Makatukilu 19:1 - O Mikanda Ikola

¹ Bhu mbeji ia katatu tunde kia tundu anʼa Izalaiele mʼoxi ia Ijitu, mu kizuua kia dianga kia mbeji ienhoio, a bhiẋila mu kikangalakata kia Sinai,

Makatukilu 19:1 ပူးပေါင်းရင်းမြစ်များ

Makatukilu 12:2

Mbeji iii muene, iene i kala ienu ia kamoxi ku jimbeji joso; phala enu iene o mbeji ia dianga ku muvu.

Makatukilu 12:51

Anga ki bhita kuila, mu kizuua kienhókio, Jihova u katula anʼa Izalaiele mʼoxi ia Ijitu, kala kia di te mu ilombo iâ.

Makatukilu 12:6

anga mu i bhaka katé mu kizuua kia kauana ku dikuinhi, ku mbeji imoxi ienhiʼi, kizuuʼokio-phe, mu kumbi dia ngoloxi, o kionge kioso kia muiji ua Izalaiele kiene kia i jibha.

Makatukilu 16:1

Anga a kuata dingi njila iâ, kutunda bhu Elimi, kionge kioso kia anʼa Izalaiele anga eza mu kikangalakata kia Sine, bhu kaẋi ka Elimi ni Sinai, kizuua kia katanu ku dikuinhi, mbeje ia kaiadi tunde bhu kukatuka kuâ mʼoxi ia Ijitu.

Makatukilu 3:12

Kuala Nzambi, uixi: Ni kidi kiene, Eme ngà kala ni eie; o kiki kiá kala kijimbuete, kuma eme muene nga ku tumu: Kioso ki ua kà tundisa o mundu mu Ijitu, Nzambi hinu mu mu bhezela mu mulundu muenhumu.

Makatukilu 40:2

Mu kizuua kia dianga ku mbeji ia kamoxi, u ximbika o balaka ia ditakanenu.

Izekiiele 20:10

Eme nga a katula muene mʼoxi ia Ijitu, eme ngaii-nâ mu kikangalakata.

Dialuilu 1:1

Jihova anga u zuelesa Mozé, mu kikangalakata kia Sinai, mu balaka ia kutakanena, kizuua kia kamoxi bhu mbeji ia kaiadi, mu muvu ua kaiadi tundé kia tundu mʼoxi ia Ijitu, uixi:

Dialuilu 10:12

Anʼa Izalaiele anga a katuka mu kikangalakata kia Sinai, enda ku kibuka-kibuka, katé dituta dia tula mu kikangalakata kia Palane.

Dialuilu 3:14

Jihova anga u ambela Mozé mu kikangalakata kia Sinai, uixi:

Dialuilu 33:15

Kutunda mu Lefidimi, a ta kibangu mu kikangalakata kia Sinai.

Matendelelu 1:6

Jihova Nzambi ietu ua tu zuelesa bhu Holebe, uixi: Bhu mulundu iú mua nakina-bhu kinéne.

Matendelelu 4:10

Ku jimbe o kizuua ki uemanene bhu pholo ia Jihova Nzambi ié bhu Holebe, kioso kia ngi tangelele Jihova, uxi: Ngi bhonguelele o mundu iú, nga-nda ku a evisa maka mami, na mʼejiie, mbe o ku ngi xila jinga mu izuua ioso ia muenhu uâ, o bhuoso bhua kà tunga a ka ma longe uê anʼâ.

Matendelelu 4:15

Endenu-phe ni ku di langa kiambote o mienhu ienu, kuma enu kioso ki mua di kundile ni Jihova Nzambi ienu, bhu Holebe, ki mua muene-bhu kídifiua kia kima kioso-kioso muene kia mi zuelesele mu kaẋi ka túbhiaʼotho;

Matendelelu 5:2

Jihova Nzambi ietu, uate kikutu nʼetu bhu Holebe.