Makatukilu 18:8 - O Mikanda Ikola

⁸ Mozé anga u kunda ukouʼê kioso kia bhange Jihova kua Falaó ni kua akua Ijitu, mukonda dia jihenda ja kuatela Izalaiele, ni jihadi joso ja tale mu njila, ni kia a kuatekesa jinga Jihova, mu ku a kudila.

Makatukilu 18:8 ပူးပေါင်းရင်းမြစ်များ

Dimatekenu 44:34

Kuma o tatʼetu ngi di mona-nê kiebhi o pholo, se o kaialʼaka ua xala? Phala ki ngi mone dingi o lamba dia-nda kuiza kua tatʼetu.

Nehemiia 9:32

O kiki-phe, eie u Nzambi ietu, eie u Nzambi Ionéne, Nzambi ia kutena, u kuatesa uoma, u bhaka o kikutu ni ufiiele uoso, hé ujiza ni kubhanga o mbote, kumone kutola o dilamba dioso lelu dia tu kuata etu, ni jisobha jetu, ni ilamba ietu, ni jinganga jetu, ni misesedi, ni jitata jetu, ni kifuxi kié kioso, tunde mu izuua ia jisobha ja Asídia, katé mu kizuua kia lelu.

Jisálamu 106:10

Ua a kudila bhu lukuaku lua ió ua a kanena jinga; ua a tambula bhu maku a ngungu-a-nzumba.

Jisálamu 106:8

Maji kiene kimoxi, muene ua a bhulula mukonda dia dijina diê, phala o undanda uê a u ijiie;

Jisálamu 107:2

Oso a a kula kuala Jihova, a mu tumbule, ió oso a a kula bhu maku a nguma.

Jisálamu 66:16

Zenu, mu ivue, enu oso muene mu ẋila Nzambi, ngi mi jimbuile kioso muene, kia bhanga, mù kudila o muenhu uami.

Jisálamu 81:7

Ki ua dikola mu lamba, nga ku kudila; nga ku itaiela mu kididi kiòsueke mu tunda o inuminu ia jinzaji; nga ku lola o muẋima bhu menha ma Medibah. (Selah.)

Makatukilu 15:16

Kua a tulukila kekenha ni kikote; o nguzu ia lukuaku lué ia a bhuuika, a xikama ni ene hudií kala ditadi; katé kia zaúka o mundu ué, u Jihova, katé kia zaúka, o mundu ué u ua sumba.

Makatukilu 15:6

Lukuaku lué lua kúdia, eie u Jihova, luala ni nguzu ia fuma; lukuaku lué lua kúdia, u Jihova, lua muanganesa o nguma, muangatatá.

Makatukilu 16:3

Anʼa Izalaiele anga a zuela kua ene, exi: Tamano tua fuile ku lukuaku lua Jihova, mʼoxi ia Ijitu, kioso ki tua kexile mu xikama bhu mbanduʼa jímbia ja xitu, anga tu dia o mbolo, hé tu i lémbua; enu-phe mua tu katula, enu mua tu bheka mu kikangalakatʼumu, phala kujibha o mundu uosʼú ni nzala.

Makatukilu 18:1

Kiki Jétulu, nganga ia Midiiana, ukouʼa Mozé uevu ima ioso Nzambi ia bhange mu kuatekesa Mozé, ni mundu uê ua Izalaiele; kuma uevu ue kioso Jihova kia katula Izalaiele mu Ijitu.

Makatukilu 2:25

Nzambi anga u mona anʼa Izalaiele, Nzambi anga u suua o dilamba diâ.

Makatukilu 23:23

Mbata o anju iami i mi tuamena phala ku mi bheka kuala o Mamodi, ni Mahiti, ni Mapelezi, ni Makanana, ni Mahivi, ni Majebusi; o ene-phe ngʼà a batula-mu;

Makatukilu 4:23

Nga tumu ku ku ambela kuila: Eha monaʼami, phala a ngi kalakele; eie-phe ki ua ditunu ku mu eha, eme nga-nda kujibha monʼé ua phande-kumbi.

Makatukilu 7:4

Falaó-phe ka-nda ku mʼivua, eme ngi tula lukuaku luami ku thandu dia Ijitu, hinu ngi tundisa ilombo iami, o mundu uami ua anʼa Izalaiele mu ixi ia Ijitu, ku isunji ia vulu i bhita-bhu.

Makatukilu 7:5

O akua Ijitu-phe a kejiia kuma eme ngi Jihova, kioso ki ngi sunununa lukuaku luami ku thandu dia Ijitu, mu katula anʼa Izalaiele muʼaxaxe kâ.

Dialuilu 20:14

Kia bhiti imʼiii, Mozé u katula jiphunga bhu Kadexi, u a tuma kua sobha ia idomo, uexi: Phangʼié Izalaiele uambe kiki: Eie uejiia o jiphaxi joso ji tua mu bhita na-ju,