Makatukilu 18:7 - O Mikanda Ikola

⁷ Mozé anga u tunda mu kauidila ukouʼê, u mu diundiula, u mu bhana jibeju anga a di kunda, a dʼibhudisa kioso kia zekele, hé a bokona mu balaka.

Makatukilu 18:7 ပူးပေါင်းရင်းမြစ်များ

Dimatekenu 14:17

Sobha ia Sodoma anga u tunda mu ku mu batuila, kia tundu ku kihaẋi kia Kedolaumele, ni jisobha ja mukuá ende-nê, a takanena mu honga ia Xave, iexana exi mu honga ia muenexi.

Dimatekenu 18:2

Uzambula mesu, u tala, hé u mona, mala atatu iá emana ku pholo diê. O kia zubha ku a mona, u balumuka bhu muelu ua balaka, uia ni kulenga mu ku a kauidila, u fukama, u ta o pholo bhoxi.

Dimatekenu 19:1

Anjo jiiadi ji tula mu Sodoma mu kumbi dia ngoloxi, kia xikama Lote bhu muelu ua kimbaka kia Sodoma; kia zubha ku a mona, Lote u balumuka, uia mu ku a kauidila, u bhetama pholo bhoxi;

Dimatekenu 29:13

Labano-phe kia zubha kuívua hundu ia Jakobo, monʼa phangʼiê ia muhatu, uiza ni kulenga mu takana-nê, u mu bhubhala, u mu bhana jibejo, u mu bheka ku bhata diê. Muene anga u kundila Labano ima ioso ia bhiti na-iu.

Dimatekenu 31:28

Ni kubhana ngó jibejo ku anʼami a mala ni a ahatu kua ngehela; Mu kubhanga kiki, ua bhange uoua muene.

Dimatekenu 43:26

Zuze-phe kioso kieza ku bhata, ene a mu bhakuila o ujitu uâ ueza na-u mʼonzo muenhomo, anga a mu diundila, a tuta muene jipholo bhoxi.

Dimatekenu 45:15

O Zuze anga u bejala o jiphange jê joso, u dila ue ni ene; o kia zubha kubhanga kiki, jiphange jê kiene kiua kia tena kuzuela-nê.

Dimatekenu 46:29

Zuze anga u iudika o dikalu diê, u banda mu takana ni Izalaiele, tatʼâ, mu Ngozene. O kia mu tukulukila, u mu bhubhala, u didila mu xingu iê kithangana muene kia dikota.

II Samuuele 11:7

Kia zubha Udiia kutula, Davidi u mu ibhula mba Jouabe ua zekele kiebhi, o mundu uala kiebhi, ni ita mba ala ku i lua kiebhi.

I Jisobha 2:19

Bete-seba anga uia kua Solomá, mu kuzuelela Adoniia. Muenexi anga u balumuka mu takana-nê, u mu bhetamena, anga u xikama kiua bhu kiandu kiê; hé u bhekesa-bhu ni kiandu kiamukuá kia mamʼâ muenexi kuxikama; Bete-seba hé u xikama ku lukuaku luê lua kúdia.

Jisálamu 2:12

Bhombenu mona, ki mu kinge kia thathamana; kuma hinu mu diuana ku muia, njinda iê ki i uama kala túbhia. Enhó-phe a zediua oso a dielela kua Muene.

Makatukilu 18:6

anga u ambela Mozé, uixi: Eme ngi ukouʼé Jétulu, ngeza ku ku kunda, nga ku bhekela mukajiʼé; ni anʼé kiiadi a mala muhetuʼé ueza-nâ.

Makatukilu 33:7

Mozé anga u katula o balaka, hé u i ximbika mu kanga, bhu kibangu u xia-bhu muene kadikanga; u ixana kiá balaka ia kutakanena. O uoso uedi u sota Jihova, u xia bhu kibangu uia ku balaka ia kutakanena iala mu kanga.

Makatukilu 4:27

Jihova anga u ambela ue Alá, uixi: Ndé mu kikangalakata, ua kà takane ni Mozé; muene anga uia, u takana-nê bhu mulundu ua Nzambi, u mu bhana jibeju.

Dialuilu 22:36

Balake-phe ki evu kuma Balamu iú uiza, u tunda mu ku mu kauidila bhu mbonge ia Mouabhe, iala bhu mbambe ni Anone, bhene bhu suke ia mbambe iê.

Luka 7:45

Eie kua ngi bhana beju kioso ki nga bhixila. Muène-phe tunde ki nga bokona, kiluua a zumbuka ku ngi nzobola inama.

Jipoxolo 20:37

Ene oso anga a dila kisoxi, a di bhubhala ni Phaulu, a mu bhana jibeju.

Jipoxolo 28:15

O jiphange kueneʼ oko ku Roma kia tu ivu kuila etu tuiza, eza ku tu tumbidila katé bhu Kitanda kia Apio, ni bhu Ijima Itatu. O Phaulu kia di mono-nâ, ua sakidila Nzambi, iú ua tana-ku dingi.

Afundixi 11:34

Jefete anga u vutuka bhu Mixipa bhu bhata diê; bhenhobho-ze monʼê ua muhatu u tunda mu ku mu kauidila ni isaka ni kukina; muene-phe muene monʼê ngó umoxi-elèle, ka moneka dingi mona, né ua diiala, mba ua muhatu.

I Samuuele 17:18

O kuinhi dia hejuʼidi u di bhekela kaphitangu ka jimidi jâ, u kunde o makotʼé kioso kia zekele se ala kiambote, uize-ku ni njimbu iâ u tu tudile se a bhindamena ue kima.

I Samuuele 17:22

Davidi anga u xa muhamba uê kua iú ua tambula konda ia imbamba, u lengela kuala kuia kilômbo, u sanga phange jê, hé ua menekena.