Makatukilu 19:15 - O Mikanda Ikola

¹⁵ Anga u ambela o kifuẋi, uixi: Mu kala polondo, (mu di iudika) kizuua kia katatu; kana ku di kasanesa ni muhatu.

Makatukilu 19:15 ပူးပေါင်းရင်းမြစ်များ

I Malunda 15:12

Hé u a ambela, uixi: Enu, enuʼenu mu ilamba muala kupholo ia jitata muʼaxaxe ka jilevita: Dizelesienu-phe, enu ni jiphange jenu, phala mu bandese o álaka ia Jihova, Nzambi ia Izalaiele, ku kididi ki nga i iudikila.

Makatukilu 19:11

Akale plondo phala kizuua kia katatu; kuma mu kizuua kia katatu Jihova ua-ndu tuluka ku mesu a mundu uoso ku thanduʼa mulundu ua Sinai.

Makatukilu 19:14

Kioso Mozé kia tuluka ku mulundu, iú ueza bhuala o mundu, u bonza o kifuẋi, anga a sukula o izuatu iâ.

Makatukilu 19:16

Anga ki bhita-phe kuila, mu kizuua kia katatu ki kuandeka ngó kúkia, kua kuata kunumina ni kutelaka jinzanji ku mulundu ni dituta dia kitombe (dia bhiti-ku), ni koloneta ia xiki ni dízui dia suina kiavulu. Katé ni mundu ala mu kibangu a kala mu teketa.

Jouele 2:16

Kifuẋi bhongololenu-kiu kionge zelesenu-kiu, ikulakaji ia kuka a i bhongolole, bhongololenu ue tuana tua ndenge kumoxi ni ia a mu kuámua ku mele; ngaiala a tunde mu xilu diê, o díbhanga di tomboloke mʼonzo ia ubhanga.

Ijila 15:18

Muhatu ue, uoso a zeka-nê kuala diiala anga u mu lukuila mbutu ia muenhu, kiiadi kiâ a di sukule muene ni menha, a nange kienhiki mu kukasana kuê katé mu ngoloxi.

Amoji 4:12

Kala kiki, Eme-phe nga-nda ku ku bhanga kiki, eie Izalaiele ia kime! Muko-nda nga-nda ku ku bhanga kiki, di lunge-phe, Izalaiele, mu ku takana ni Nzambi ié!

Zakadiia 6:3

Ku dia katatu jikabalu ji zela; o ku dikalu dia kauana jikabalu ja kiphembe; tubalu tuoso tua nguzu muene.

Zakadiia 7:3

Iá ebhula ku jinganga ja kexile mʼonzo ia Jihova dia Ifuẋi ni ku jipolofeta, exi: Manhi, tu dila jinga kienhiki, ni kujila, bhu mbeji ia katatu kala ki tuene kiá ku ki bhanga mu mivu iavulu?

Malakiia 3:2

Maji nanhi ua kà kolokota bhu kizuua kia kuiza kuê? Mba nanhi ua kʼèmana-bhu kioso muene kia kà tukuluka? Mukonda muene ua kà kala mukuâ ni túbhia tua musudi-a-thumba; ua kà di fuangana kala nzabá ia musukudi.

Matesu 24:44

Kienhiki, enu uenu kalenu polondo. Mbata kithangana ki mua ki fikile, kiene kia kà tukuluka o Monʼa Muthu.

I Kolindo 7:5

Kiiadi kiâ kana muthu u di tuna mukuá, kikale ngó se kiiadi kienu mua bangana ku ki bhanga mu kithangana, phala mu te miẋima mu kusamba. Kithangana-phe kuila kia bhiti, mu takana dingi kala ki mua mu bhanga kiá, phala Satana ka mi diangule mukonda dia kukamba o nguzu ia ku di langa.