Makatukilu 19:11 - O Mikanda Ikola

¹¹ Akale plondo phala kizuua kia katatu; kuma mu kizuua kia katatu Jihova ua-ndu tuluka ku mesu a mundu uoso ku thanduʼa mulundu ua Sinai.

Makatukilu 19:11 ပူးပေါင်းရင်းမြစ်များ

Dimatekenu 11:5

Ngana anga u tuluka mu tala mbonge ni kathôndo kala mu tunga anʼathu.

Nehemiia 9:13

Anga u tuluka ku mulundu ua Sinai, hé u a zuelesa tunde ku diulu; anga u a bhana mabatuilu ma iuku, ni itumu ia kidi, ni matendelelu ni ijila iambote.

Jisálamu 144:5

Bheteka o maúlu, u Jihova, u tuluke; babata milundu phala i fuafue dixi.

Jisálamu 18:9

Diulu ua di bheteka iu ua tuluka; o bhoxi dia inama iê kitombe kʼila muene bui.

Makatukilu 19:16

Anga ki bhita-phe kuila, mu kizuua kia katatu ki kuandeka ngó kúkia, kua kuata kunumina ni kutelaka jinzanji ku mulundu ni dituta dia kitombe (dia bhiti-ku), ni koloneta ia xiki ni dízui dia suina kiavulu. Katé ni mundu ala mu kibangu a kala mu teketa.

Makatukilu 19:18

Mulundu uoso ua Sinai anga u kala mu tuka dixi, mukonda Jihova ua tulukila ku thandu diê muʼaxaxe ka túbhia, dixi diê anga di banda kala dixi dia kidijiku kionéne mulundu uoso anga u teketa, uia ni kutunguta kiavulu.

Makatukilu 19:20

Jihova kia tuluka ku mulundu ua Sinai, u tula bhu thala ia mulundu; Jihova anga u ixana Mozé kubanda bhu thala ia mulundu; Mozé anga u banda.

Makatukilu 24:16

O kubenha kua kizunda kia Nzambi-phe, kua xala ku thandu dia mulundu ua Sinai, dituta dia u vungina mu izuua isamanu, o mu kizuua kia kasambuadi-phe, Jihova anga u ixana Mozé, ua mu ixanena mu kaẋi ka dituta.

Makatukilu 24:17

O kubenha kua kizunda kia Jihova, anga ku kala kala kitúbhia kia muzukuta kia uama bhu zoko-zoko dia mulundu, ku mesu ma anʼa Izalaiele.

Makatukilu 3:8

Kala kiki, nga tuluka-phe mu ku a kudila bhu maku a akua Ijitu, ni ku a katula mʼoxi momo muala, ni ku a bheka mʼoxi iengi iauabha ia kulu, ixi i kunguluka lete ni uiki; ixi ia tungu Makanana, ni Mahiti, ni Mamodi, ni Mapelezi, ni Mahivi, ni Majebusi.

Makatukilu 34:2

U kale polondo mu kimene, u di meneke dingi mu mulundu ua Sinaiʼumu, u di bhakule ko kuami bhu thala ia mulundu.

Makatukilu 34:5

Jihova anga u tulukila mu dituta, hé u imana-nê; bhenhobho, u kola o dijina dia Jihova.

Dialuilu 11:17

Eme ngi tuluka, ngi ku zuelesa bhenhobho; ngi katula ku Nzumbi iala ku thandu dié, ngi ta ku thandu diâ-ene; ene ue ambate-ku ku kimbamba, ki ki kale kia ubheka ué.

Nzuá 3:13

Kana-ku dingi muthu ua bandele bhulu, kikale ngó ió ua tundu bhulu, muène Monʼ a Muthu, mukua diulu.

Nzuá 6:38

Mbata eme nga tuluka mu diulu, kana mu kubhanga o vondadi iami, maji mu kubhanga vondadi ia ió uoso ua ngi tumu.

Matendelelu 33:2

Uixi: Jihova uatulukila ku Sinai, iú ua bandela ku Seíle; ua lekujukila ni ku mulundu ua Palane, ueza ni kuinhi dia midi dia jisandu ku madilu mê kua kexile o kitumu kiauama túbhia phala ene!

Matendelelu 4:10

Ku jimbe o kizuua ki uemanene bhu pholo ia Jihova Nzambi ié bhu Holebe, kioso kia ngi tangelele Jihova, uxi: Ngi bhonguelele o mundu iú, nga-nda ku a evisa maka mami, na mʼejiie, mbe o ku ngi xila jinga mu izuua ioso ia muenhu uâ, o bhuoso bhua kà tunga a ka ma longe uê anʼâ.

Josuué 3:5

Josuué anga uambela kifuẋi uixi: Di zelesienu; mukonda mungu, kuma ki kúkia, Jihova ua-ndu bhanga madiuanu muʼaxaxi kenu.