Makatukilu 18:4 - O Mikanda Ikola

⁴ ndenge dijina diê Eliiezele; kuma uambe, uixi: Nzambi ia tatʼetu ua ngi kuatekesa, ua ngi kudila ku xibhata ia Falaó.

Makatukilu 18:4 ပူးပေါင်းရင်းမြစ်များ

Dimatekenu 49:25

Xi, o Nzambi ia tatʼenu, muene u ku kuatekesa, Muteni-a-Ioso a ku bhane dibesá; a ku bhane mabesá ma diulu ku thandu, a ku bhane mabesá ma menha koxi a mavu, a ku bhane mabesá ma tatʼenu.

I Malunda 23:15

O ana a Mozé-phe, enhá: Ngelexone ni Eliiezele.

I Malunda 23:17

O ku ana a Eliiezele, Lehabiia muene uakexile o kilamba ua di bhange mutumini, kuma o Eliiezele kakexile dingi ni ana amukuá; maji, o ana-phe a Lehabiia adisokoluele kiavulu kinene.

Jisálamu 18:1

Eme ngi ku zola ni muẋima uoso, eie u Jihova, u nguzu iami.

Jisálamu 18:48

Muene ua ngi kudila ku jinguma jami, ua ngi bhake ditala, ene ka tena-bhu, oso ala ku ngi sota; ua ngi tambula ku kiiala kiasuina.

Jisálamu 34:4

Nga soto Jihova, iú uetaia; ua ngi kudila ku ima ioso i ngi kuatesa uoma.

Jisálamu 46:1

Nzambi dilengelu dietu, nguzu ietu, kota dia dikuatekesu dia zukama mu jiphaxi.

Makatukilu 10:28

Falaó anga u mu ambela, uixi: Tunda bhabha, u ngi bhue ku mesu; aluka-ze, kizuua kioso ki u ngi mona dingi o pholo, ki kala kizuua kié kia kúfua.

Makatukilu 2:15

Falaó-phe kia zubha ku kʼivua, u sota kujibha Mozé. Mozé anga u lenga o pholo ia Falaó, uia kukala mʼoxi ia Midiiana, anga uiza u xikama bhu mbanduʼa kixima.

Makatukilu 2:22

Anga u mu vualela monʼa diiala, u mu luka Ngelexone; kuma uambe, uixi: Ngi nzuángiza, mʼoxi ia athu engi.

Makatukilu 4:20

Mozé anga u zangula mukajiʼê, ni anʼê a mala, u a ta ku bulu, u katuka mu kuia dingi mʼoxi ia Ijitu, ni mbangala ia Nzambi uê ua i kuata bhu lukuaku.

Daniiele 6:22

Nzambi iami uatumina anjo iê, iú uajika o makanu ma jihoje, phala ki ji ngi kuame mukonda bhu pholo iê ka ngi sange ni kikuma; né-mbe ko kuê, sobha, eme ki nga ku te kituxi kia kima.

Jipoxolo 12:11

Phetele kia zubha kuphaphumuka, uixi: Kindala nga kʼ ijiia kiá kuma ku luelu muene ni kidi! Ngana ua tumu o anju iê, ua ngi kudila bhu maku ma Helode, iú ua kakula mundu ua Jijudé, ku kioso kiambele ku ngi bhanga.

Jipoxolo 7:29

Mozé anga u lenga ki evu o kizueluʼiki, hé u kala mutunganhi mʼoxi ia Midiiana. Kuenioko anga u vuala-ku anʼ aiadi.

II Timote 4:17

Bhenhobho-phe Ngana ua ngʼimanena, ua ngi bhana nguzu, phala ngi tene kuzubha kubhana o Ngolokela, akua jixi joso, ka tokala ue mu muiji ua Jijudé, nʼévue. Iu ua ngi kudila mu kanu dia hoji.

Jihebeleu 11:34

A tumbulula o nguzu ia mulengu ua tubhia. A bhulaka ku a jibha ku mazu a xibhata, mu kubhuila a tambula nguzu. A bhanga undanda ku ita, anga a tolola o ifuẋi ia matumbu.

Jihebeleu 13:6

Uila kiki, tu kolokotienu ni kuila: Ngana muène mukuatekexi uami, eme ki ngi kala ni uoma. Hé muthu u ngi bhanga-hi?