku hádia ni hádia. Kuma Mozé ua tangela Ngana kioso kia vutula o mundu ue.

Makatukilu 20:18

Mundu uoso anga evua inuminu, a mono nzaji kutelaka, ni dízui a dʼivu dia koloneta, ni mulundu a u mono uala kuxongota dixi; mundu-phe kia mono ima iii a teketa, anga a bholoka, emanena ngó mu kanga.

Makatukilu 20:21

O mundu anga emana dikanga, Mozé ngó ua zukama ku kitombe kia xiti, bhuala Nzambi.

Makatukilu 40:34

Kia zubha kubhanga kiki, dituta dia vungina balaka ia kutakanena, balaka ioso iezala ni kubenha kua Jihova.

Makatukilu 9:23

Mozé anga u zenga o mbangala iê, u i londekeza mu diulu, Jihova anga u tumikisa mvula ia inuminu ni matadi, ni túbhia tuenda ni ku di loza mu mavu; Jihova anga u nokesa mvula ia matadi mʼoxi ioso ia Ijitu.

Jelemiia 5:22

Jihova uambe: Enu nguenu ku ngi xila, kuambienu? nguenu ku ngi kala ni uoma, eme nga te o mbambe ia kisèkele kia hatu mu xitila o kizanga kia kalunga, i ia xalela ngonge i nangenena ia bhingi o muene u lembua ku i matuka? Né-mbe u fundumuna mabhuku mê, ka tena kutolola; né-mbe mabhuku a zuma, mbambe ka kà i somboka.

Nahumu 1:3

O Ngana ua kokoloka kutema, maji o nguzu iê iavulu; ka xikina o muêdi ku mu lungisa; O Ngana njila iê ia kuendela i bhita mu kibhungu ni kitembu kia kita-phephe; o matuta ene o fufutila ia inama iê.

Matesu 24:31

Muène ua kà tuma o ji-anju jê ni dízui dia koloneta, anga ji bhongolola athuʼê ósole ku itembu iuana, tunde kua tundu o diulu katé ku dia suku.

Matendelelu 5:5

Thembu ienhoio eme ngemanene bhuʼaxaxi kenu o kuku Jihova, o koko enu, mbé o kuenda ni ku mi tudila izuelu ia Jihova; mukonda túbhia tua mi kuatele uoma, enu mua lembuele kubanda ku mulundu; o muene-phe, uexi:

Jihebeleu 12:21

O kisuma kiokio kia kexi ku mona, kia a bhekelele uoma, katé ni Mozé, uixi: Nga mu teketa kiavulu ni uoma!

Dijingunuinu 1:10

Nga kexile mu Nzumbi kizuua kia Ngana, anga ngʼivua ku dima diami dízui dia suina mukuâ ni koloneta,

Dijingunuinu 11:19

Tembulu ia Nzambi iene mu diulu anga a i jikula bhenhobho, o álaka ia kikutu kiê anga i moneka mu Tembulu. Anga ku kala jinzaji, ni mazui, ni inuminu, ni kizema-zema kia ʼxi, ni mvula iavulu ia matadi.

Dijingunuinu 4:1

Kia bhiti imʼiii, ngi kala ni kisunji kia mukuá, o ki nga tale, ngi mona dibhituʼidi, dia jikuka mu diulu! O dízui di nga diangele kuívua, mkuâ ni koloneta, anga di ngi zuelesa, dixi: Banda kunu, ngi ku idikize ima ia bhingi hinu i bhita!

Dijingunuinu 4:5

Mu kiandu anga mu telaka jinzaji, mu tunda màzui, ni inuminu. O bhu pholo ia kiandu, bhua uama sambuadi dia sama ja túbhia, diene o sambuadi dia Nzumbi ia Nzambi.

Dijingunuinu 8:5

Anjo anga u katula kiomuènu, u omona túbhia ku ʼalatódio, hé u tu texi mu ngongo. Anga ku bhita inuminu, ni mazui, ni jinzaji ni kiteketela kia ʼxi.